305
YAPONİYA BEYNƏLXALQ ƏMƏKDAŞLIQ
BANKININ PREZİDENTİ İLƏ GÖRÜŞ
Tokio
10 mart 2006-cı il
Azərbaycan prezidenti İlham Əliyev martın 10-da To-
kioda onun üçün ayrılmış iqamətgahda Yaponiya Beynəlxalq
Əməkdaşlıq Bankının prezidenti Kyuozuke Şinozavanı qəbul
etmişdir.
Prezident İlham Əliyevlə görüşməyindən məmnunluğunu
söyləyən bankın rəhbəri inkişaf etməkdə olan Azərbaycanla
əməkdaşlığa böyük əhəmiyyət verdiklərini və əlaqələrin gələ-
cəkdə də davam etdiriləcəyini bildirdi.
Prezident İlham Əliyev Azərbaycanın iqtisadi imkanla-
rından, ölkəmizdə aparılan islahatlardan və onların uğurlu
nəticələrindən danışdı. Bildirdi ki, Azərbaycan özünün indiki
inkişaf mərhələsində dünyanın qabaqcıl dövlətlərinin, o cümlə-
dən Yaponiyanın təcrübəsinin öyrənilməsinə, bu ölkələr ilə
əməkdaşlığın genişləndirilməsinə böyük önəm verir. Yaponiya
şirkətlərinin ölkəmizə maraq göstərməsini müsbət qiymətlən-
dirən prezident İlham Əliyev dedi ki, respublikamızda xarici iş
adamlarının fəaliyyəti, sərmayələrin qorunması üçün əlverişli
şərait yaradılmışdır və bu iş gələcəkdə də davam etdiriləcəkdir.
Söhbət zamanı qarşılıqlı maraq doğuran məsələlər barədə
də fikir mübadiləsi oldu.
306
AZƏRBAYCAN PREZİDENTİ İLHAM ƏLİYEVİN
VƏ YAPONİYANIN BAŞ NAZİRİ DZÜNİTİRO
KOİDZUMİNİN GÖRÜŞÜ
10 mart 2006-cı il
Azərbaycan prezidenti İlham Əliyev martın 10-da Ya-
poniyaya rəsmi səfəri çərçivəsində ölkənin Baş naziri Dzünitiro
Koidzumi ilə görüşmüşdür.
Cənab Koidzumi prezident İlham Əliyevi Yaponiya hökuməti
başçısının rəsmi iqamətgahında böyük ehtiramla, dostcasına
qarşıladı.
Sonra Azərbaycan prezidenti ilə Yaponiyanın Baş naziri
arasında görüş oldu.
Yaponiyaya rəsmi səfərinə görə respublikamızın rəhbərinə
minnətdarlığını bildirən cənab Koidzumi ölkələrimiz arasındakı
əlaqələrin qədim tarixini xatırlatdı. Prezident İlham Əliyevin bu
səfərini olduqca əhəmiyyətli hadisə adlandıran Baş nazir dedi
ki, o, Azərbaycana xüsusi maraq göstərir. Yaponiya coğrafi-
siyasi cəhətdən çox mühüm bölgədə yerləşən Azərbaycanla
əməkdaşlığın daha da inkişaf etdirilməsinə böyük əhəmiyyət
verir. Azərbaycanda aparılan uğurlu iqtisadi islahatların və
onların nəticələrinin Yaponiya hökuməti və ictimaiyyəti
tərəfindən
yüksək
qiymətləndirildiyini
və
maraqla
qarşılandığını söyləyən Baş nazir ölkəmizin iqtisadi inkişa-
fından məmnunluğunu bildirdi.
Səfər günlərində ona və nümayəndə heyətinə göstərilən
qonaqpərvərliyə görə minnətdarlığını bildirən prezident İlham
Əliyev dünyanın ən inkişaf etmiş ölkələrindən biri olan Yapo-
niya ilə bütün sahələrdə əməkdaşlığın daha da dərinləşdirilməsi
və genişləndirilməsində bu səfərin yeni mərhələ olacağını
söylədi.
307
Dövlətimizin başçısı Azərbaycandakı mövcud ictimai-siyasi
vəziyyət, islahatların həyata keçirilməsi nəticəsində əldə
olunmuş uğurlar barədə danışdı. Eyni zamanda ölkəmizin ən
əsas problemi olan Ermənistan–Azərbaycan, Dağlıq Qarabağ
münaqişəsinin sülh yolu ilə aradan qaldırılması istiqamətində
görülən işlərdən ətraflı söhbət açdı, beynəlxalq təşkilatlarda və
toplantılarda Azərbaycanın haqq işini dəstəkləməsinə görə
Yaponiya tərəfinə minnətdarlığını bildirdi.
Cənab Koidzumi bir daha vurğuladı ki, Yaponiya Azər-
baycanın ərazi bütövlüyünü dəstəkləyir və münaqişənin sülh yolu
ilə aradan qaldırılmasına ümid edir.
Prezident İlham Əliyevin Yaponiyaya səfərinin ölkələrimizin
münasibətlərində yeni mərhələ açacağını bildirən Baş nazir
imzalanacaq sənədlərin əməkdaşlığın daha da genişlənməsi üçün
yaxşı baza yaradacağını vurğuladı.
O dedi ki, Yaponiya Azərbaycanı özünə dost ölkə, layiqli
tərəfdaş hesab edir və onunla bütün sahələrdə əməkdaşlığın inki-
şafına böyük maraq göstərir.
308
AZƏRBAYCAN–YAPONİYA SƏNƏDLƏRİNİN
İMZALANMASI MƏRASİMİ
Tokio,
Baş nazirin iqamətgahı
10 mart 2006-cı il
Martın 10-da Yaponiya Baş nazirinin iqamətgahında
ikitərəfli sənədlərin imzalanma mərasimi oldu.
Azərbaycan Respublikasının Prezidenti İlham Əliyev və
Yaponiyanın Baş naziri Dzünitiro Koidzumi «Azərbaycan
Respublikası və Yaponiya arasında dostluq və əməkdaşlığın
gələcək inkişafı haqqında birgə Bəyannamə» imzaladılar.
Sonra «Azərbaycan Respublikasının Hökuməti və Yaponiya
Hökuməti arasında texniki əməkdaşlıq haqqında saziş»,
«Azərbaycan Respublikası Xarici İşlər Nazirliyi və Yaponiya
Xarici İşlər Nazirliyi arasında əməkdaşlıq proqramı» im-
zalandı.
Sənədlərin imzalanma mərasimindən sonra Yaponiyanın Baş
naziri Dzünitiro Koidzumi və Azərbaycan prezidenti İlham
Əliyev jurnalistlər qarşısında qısa bəyanatlarla çıxış etdilər.
Yaponiyanın Baş naziri Dzünitiro Koidzuminin bəyanatı
Bu gün mən Azərbaycan Respublikasının Prezidenti zati-
aliləri cənab İlham Əliyevlə görüşməkdən və iki ölkə arasında
münasibətlərin daha da yaxşılaşdırılmasına dair birgə
bəyannamənin və ölkələrimiz arasında iqtisadi əlaqələri daha da
möhkəmləndirəcək texniki əməkdaşlıq sazişlərinin imzalan-
masından olduqca məmnunam. Mən səfərdə olan prezident
Əliyevi səmimi-qəlbdən salamlayıram. Bu, Azərbaycan
Dostları ilə paylaş: |