İNKİŞaf – MƏQSƏDİMİZDİR İYİRMİ ÜÇÜNCÜ Kİtab
Yüklə 2,32 Mb. Pdf görüntüsü
|
- Bu səhifədəki naviqasiya:
- FƏRMAN SALMANOVUN AİLƏSİNƏ
- İLHAM ƏLİYEV Azərbaycan Respublikasının Prezidenti
- ŞƏHİDLƏR XİYABANINDA APARILACAQ TƏMİR VƏ YENİDƏNQURMA İŞLƏRİ İLƏ TANIŞLIQ
- «HEYDƏR ƏLİYEV VƏ AZƏRBAYCANDA DİN SİYASƏTİ: GERÇƏKLİKLƏR VƏ PERSPEKTİVLƏR» MÖVZUSUNDA KEÇİRİLƏN BEYNƏLXALQ KONFRANSIN
183
məlumat verən qonaq missiyasının yekunlarına dair BMT-nin İnsan Hüquqları Şurasına hesabat verəcəyini bildirdi. Valter Kalin Azərbaycan hökumətinin qaçqınların və məcburi köç- künlərin vəziyyətinin yaxşılaşdırılması istiqamətində gördüyü böyük işlərdən məmnun qaldığını vurğuladı. 184
FƏRMAN SALMANOVUN AİLƏSİNƏ
Fərman Qurban oğlu Salmanovun vəfatı xəbəri məni dərindən kədərləndirdi. Azərbaycan xalqı adından və şəxsən öz adımdan sizə, Fərman Salmanovun bütün qohumlarına və yaxınlarına ən dərin hüznlə başsağlığı verirəm. Görkəmli dövlət xadimi və ictimai xadim, məşhur neft ustası, böyük tədqiqatçı alim və nadir istedadlı praktik neftçi olan Fərman Salmanovun adı Azərbaycanın, Rusiyanın neft və qaz sənayesinin, bütün dünyanın yanacaq-energetika kompleksinin inkişafının şanlı salnaməsində layiqli yer tutur. Fərman Salmanov gözəl insan, özünün bütün həyat və fəaliyyətini xalqa sədaqətlə xidmətə, seçdiyi işə – planetin neft- qaz sərvətlərinin axtarışına və işlənilməsinə həsr etmiş yorulmaz və fədakar əmək adamı kimi xatirəmizdə əbədi qalacaqdır. Agır itki ilə əlaqədar dərdinizi ürəkdən bölüşür, sizinlə birlikdə kədərlənirəm.
Bakı, 2 aprel 2007-ci il 185
ŞƏHİDLƏR XİYABANINDA APARILACAQ TƏMİR VƏ YENİDƏNQURMA İŞLƏRİ İLƏ TANIŞLIQ 2 aprel 2007-ci il
aprelin 3-də Şəhidlər xiyabanına gəlmişdir. Prezident İlham Əliyevin «Azərbaycan Respublikasın- dakı monumental heykəltəraşlıq abidələri, xatirə-memorial və memarlıq kompleksləri haqqında» aprelin 2-də imzaladığı sərəncamda vahid kompleks olaraq mənzərəsi mərhələ-mərhələ formalaşmış Şəhidlər xiyabanının ümumi görkəminin memarlıq baxımından yenidən işlənməsinə ciddi ehtiyac duyulduğu xüsusi vurğulanmışdır. Bununla bağlı Bakı Şəhər İcra Ha- kimiyyətinə əlaqədar qurumlarla birlikdə Şəhidlər xiyabanının yeni layihəsinə dair təkliflərini bir ay müddətində dövlət başçısına təqdim etmək tapşırılmışdır. Prezident İlham Əliyev xiyabanı gəzdi, kompleksin azər- baycançılıq fəlsəfəsinin meyarlarına uyğunlaşdırılmasının zəru- riliyini vurğuladı. Bildirdi ki, xatirə-memorial və memarlıq komplekslərinin ümumi bədii-estetik görkəmi milli-mənəvi dəyərlərlə ahəngdarlıq təşkil etməli, onların yerləşdikləri əra- zilər yüksək səviyyədə abadlaşdırılmalıdır. Dövlətimizin başçısı Şəhidlər xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən oğullarının uyuduğunu və buranın ziyarətgaha çevrildiyini nəzərə alaraq, xiyabanın yüksək səviyyəli xatirə- memarlıq kompleksi kimi yenidən qurulmasına dair fikirlərini söylədi. Sonra prezident İlham Əliyev vaxtilə Kirovun heykəlinin yerləşdiyi əraziyə gəldi. Xatırladaq ki, dövlət başçısı 2006-cı ilin 186 dekabrında Bakıda İstiqlal muzeyinin yaradılması və İstiqlal abidəsinin ucaldılması haqqında sərəncam imzalamışdır. Sərən- cama əsasən, həmin muzey və abidə bu ərazidə yerləşəcəkdir. Prezident İlham Əliyev sərəncamın icrası ilə bağlı görüləcək işlərlə maraqlandı və müvafiq tapşırıqlarını verdi. Dövlətimizin başçısı paytaxtın ümumi mənzərəsini seyr etdi. Məhz prezident İlham Əliyevin təşəbbüsü, diqqət və qayğısı ilə hazırda qədim Bakının abadlaşdırılması, bütün tarixi binaların və abidələrin bərpası ilə əlaqədar genişmiqyaslı işlər görülür. Prezident İlham Əliyev bu işlərin ən yüksək səviyyədə və ardıcıl şəkildə davam etdirilməsinin vacibliyini vurguladı, bununla bağlı konkret tapşırıqlarını çatdırdı. 187
«HEYDƏR ƏLİYEV VƏ AZƏRBAYCANDA DİN SİYASƏTİ: GERÇƏKLİKLƏR VƏ PERSPEKTİVLƏR» MÖVZUSUNDA KEÇİRİLƏN BEYNƏLXALQ KONFRANSIN İŞTİRAKÇILARINA
Hörmətli konfrans iştirakçıları! Sizi – «Heydər Əliyev və Azərbaycanda din siyasəti: gerçəkliklər və perspektivlər» mövzusunda Bakıda keçirilən Beynəlxalq konfransın iştirakçılarını ürəkdən salamlayır, hamınıza ən xoş arzu və diləklərimi yetirirəm. Tarixən dünya dinlərinin yayıldığı və dinc yanaşı fəaliyyət göstərdiyi qədim Azərbaycan torpağında yüz illərlə qarşılıqlı etimada və hörmətə əsaslanan mütərəqqi milli-mədəni və dini münasibətlər sistemi formalaşmışdır. Diqqətəlayiq faktdır ki, ölkəmizdə həmişə yüksək tolerantlıq mühiti hökm sürmüş, heç vaxt milli və dini zəmində ayrı-seçkilik və qarşıdurma halları baş verməmişdir. Ayrı-ayrı etiqad və inanclara malik etnosların əsrlərlə əmin-amanlıq şəraitində yaşamasında, etnik-mədəni müxtəlifliyin günümüzədək qorunub saxlanmasında Azərbaycan xalqının və islam dininin misilsiz tarixi rolu danılmazdır. Çoxmillətli və çoxkonfessiyalı dövlət olan müstəqil Azər- baycan Respublikasının bütöv bir tarixi mərhələsi bilavasitə ümummilli lider Heydər Əliyevin adı ilə bağlıdır. Ulu öndər ictimai-siyasi həyatın bütün sahələrində, o cümlədən dövlət-din münasibətlərinin sivil prinsiplərə uyğun olaraq tənzim- lənməsində, dini etiqad və vicdan azadlığının maneəsiz təminatında, dini-mənəvi, əxlaqi-etik dəyərlərin cəmiyyətin prioritet yaşayış normalarına çevrilməsində müstəsna xidmətlər göstərmiş, bu sahədə özündən sonra böyük siyasi irs və dövlətçilik təcrübəsi miras qoymuşdur. Yüklə 2,32 Mb. Dostları ilə paylaş:
|