179
ümumi əlaqələrimiz təkcə İkinci dünya müharibəsindən sonrakı
dövrü əhatə etmir, təbii ki, bizim bundan əvvəlki vaxtlarda, yəni
çar Rusiyası zamanı da geniş münasibətlərimiz olubdur. Cənab
Prezident burada çox düzgün qeyd etdi ki, polyaklar həmin
dövrlərdə Azərbaycana gəlmiş, burada yaşamış və yaratmışlar.
Mən burada xüsusilə xatırlatmaq istəyirəm ki, Polşanın
müstəqilliyinə həsr olunmuş və ölkədə çox oxunan romanların
biri Polşa istiqlaliyyətinin məhz Azərbaycanla bağlı səhifələri
ilə başlayır. Həmin müstəqillik uğrunda aparılan mübarizənin
əsas qəhrəmanlarından biri burada təhsil almışdır. Daha sonra
inqilab baş vermiş və o, Polşaya qayıtmışdır. Həmin romanın
yazılması özlüyündə bizim yaşadığımız ümumi taleyi bir daha
sübuta yetirir. Belə deyə bilərik ki, həmin əlaqələrin fəlsəfəsi
bizim hazırda həyata keçirdiyimiz siyasətin fəlsəfəsini təşkil
edir. Polşa NATO-ya və Avropa İttifaqına üzv olduqdan sonra
tarixən istədiyi istiqamətə bir daha qayıtdı. Tarix artıq bizə belə
bir dərs verib ki, ümumiyyətlə, tariximiz Polşanın şərq hissəsin-
dəki sərhədlə bitmir, yəni Buq çayının sahili ilə bitmir. Həmin
istiqamətdən cənuba doğru da tarixi hadisələr baş vermişdir və
bu, bizim ümumi böyük tariximizdir. Həmin hadisələr zamanı
biz də təcrübə qazanmışıq.
Bu gün qəhrəman Qafqaz ölkələri azadlıq yolunu seçmişdir.
Lakin həmin xalqların hər biri müxtəlif şəraitlərdədir və onların
getdiyi yol eyni deyildir. Bizim fikrimizcə, Azərbaycan ən
optimal yolu seçmişdir. Siz məhz bu səbəbdən bizə daha
yaxınsınız.
Bu gün apardığım söhbət Polşa prezidenti kimi mənim üçün
ən maraqlı söhbət oldu. Hesab edirəm ki, bu fikir bizim
hadisələrə verdiyimiz ümumi qiymətdən və ümumi biliklərimiz-
dən irəli gəlir.
Biz bir çox məsələlər haqqında danışdıq və eyni zamanda,
mürəkkəb olan Dağlıq Qarabağ məsələsini müzakirə etdik.
Polşa qətiyyətlə bəyan etmək istəyir ki, kim haqlıdır, kim
haqsız. Biz münaqişənin dinc yolla həllini görmək istəyirik.
Lakin yaşadığımız bugünkü dünyada iki həqiqət nəzərə
180
alınmalıdır. Birincisi, heç kim etdiyi təcavüzün nəticələrindən
istifadə etməməlidir. İkincisi isə ondan ibarətdir ki, heç kim
«parçala və hökm sür» prinsipindən istifadə etməməlidir.
Sonda mən bir daha öz təşəkkürümü bildirirəm və eyni
zamanda, onu da demək istəyirəm ki, əfsuslar olsun, bu gün
dünya ölkələrində polyak dili tədris edilən universitetlər çox
deyildir. Amma Bakı Slavyan Universiteti bu dilin tədris
edildiyi universitetlər sırasındadır və biz buna görə sizə
minnətdarlığımızı bildiririk.
Cənab Prezident, mən bu badəni Sizin sağlığınıza, xanım
Əliyevanın sağlığına, qonaqlarımızın sağlığına, Azərbaycan və
Polşa xalqları arasında dostluğun şərəfinə qaldırıram!
181
MAVRİTANİYA İSLAM RESPUBLİKASININ
PREZİDENTİ ZATİ-ALİLƏRİ
CƏNAB SİDİ MƏHƏMMƏD ULD
ŞEYX ABDELLAHİYƏ
Hörmətli cənab Prezident!
Mavritaniya İslam Respublikasının prezidenti vəzifəsinə
seçilməyiniz münasibətilə Sizi ürəkdən təbrik edirəm.
Ümidvaram ki, Azərbaycan ilə Mavritaniya arasında dostluq və
əməkdaşlıq münasibətlərinin inkişafı daim xalqlarımızın
mənafelərinə xidmət edəcəkdir.
Sizə möhkəm cansağlığı, xoşbəxtlik, dost xalqınızın rifahı
naminə qarşıdakı fəaliyyətinizdə uğurlar diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 30 mart 2007-ci il
182
BMT BAŞ KATİBİNİN MƏCBURİ
KÖÇKÜNLƏRİN İNSAN HÜQUQLARI
ÜZRƏ NÜMAYƏNDƏSİ VALTER KALİNİN
RƏHBƏRLİK ETDİYİ NÜMAYƏNDƏ
HEYƏTİ İLƏ GÖRÜŞ
Prezident sarayı
2 aprel 2007-ci il
Azərbaycan Respublikasının Prezidenti İlham Əliyev
aprelin 2-də Prezident sarayında BMT Baş katibinin məc-
buri köçkünlərin insan hüquqları üzrə nümayəndəsi Valter
Kalinin rəhbərlik etdiyi nümayəndə heyətini qəbul etmişdir.
Dövlətimizin başçısı Ermənistanın Azərbaycana təcavüzü
və xalqımıza qarşı həyata keçirdiyi etnik təmizləmə siyasəti
nəticəsində bir milyondan artıq soydaşımızın doğma torpaq-
larından didərgin düşdüklərini və uzun müddət ərzində ağır
şəraitdə yaşadıqlarını qeyd etdi. Son illər ərzində
qaçqınların və məcburi köçkünlərin yaşayış şəraitinin yax-
şılaşdırılması işinə Azərbaycan hökumətinin yüz milyonlarla
ABŞ dolları məbləğində vəsait xərclədiyini bildirən prezident
İlham Əliyev qaçqınlar və məcburi köçkünlər üçün bütün
lazımi şəraiti olan şəhərciklərin salındığını, bu il sonuncu
çadır düşərgəsinin ləgv olunacağını vurğuladı. Bununla
yanaşı, dövlətimizin başçısı görülən bu tədbirlərin müvəqqəti
xarakter daşıdığını bildirdi, qaçqınların və məcburi köçkün-
lərin tezliklə öz doğma torpaqlarına qayıdacaqlarına
əminliyini ifadə etdi.
Valter Kalin ölkəmizə səfərindən məmnunluğunu ifadə etdi.
BMT Baş katibinin məcburi köçkünlərin insan hüquqları üzrə
nümayəndəsi kimi fəaliyyəti barədə prezident İlham Əliyevə