215
KOREYA RESPUBLİKASININ PREZİDENTİ
ZATİ-ALİLƏRİ
CƏNAB Lİ MEN BAKA
Hörmətli cənab Prezident!
Milli bayramınız – Dövlətin yaranması günü müna-
sibətilə Sizi və Sizin simanızda bütün xalqınızı öz adımdan və
Azərbaycan xalqı adından ürəkdən təbrik edirəm.
Ölkələrimiz arasındakı əməkdaşlığın öz əhatə dairəsini
gündən-günə genişləndirməsi, sabit və ardıcıl inkişafı böyük
məmnunluq doğurur. Əminəm ki, istər dövlətlərarası
münasibətlərimizin, istərsə də bütün səviyyələrdə dostluq
əlaqələrimizin möhkəmləndirilməsi istiqamətində səylərimizi
bundan sonra da davam etdirəcəyik.
Bu bayram günündə Sizə ən xoş arzularımı yetirir, dost
xalqınıza sülh və tərəqqi diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 17 sentyabr 2008-ci il
216
MÜQƏDDƏS RAMAZAN BAYRAMI
MÜNASİBƏTİLƏ MÜSƏLMAN ÖLKƏLƏRİNİN
BAKIDAKI SƏFİRLƏRİ İLƏ GÖRÜŞ
17 sentyabr 2008-ci il
Azərbaycan Respublikasının Prezidenti İlham Əliyev
sentyabrın 17-də qarşıdan gələn müqəddəs Ramazan bayramı
münasibətilə müsəlman ölkələrinin Bakıdakı səfirlərini qəbul
etmişdir.
Prezident İlham Əliyev diplomatlara müraciətlə dedi:
– Hörmətli səfirlər!
Mən sizin hamınızı qarşıdan gələn müqəddəs Ramazan
bayramı münasibətilə ürəkdən təbrik edirəm. Xahiş edirəm ki,
mənim təbriklərimi və ən xoş arzularımı təmsil etdiyiniz
ölkələrin dövlət və hökumət başçılarına çatdırasınız.
Ramazan bayramı Azərbaycanda rəsmi bayram kimi,
ölkəmiz öz dövlət müstəqilliyini bərpa etdikdən sonra qeyd
olunmağa başlamışdır. Amma ondan əvvəlki dövrlərdə, əlbəttə
ki, Azərbaycan xalqı həmişə bu müqəddəs bayramı geniş qeyd
edib. Bu bayram bütün dövrlərdə Azərbaycan xalqının qəlbində
yaşamışdır. Müstəqillik bərpa olunandan sonra Azərbaycan
bütün ölkələrlə və əlbəttə ki, müsəlman ölkələri ilə diplomatik
münasibətlər qurmuşdur. O vaxtdan bu günə qədər bizim
münasibətlərimiz sürətlə inkişaf edir. Bu münasibətlər çox
yüksək səviyyədədir. Mən deyə bilərəm ki, təmsil etdiyiniz
ölkələrin tam əksəriyyətinə rəsmi səfərlər etmişəm və sizin
ölkələrinizin dövlət, hökumət başçıları Azərbaycanda dəfələrlə
olmuşlar.
Müsəlman ölkələri ilə bizim münasibətlərimiz çoxşaxəlidir.
Biz çox istəyirik ki, bütün istiqamətlərdə münasibətlər inkişaf
217
etsin və nəinki siyasi sahədə, eyni zamanda, ticarət, mədəni,
humanitar və başqa sahələrdə biz birlikdə yeni işlər görək.
Biz beynəlxalq təşkilatlarda bir-birimizi dəstəkləyirik və bu
dəstək, əminəm ki, hər bir ölkə üçün çox önəmlidir. İslam
Konfransı Təşkilatı çərçivəsində çox uğurlu əməkdaşlıq edirik.
Bildiyiniz kimi, İslam Konfransı Təşkilatının xətti ilə
Azərbaycanda nazirlər səviyyəsində bir sıra tədbirlər
keçirilmişdir. Növbəti illərdə də yeni tədbirlər gözlənilir. Biz
çox istəyirik ki, İslam Konfransı Təşkilatı çərçivəsində, orada
təmsil olunan ölkələr arasında ikitərəfli və çoxtərəfli əlaqələr və
islam həmrəyliyi daha da güclənsin. Bizi həm islam dini
birləşdirir, həm tarix birləşdirir, həm də müştərək keçmişimiz
birləşdirir. Mən tam əminəm ki, indiki zamanda, qloballaşan
dünyada bütün islam ölkələrinin uğurlu əməkdaşlığı, bir-birini
dəstəkləməsi hər bir ölkənin mövqelərini gücləndirir.
Mən əminəm ki, qarşılıqlı ticarət əlaqələrinin inkişafı
istiqamətində atılmış və gələcəkdə atılacaq addımlar bizim
imkanlarımızı daha da genişləndirəcəkdir. Bunu etməklə biz
bir-birimizin iqtisadiyyatına öz töhfəmizi vermiş oluruq.
Əlbəttə ki, bizim ölkələrimizin qarşısında duran problemləri
həll etməliyik və bu istiqamətdə bir-birimizə arxa, dayaq
olmalıyıq.
Müstəqil ölkə kimi, Azərbaycanın uğurlu inkişafı ölkəmizin
bölgədə mövqelərinin möhkəmlənməsinə gətirib çıxarmışdır.
Azərbaycanda aparılan islahatlar, güclü iqtisadi inkişaf ölkə
qarşısında duran əsas ciddi problemlərin həlli üçün çox gözəl
şərait yaratmışdır. İqtisadi inkişaf baxımından son dörd il
ərzində Azərbaycan dünya miqyasında birinci yerdədir.
Azərbaycanın dövlət büdcəsi son beş il ərzində 10 dəfədən çox
artıbdır. Bu bizə imkan verir ki, bütün sosial məsələlərin həlli
üçün səylərimizi davam etdirək. Yəni bir sözlə, Azərbaycan öz
daxili imkanlarına, öz gücünə istinad edərək ölkə qarşısında
duran iqtisadi və sosial problemləri uğurla həll edir.
Ölkə qarşısında duran ən ciddi problem Ermənistan–
Azərbaycan, Dağlıq Qarabağ münaqişəsinin indiyədək həll
218
olunmamasıdır. Azərbaycan uzun illərdir çalışır ki, bu məsələni
danışıqlar yolu ilə həll etsin. Ancaq hələlik heç bir nəticə
yoxdur. Şübhəsiz ki, bu məsələ Azərbaycanın ərazi bütövlüyü
çərçivəsində həll edilməli və işğalçı qüvvələr işğal olunmuş
bütün torpaqları boşaltmalıdırlar. Bu işdə beynəlxalq
təşkilatlarda, xüsusilə Birləşmiş Millətlər Təşkilatında islam
ölkələrinin dəstəyi bizim üçün çox önəmlidir.
Bildiyiniz kimi, bu ilin mart ayında Birləşmiş Millətlər
Təşkilatının Baş Məclisində Azərbaycanın işğal olunmuş
torpaqlarında yaranmış vəziyyətlə bağlı böyük üstünlüklə
qətnamə qəbul edilmişdir. Böyük məmnunluq hissi ilə qeyd
etmək istəyirəm ki, müsəlman ölkələrinin əksəriyyəti Azərbay-
canın haqq işini dəstəkləmiş və qətnamənin qəbul olunmasında
həlledici rol oynamışdır. Bu çox vacibdir. İlk növbədə, bu onu
göstərir ki, islam həmrəyliyi məsələləri həll olunur və həlledici
anlarda ölkə üçün, Azərbaycan üçün çox vacib olan məsələdə
müsəlman qardaşlarımız bizimlə çiyin-çiyinə dayanmışlar.
Digər tərəfdən, bu səsvermə bir növ həqiqət anı idi. Həm
Azərbaycan dövləti üçün, həm də Azərbaycan vətəndaşları üçün
bu səsvermə çox şeyi göstərdi.
Mən bunu dəfələrlə demişəm və bu fürsətdən istifadə edib
Azərbaycanın haqq işini dəstəkləyən və bizim lehimizə səs
verən bütün ölkələrin dövlət, hökumət başçılarına bir daha öz
minnətdarlığımı bildirmək istəyirəm. Azərbaycan da öz
növbəsində islam həmrəylik prinsiplərinə sadiqdir və bizim də
beynəlxalq təşkilatlarda, o cümlədən BMT-də müxtəlif
vaxtlarda səsvermələrdə mövqeyimiz islam həmrəyliyini əks
etdirir.
Bir sözlə, mən bir daha qeyd etmək istəyirəm ki, bizim
ölkələrimizin arasında olan münasibətlər həm ölkələrimizin
mövqelərini möhkəmləndirir, həm də dünya miqyasında çox
vacib bir amildir. Biz gələcəkdə islam həmrəyliyinin möhkəm-
ləndirilməsi və islam ölkələri arasında münasibətlərin inkişafı
üçün öz səylərimizi davam etdirəcəyik.
Dostları ilə paylaş: |