183
əhəmiyyəti
olan
siyasi,
iqtisadi,
mədəni
əlaqələr,
mədəniyyətlərin qarşılıqlı təsirini əhatə edən mədəni
münasibətlər deyil, həm də mənəvi birlik çox vacibdir.
Bu mənada bizim Azərbaycanla münasibətlərimiz başqa
dövlətlərlə münasibətlərdən yaxşı mənada, hətta sadəcə yaxşı
mənada yox, keyfiyyətcə əsaslı şəkildə fərqlənir, çünki bizim
mənəvi birliyimiz var. Demək istəyirəm ki, insanı quşa
bənzətmək olar. Quş bir qanadla uça bilmədiyi kimi, xalqlar,
insanlar da təkcə maddi maraqlarla yaşaya bilməzlər. Hər cür
sərvətə, firavanlığa nail olmaq mümkündür, lakin quş bir
qanadla uça bilmədiyi kimi, mənəviyyat olmayan yerdə insan
da öz gələcəyini, özünün ahəngdar inkişafını görə bilməz. Bunu
görə bilmək isə hər bir insan üçün, hər bir xalq üçün vacibdir.
Maddi və mənəvi sərvətlər yanaşı olmalıdır. Maddi sərvət bir
qanaddırsa, ikinci qanad mənəvi sərvətdir. Onda insan tam olur,
onda xalq öz gələcəyinə inamla baxa bilər.
Bu gün biz İlham Heydər oğlu ilə birlikdə özbək xalqının
böyük oğluna, özbək ədəbiyyatının banisinə, özbək poeziyasını
yaratmış insana ucaldılmış abidəni açırıq. Bu insan bizim də
müasirimizdir. Ona görə ki, Nizaminin və Əlişir Nəvainin
gördükləri işlər bu gün bizim həyatımızda yaşayır. Nizaminin
və Əlişir Nəvainin irsi olmadan bizim bugünkü nəsil tərbiyə
oluna bilməz. Onların irsi bizim güc aldığımız mənəviyyat və
əxlaq xəzinəsidir.
Ona görə də mən mənəviyyat haqqında danışanda obrazlar
vasitəsilə, bizim küçələrimizdə ucaldılan bu cür gözəl abidələr
vasitəsilə təcəssüm edən mənəviyyatı nəzərdə tuturam. Biz
Mərkəzi Asiyada yaşayırıq, bizim dil birliyi, din birliyi və bir
sıra başqa amillərlə bağlı olduğumuz qonşularımız çoxdur.
Lakin həmin qonşularımız bu gün Azərbaycanda görülən işi
görməyiblər, Əlişir Nəvainin adını daşıyacaq belə bir meydan
yaratmayıblar.
Buna görə mən Prezidentə, bütün Azərbaycan ictimaiy-
yətinə, mənim əzizlərim, sizə ürəkdən təşəkkür etmək istəyirəm.
Əməkdaşlığı möhkəmlətmək üçün, bu gün birlikdə, bir-birimizə
184
güvənərək öz həyatımızı qurmaq üçün gördüyünüz işlərə görə
çox sağ olun. Əminəm ki, biz sabahkı günümüzü də birlikdə
quracağıq, qarşıya qoyduğumuz məqsədlərə də yalnız birlikdə
çata biləcəyik.
Mən sizə təşəkkür edirəm, dərin hörmət və ehtiramımı
bildirir, sizə xoşbəxtlik arzulayıram.
Sağ olun.
* * *
Sonra prezidentlər İlham Əliyev və İslam Kərimov abidənin
önünə əklil qoydular, xatirə şəkli çəkdirdilər.
DÖVLƏT BAŞÇILARININ TANINMIŞ
ƏDƏBİYYAT VƏ İNCƏSƏNƏT XADİMLƏRİ İLƏ
GÖRÜŞÜ
12 sentyabr 2008-ci il
İ s l a m K ə r i m o v: Sizin prezidentiniz İlham Əliye-
vin qeyd etdiyi kimi, Özbəkistan prezidenti Azərbaycanı yaxşı
tanıyır və sevir. Prezident İlham Əliyev mənim üçün başlıca
olan məqamı söylədi: həqiqətən, mən Azərbaycanı elə tanıyıram
ki, dünyanın ən böyük dövlətlərinin nümayəndələri
Azərbaycanı o dərəcədə tanımır. Mən azərbaycanlıları öz
185
qardaşlarım kimi tanıyıram. Siz necə varsınızsa, mən sizi elə
tanıyıram. Mən sizin tarixinizi bilirəm, sizin nə ilə yaşadığınızı,
nəyin sayəsində öz millətinizə görə, öz prezidentinizə görə
qürur hissi keçirdiyinizi bilirəm.
Həmişə belə olun. Bu mənim sizə ən böyük arzumdur.
F ə r h a d X ə l i l o v (Xalq rəssamı): Sağ olun. Sizə xoş-
bəxtlik və firavanlıq arzulayıram. Özbək xalqı bizimlə qardaş
xalqdır, biz həmişə ünsiyyətdə olmuşuq və ünsiyyətimiz davam
edir. Bizim əlaqələrimiz kəsilmir. Sizin və bizim rəssamlar bir-
birini tanıyırlar. Sizin rəssamlar Bakıya gəlirlər. Sizin mahir
heykəltəraşınız belə gözəl abidə yaratmışdır.
İ s l a m K ə r i m o v: Yeri gəlmişkən, bu abidə bizim
milli parkın ən görkəmli yerində qoyulmuş abidənin surətidir.
Müəllif mənə Nəvainin əyləşmiş vəziyyətdə təsvir edildiyi
başqa bir abidə göstərəndə dedim: «Yox, abidəni elə düzəlt ki,
şair sanki Azərbaycana doğru addımlayır». Fikir verin, o sizə
doğru gəlir, qollarını açaraq sanki deyir: «Mən sizin yanınıza
gəlirəm, mənim balalarım». Necə bilirsiniz, bu yaxşıdırmı?
İ l h a m Ə l i y e v: Çox yaxşıdır. Elə abidələr var ki,
sanki hərəkət edirlər. Yəqin ki, Özbəkistanda bu cür abidələr
çoxdur.
F i k r ə t S a d i q (şair): Nəvai türk dünyasının ən böyük
şairidir.
İ s l a m K ə r i m o v: Mən İlhamla birlikdə burada, sizin
aranızda olmağıma ürəkdən şadam. Mən sizin bu gün hansı
hisslər keçirdiyinizi başa düşürəm. İndi Qafqaz mürəkkəb bir
dövr yaşayır və Azərbaycan bu cür olduqca mürəkkəb şəraitdə
davamlı inkişafa, öz ölkəsində sülhə və sabitliyə nail olur. Bu,
Heydər Əliyevin qoyub getdiyi və bu gün onun oğlunun
layiqincə davam etdirdiyi irsdir. Mən onu ürəkdən təbrik
edirəm.
186
HEYDƏR ƏLİYEV ADINA SARAYIN ƏSASLI
TƏMİRİ VƏ BƏRPASINDA SON TAMAMLAMA
İŞLƏRİ İLƏ TANIŞLIQ
12 sentyabr 2008-ci il
Azərbaycan Respublikasının Prezidenti İlham Əliyev
sentyabrın 12-də Heydər Əliyev sarayının əsaslı təmiri və
bərpasında son tamamlama işləri ilə tanış olmuşdur.
Heydər Əliyev sarayında əsaslı təmir-bərpa və yenidən-
qurma işlərinə dövlət başçısının sərəncamı ilə başlanılmışdır.
Ulu öndər Heydər Əliyevin xalqımız üçün yaratdığı saysız-
hesabsız mədəniyyət ocaqlarından biri olan bu sarayda ötən 35
ildən sonra ilk dəfədir ki, təmir-bərpa işləri aparılır.
Prezident İlham Əliyev əvvəlcə binanın fasadına baxdı,
burada işlərin gedişi ilə maraqlandı. Dövlətimizin başçısına
məlumat verildi ki, sarayın fasadı xüsusi mərmərlə üzlənib,
binanın qarşı və yan tərəflərində ABŞ istehsalı olan ekran tipli
şüşələr quraşdırılmışdır. Sarayın əsas özəlliklərindən olan bu
şüşələr içəridə keçiriləcək tədbirləri birbaşa bayırda da
izləməyə imkan verəcəkdir. Şəhərin gecə görüntüsünə xüsusi
yaraşıq verəcək bu şüşələrdən monitor kimi də istifadə
olunacaqdır.
İşlərin gedişi ilə tanış olan prezidentə bildirildi ki, əsaslı
təmir və yenidənqurma tezliklə tam başa çatdırılacaqdır. İndi
son tamamlama işləri gedir. Sarayın dam örtüyü dəyişdirilib,
işıqlandırma sistemi yenidən qurulmuşdur. Binanın tavanının
üzlənməsində xüsusi alkapon materialından istifadə olunub ki,
bu da döşəmənin mərməri ilə uyarlıq təşkil edir. Girişdə yara-
dılacaq su pərdəsi zövq oxşayacaqdır. Saraya gələnlər buradan
xüsusi lazer sistemi vasitəsilə müxtəlif görüntüləri izləmək
imkanı qazanacaqlar.
Dostları ilə paylaş: |