44
Bu il yanvarın 14–15-də Moskvada FİFA-nın prezidenti
Blatter ilə təkbətək görüşdə də ona bu barədə məlumatlar
verildi. Yəni artıq Azərbaycanda beynəlxalq standartlara cavab
verən stadionların tikintisi, mini futbol meydançalarının
tikintisi, UEFA-nın het-trik proqramı üzrə Azərbaycana
ayrılmış 1 milyon dollar vəsaitə tikilən süni örtüklü
meydançalar haqqında, eyni zamanda, AFFA-nın ofis binasının
tikintisi barədə və digər sahələrdə dövlətin göstərdiyi qayğı
haqqında məlumat verilmişdir. O bunu çox bəyənmiş və
Azərbaycana səfərini yada salaraq, bir daha məmnun və razı
qaldığını bildirmiş və onun salamlarını şəxsən Sizə çatdırmağı
xahiş etmişdir.
Sonra Azərbaycan prezidentinə «Neftçi» klubu adından
xatirə hədiyyələri – komandanın geyim forması, top, eləcə də
«Birlik Kuboku» təqdim olundu.
Prezident İlham Əliyev görüş iştirakçıları ilə xatirə şəkli
çəkdirdi.
45
AZƏRBAYCAN PREZİDENTİ İLHAM ƏLİYEVİN
RUSİYA HÖKUMƏTİ SƏDRİNİN MÜAVİNİ,
MÜDAFİƏ NAZİRİ SERGEY İVANOVUN
RƏHBƏRLİK ETDİYİ NÜMAYƏNDƏ HEYƏTİ İLƏ
GÖRÜŞDƏ SÖHBƏT
Prezident sarayı
25 yanvar 2006-cı il
Azərbaycan Respublikasının Prezidenti İlham Əliyev
yanvarın 24-də Prezident sarayında Rusiya Federasiyası
hökuməti sədrinin müavini, Müdafiə naziri Sergey İvanovun
rəhbərlik etdiyi nümayəndə heyətini qəbul etmişdir.
Qonaqları səmimiyyətlə salamlayan prezident İlham Əliyev
Azərbaycan ilə Rusiya arasında siyasi, iqtisadi, o cümlədən
hərbi və hərbi-texniki sahələrdə əlaqələrin inkişafından məm-
nun olduğunu bildirdi. Ölkələrimiz arasındakı münasibətlərin
mehriban qonşuluq və dostluq prinsiplərinə əsaslandığını vur-
ğulayan prezident İlham Əliyev ötən il Rusiyada «Azərbaycan
ili»nin uğurla keçirildiyini qeyd etdi və bu il Azərbaycanda da
«Rusiya ili»nin müvəffəqiyyətlə keçiriləcəyinə əminliyini ifadə
etdi. Prezident İlham Əliyev ümidvar olduğunu bildirdi ki,
ölkələrimiz arasında müxtəlif sahələrdə, o cümlədən hərbi
qurumlar arasında mövcud olan ikitərəfli münasibətlər bundan
sonra da inkişaf etdiriləcəkdir.
Sergey İvanov Rusiya Federasiyasının Prezidenti Vladimir
Putinin salamlarını prezident İlham Əliyevə çatdıraraq dedi ki,
artıq Rusiya rəhbərinin Azərbaycana növbəti səfərinə hazırlıq
işləri getməkdədir. 2000-ci ildə Rusiya Federasiyası
Təhlükəsizlik Şurasının sədri kimi, Bakıya səfər etdiyini nəzərə
çatdıran qonaq həmin səfər zamanı xalqımızın ümummilli lideri
46
Heydər Əliyev ilə görüşünü məmnunluqla xatırladı. Sergey
İvanov ölkələrimiz arasında müxtəlif sahələrdə, o cümlədən
hərbi və hərbi-texniki sahələrdə əlaqələrin bundan sonra da
inkişaf etdiriləcəyinə əminliyini ifadə etdi.
Prezident İlham Əliyev Rusiya Federasiyasının Prezidenti
Vladimir Putinin salamlarına görə minnətdarlığını bildirdi və
onun da salamlarını Rusiyanın dövlət başçısına çatdırmağı
xahiş etdi.
47
BAKININ QIŞ MƏNZƏRƏSİ İLƏ YAXINDAN
TANIŞ OLMASI, PAYTAXTIN MÜXTƏLİF
YERLƏRİNDƏ SAKİNLƏRLƏ GÖRÜŞMƏSİ,
ONLARIN QAYĞILARI İLƏ
MARAQLANMASI
25 yanvar 2006-cı il
Azərbaycan Respublitkasının Prezidenti İlham Əliyev
yanvarın 25-də ölkəmizin paytaxtının qış mənzərəsi ilə yaxından
tanış olmaq, şəhərin müxtəlif yerlərində sakinlərlə görüşmək və
onların qayğıları ilə maraqlanmaq üçün növbəti dəfə şəhər
gəzintisinə çıxmışdır.
Prezident İlham Əliyev əvvəlcə metropolitenin «Bakı Soveti»
stansiyasına gəldi. Sərnişinlər dövlətimizin başçısı ilə açıq,
səmimi söhbət etdilər. Azərbaycan prezidenti belə hava şəraitin-
də onların vəziyyəti ilə maraqlandı. Şəhər sakinləri belə
havalarda əhalinin çətinliklə üzləşməməsi üçün görülən opera-
tiv tədbirlərə görə dövlətimizin başçısına dərin minnətdar-
lıqlarını bildirdilər.
Prezident İlham Əliyev «28 May» stansiyasında metronun
xidməti fəaliyyəti ilə, havaların soyuması zamanı ictimai
nəqliyyatın bu vasitəsindən istifadə edən sərnişinlərin sayı ilə
maraqlandı. Dövlətimizin başçısına məlumat verildi ki, son
dövrdə metropoliten sisteminin müasir tələblərə cavab verməsi
baxımından bir çox dəyişikliklər edilmişdir. Sərnişinlərin təhlü-
kəsizliyinin təmin edilməsinə diqqət artırılmışdır. Əvvəlki
günlərlə müqayisədə, son 2-3 gün ərzində metrodan istifadə
edən sərnişinlərin sayı xeyli çoxdur.
Metronun «28 May» stansiyası qarşısında prezident İlham
Əliyev sakinlərlə görüşüb söhbət etdi.
48
S a k i n l ə r: Möhtərəm cənab Prezident, bütün Azərbay-
can gəncliyi Sizinlədir. Biz Sizinlə fəxr edir, siyasətinizi
dəstəkləyirik.
İ l h a m Ə l i y e v: Çox sağ olun. Mən də sizi dəstək-
ləyirəm və gəldim ki, görüm bu soyuq havada vəziyyət necədir.
Bir neçə gündür qar yağır, havalar soyuyubdur. Mən bütün
göstərişləri vermişəm ki, şəhər xidmətləri daha da gərgin
rejimdə işləsinlər. Çünki metro əsas nəqliyyat vasitəsidir.
Metroda da vəziyyət pis deyil, yaxşıdır.
S a k i n l ə r: Biz Sizi dəstəkləyirik. Bütün Azərbaycan
xalqı Sizdən çox razıdır. Sizə Allahdan uzun ömür, cansağlığı
arzulayırıq. Əsas odur ki, xalq Sizi sevir. Başqa söhbətlər, nə
bilim, müxalifət belə deyir–bunlar boş söhbətlərdir. Xalq Sizi
sevir və Sizi də dəstəkləyir. Biz fəxr edirik ki, İlham Əliyev
kimi prezidentimiz var. Ulu öndər Heydər Əliyevin gözəl
davamçısı, onun ideyalarını yerinə yetirən oğlu bizə daim
gərəkdir.
İ l h a m Ə l i y e v: Sağ olun. Mən də çalışıram ki, Azər-
baycan daha da möhkəmlənsin, daha da güclənsin. Həm
iqtisadiyyat, həm də siyasi proseslər. Əlbəttə ki, Qarabağ
məsələsi də öz həllini tapmalıdır. Mənim bu barədə dəfələrlə
çıxışlarım olubdur. Biz heç bir güzəştə gedən deyilik. Bu bizim
torpağımızdır, tarixi Azərbaycan torpağıdır və biz onu istənilən
yolla, istənilən vasitə ilə işğaldan azad etməliyik. Ona görə də
güclənməliyik. Daha da güclü ordu yaranmalıdır. Gənclərimiz
vətənpərvərlik ruhunda tərbiyə olunmalıdırlar və iqtisadiyyat
inkişaf etməlidir.
S a k i n l ə r: Sağ olun, biz buna inanırıq. Hamımız canım-
ızı qurban verməyə hazırıq. Allah Sizi bizim üstümüzdən əskik
etməsin.
İ l h a m Ə l i y e v: Sağ olun, salamat qalın.
Dövlətimizin başçısı paytaxtımızın təmizliyinin, səliqə-
sahmanının qayğısına qalan sadə əmək adamları ilə də görüş-
Dostları ilə paylaş: |