355
158. Kaliforniya – ABŞ-ın qərbində ştat. Sahəsi 411 min
km
2
, əhalisi 31,9 milyon nəfərdir. İnzibati mərkəzi – Sakra-
mento. – 192.
159. Əhməd Necdət Sezər (d.1941) – 2000–2007-ci illərdə
Türkiyə prezidenti. 1962–83-cü illərdə bir sıra məsul vəzifələrdə
çalışmışdır, 1998–2000-ci illərdə Türkiyə Konstitusiya Məhkəmə-
sinin sədri olmuşdur. – 193.
160. Qızılça – göz və tənəffüs yolları selikli qişasının iltihabı,
qızdırma və səpgi ilə xarakterizə olunan kəskin infeksion xəstəlik.
Yer kürəsində ən çox yayılmış xəstəlikdir. Qızılçaya yaşından asılı
olmayaraq hamı tutula bilər. Başlıca olaraq 3 aylıqdan 4 yaşına
qədər uşaqlar xəstələnir. – 201-204.
161. Məxmərək, q ı z ı l ç a m ə x m ə r ə y i – səpgi ilə
müşahidə olunan kəskin infeksion xəstəlik. Törədicisi süzülən
viruslardır. Xəstəlik hava-damcı yolu ilə yayılır. İnkubasiya dövrü
11–23 gündür. – 201-204
162. Ü m u m d ü n y a S ə h i y y ə T ə ş k i l a t ı (ÜST)–
BMT-yə məxsus beynəlxalq dövlətlərarası təşkilat. 1946-cı ildə
yaradılmışdır. Cenevrədə fəaliyyət göstərir. Nizamnaməsinə görə
vəzifəsi ən təhlükəli xəstəliklərlə mübarizə, beynəlxalq sanitariya
qaydalarının hazırlanması və s.-dir. – 201,202.
163. YUNİSEF, BMT–nin U ş a q F o n d u – 1946-cı ildə
təsis edilmişdir (1953-cü ildən indiki adı ilə adlanır). BMT-nin
müəssisəsi olub uşaqlar üçün proqramlar üzrə fəaliyyəti
əlaqələndirir, başlıca olaraq inkişaf etməkdə olan ölkələrə
yardım
göstərir.
Maliyyə
təsisatlarının
mənbələrini
hökumətlərin könüllü üzvlük haqları, ictimai təşkilatların,
xüsusi şəxslərin və başqalarının ianələri təşkil edir. Fondun
rəhbər orqanında – İdarə Heyətində 41 dövlət təmsil olunur.
Katibliyi Nyu-Yorkda, şöbələri Avropa üzrə Cenevrədə, region-
356
lar üzrə bir sıra inkişaf etməkdə olan ölkələrdə yerləşir. Nobel
sülh mükafatı laureatıdır. – 201.
164. Rino Harniş – diplomat. 2003–2006-cı illərdə Azərbay-
canda ABŞ-ın Fövqəladə və Səlahiyyətli səfiri olmuşdur. – 202.
165. «Mərmərə» qrupu» Strateji və Sosial Araşdırmalar
Vəqfi – 1985-ci ildə İstanbulda yaradılmışdır. Hazırda 200-dən
çox üzvü olan bu qrupa tanınmış sənət və iş adamları, nazirlər
və
millət vəkilləri daxildirlər. Qrup xarici ölkələrin
prezidentləri, görkəmli dövlət xadimləri, nüfuzlu siyasətçiləri
ilə mütəmadi olaraq görüşlər keçirir. – 205.
166. Akkan Süvər (d.1942) – Türkiyə jurnalisti. Fəlsəfə elm-
ləri doktoru. «Mərmərə» qrupunun sədridir. – 205.
167. Ekmələddin İhsanoğlu (d.1946) – Türkiyə diplomatı,
tarix elmləri doktoru, professor. Ana Vətən Partiyasının üzvü.
2005-ci ildən İslam Konfransı Təşkilatının Baş katibidir. – 206.
168. Ağdam – Azərbaycan Respublikasında inzibati rayon.
1930-cu ildə təşkil edilmişdir. Sahəsi 1094 km
2
, əhalisi 154 min
nəfər. 1993-cü ildə Ağdam şəhəri və əksər kəndləri erməni
qəsbkarları tərəfindən işğal edilmişdir. – 208–219,221,235–241
169. Əli Həsənov, Ə l i Ş a m i l o ğ l u (d.1948) – mü-
həndis-mexanik. 1998-ci ildən Azərbaycan Respublikası Baş
nazirinin müavini, Qaçqınların və Məcburi Köçkünlərin İşləri
üzrə Dövlət Komitəsinin sədridir. 1995–2000-ci illərdə Milli
Məclisin üzvü olmuşdur. – 208,213.
170. Leyla Əliyeva, L e y l a İ l h a m q ı z ı (d.1986) –
«Baku» jurnalının Baş redaktoru, Heydər Əliyev Fondunun
vitse-prezidenti, Azərbaycan Respublikasının prezidenti İlham
Əliyevin və Azərbaycanın birinci xanımı Mehriban Əliyevanın
böyük qızı, Heydər Əliyevin nəvəsi. 2006–2008-ci illərdə Leyla
Əliyeva Moskva Dövlət Beynəlxalq Əlaqələr İnstitutunun
357
magistraturasında oxumuş və bu institutda oxuyan azərbaycanlı
tələbələrin nümayəndəsi kimi fəaliyyət göstərmişdir. Leyla
Əliyeva həm də Moskvada Heydər Əliyev Fonduna başçılıq
edir. – 209.
171. Kəlbəcər – Azərbaycan Respublikasında inzibati ra-
yon. 1930-cu ildə təşkil edilmişdir. Sahəsi 1936 km
2
, əhalisi 60
min nəfərdir. 1993-cü ildə erməni silahlı qüvvələri tərəfindən
işğal edilmişdir. – 209.
172. Laçın – Azərbaycan Respublikasında inzibati rayon.
1930-cu ildə təşkil edilmişdir. Sahəsi 1835 km
2
, əhalisi 65 min
nəfərdir. 1992-ci ildə erməni işğalçıları tərəfindən işğal edil-
mişdir. – 209.
173. Ağdərə – Azərbaycan ərazisində (Dağlıq Qarabağ Muxtar
Vilayəti) inzibati rayon. Rayon 1930-cu ildə təşkil edilmişdir.
1992-ci ildə Ağdərə rayonu ləğv edilərək ərazisi Tərtər, Ağdam,
Kəlbəcər rayonları arasında bölünmüşdür. 1993-cü ildə Ağdərə
rayonunu Ağdərə şəhəri və bir çox kəndləri erməni işğalçıları
tərəfindən işğal edilmişdir. – 219,222, 231,235.
174. Səfər Əbiyev, S ə f ə r A x u n d b a l a o ğ l u (d.1950)
– general-polkovnik. 1995–2013-cü illərdə Azərbaycan Respub-
likasının Müdafiə naziri olmuşdur. – 219.
175. Akif Əsgərov, A k i f İ z z ə t u l l a o ğ l u (d.1940) –
heykəltəraş. Əməkdar mədəniyyət xadimi. Azərbaycan Dövlət
Rəssamlıq Akademiyasının professoru. Xocalı soyqırımı
abidəsinin müəllifidir. – 220.
176. «Əsrin müqaviləsi» – 1994-cü il sentyabrın 20-də Bakıda
«Xəzər dənizinin Azərbaycan sektorunda «Azəri», «Çıraq» yataqla-
rının dərinlikdə yerləşən hissəsinin birgə işlənilməsi və hasil olunan
neftin pay şəklində bölüşdürülməsi» haqqında dünyanın 11 ən iri
neft şirkəti ilə bağlanmış müqavilə. – 224.
Dostları ilə paylaş: |