199
AZƏRBAYCAN RESPUBLİKASININ PREZİDENTİ
İLHAM ƏLİYEVİN
MOSKVAYA İŞGÜZAR SƏFƏRİ
15 sentyabr 2008-ci il
Azərbaycan Respublikasının Prezidenti İlham Əliyev
sentyabrın 15-də Moskvaya işgüzar səfərə yola düşmüşdür.
Azərbaycan prezidentini Heydər Əliyev Beynəlxalq Aeropor-
tunda Baş nazir Artur Rasizadə, Prezidentin İcra Aparatının
rəhbəri Ramiz Mehdiyev, Bakı Şəhər İcra Hakimiyyətinin
başçısı Hacıbala Abutalıbov yola saldılar.
* * *
Azərbaycan Respublikasının Prezidenti İlham Əliyev
sentyabrın 15-də Moskvaya işgüzar səfərə gəlmişdir.
Azərbaycan prezidentini Vnukovo hava limanında Rusiya
Federasiyasının yüksək vəzifəli dövlət və hökumət nümayən-
dələri böyük hörmət və ehtiramla qarşıladılar.
200
AZƏRBAYCAN PREZİDENTİ İLHAM ƏLİYEVİN
VƏ RUSİYA PREZİDENTİ
DMİTRİ MEDVEDEVİN TƏKBƏTƏK GÖRÜŞÜ
16 sentyabr 2008-ci il
Sentyabrın 16-da Moskva vilayətindəki «Mayendorf»
qəsrində Azərbaycan Respublikasının Prezidenti İlham Əliyevin
və Rusiya Federasiyasının Prezidenti Dmitri Medvedevin
təkbətək görüşü olmuşdur.
D m i t r i M e d v e d e v: Hörmətli İlham Heydər oğlu!
Sizi Moskvada salamlamağa şadam. Bu, bir daha görüşmək,
münasibətlərimizin inkişafında işlərin indiki vəziyyətini
müzakirə etmək üçün yaxşı imkandır. Rusiya–Azərbaycan
münasibətləri çox dinamik inkişaf edir, biz bu tərəfdaşlıqdan
razıyıq. Mənim Bakıya rəsmi səfərim zamanı Sizinlə birlikdə
nəzərdə tutduğumuz məsələlərin, demək olar ki, hamısı yerinə
yetirilir. Ümid edirəm ki, Sizinlə razılaşdığımız kimi, bu ilin
sonuna qədər əmtəə dövriyyəsinin həcmini 2 milyard dollara
çatdıra biləcəyik. Hərçənd, indi dünyada iqtisadiyyat sahəsində
vəziyyət o qədər də sadə deyildir. Sevindirici cəhət odur ki, bizim
münasibətlərimiz konyuktur xarakter daşımır.
Humanitar sahədə Sizinlə razılaşdığımız yaxşı nümunələr
çoxdur. Yadımdadır ki, lap yaxın vaxtlarda Bakıda Moskva
Dövlət Universitetinin filialı açılacaqdır. Bu da çox yaxşı
hadisədir. Təbii ki, Gürcüstanın təcavüzündən sonra Qafqaz
regionunda yaranmış problemlərlə əlaqədar bəzi məqamları də-
qiqləşdirməliyik. Bu hadisələrdən sonra Sizinlə görüşməmişik,
beynəlxalq vəziyyətin inkişafını müzakirə etməmişik. Zənnimcə,
münasibətlərimizin və bütövlükdə Qafqazda vəziyyətin sabit və
müsbət istiqamətdə inkişafında ölkələrimizin maraqlı olması
201
nəzərə alınmaqla, bu məsələləri müzakirə etmək çox faydalı
olacaqdır. Sizi görməyimə şadam.
İ l h a m Ə l i y e v: Sağ olun, Dmitri Anatolyeviç. Məni
Moskvaya səfərə dəvət etdiyiniz üçün sağ olun. Sizin qeyd
etdiyiniz kimi, bizim görüşlərimiz intensiv xarakter daşıyır.
Sizinlə bu yaxınlarda, Azərbaycana rəsmi səfəriniz çərçivəsində
görüşmüşdük. Azərbaycanda hamı xüsusi qeyd edir ki, bu Sizin
Rusiya prezidenti vəzifəsində ilk rəsmi səfərlərinizdən biri idi.
Bu faktın özü də dövlətlərimiz arasında münasibətlərin
xarakterini və ruhunu göstərir.
Biz münasibətlərimizin inkişafından çox razıyıq. Bu
münasibətlər çox geniş spektrli olub, həm fəal siyasi qarşılıqlı
əlaqələri, həm də iqtisadi əlaqələri əhatə edir. Sizin qeyd etdiyiniz
kimi, əmtəə dövriyyəsi çox sürətlə artır və çox sevindirici haldır ki,
onun strukturu da yaxşılaşır. Biz humanitar sahədə nəzərdə
tutduğumuz tədbirləri həyata keçiririk. Deməliyəm ki, Moskva
Dövlət Universitetinin Bakı filialı artıq açılmışdır. Bu ilin
əvvəlində mən bu barədə sərəncam vermişdim və artıq filiala
tələbə qəbulu aparılmışdır. Yəni MDU-nun Bakıdakı filialı 2008-ci
ildən mövcuddur. Bu onu göstərir ki, biz nəzərdə tutduğumuz
məsələləri operativ şəkildə həll edirik və Sizin Bakıya səfəriniz
çərçivəsində nəzərdə tutulan, Dostluq və strateji tərəfdaşlıq
haqqında Birgə Bəyannamədə öz əksini tapmış bütün məsələlər
həyata keçirilir.
İnanıram ki, münasibətlərimizin səmərəli inkişafı davam
edəcək, bu münasibətlər yeni məzmun və yeni formalar kəsb
edəcəkdir. Bizim regionda sülhün, sabitliyin bərqərar olması,
gələcəyin proqnozlaşdırıla bilməsi üçün qüvvələrin birləş-
dirilməsi çox vacibdir. Bizim münasibətləri fərqləndirən cəhət
proqnozlaşdırıla bilən xarakterli olmasıdır. Bu münasibətlər
dostluq, mehriban qonşuluq xarakteri daşıyır və biz onların
inkişafından çox razıyıq. Bizim tez-tez görüşməyimiz də,
ümumiyyətlə, əlaqələrimizin mahiyyətini əks etdirir. Dəvət
üçün bir daha sağ olun, ümid edirəm ki, bizim səmərəli
əməkdaşlığımız davam edəcəkdir.
202
DÖVLƏT BAŞÇILARININ BƏYANATLARLA
ÇIXIŞLARI
Sentyabrın 16-da Azərbaycan və Rusiya prezidentləri
təkbətək görüş başa çatdıqdan sonra mətbuat üçün bəyanatlarla
çıxış etmişlər.
Rusiya prezidenti Dmitri Medvedevin bəyanatı
Hörmətli həmkarlar!
Hörmətli xanımlar və cənablar!
Mən hörmətli qonağımız, Azərbaycan prezidenti İlham
Heydər oğlu Əliyevin səfəri ilə əlaqədar bir neçə söz demək
istəyirəm. Əvvəla, İlham Heydər oğlunu bir daha salamlamaq
və ona təşəkkürümü bildirmək istəyirəm ki, biz bu
məsləhətləşmələri Azərbaycanın həyatında kifayət qədər
mühüm bir dövrdə aparırıq. Artıq prezident seçkiləri başlanır və
çox yaxşı haldır ki, İlham Heydər oğlu cari vəziyyəti, bizim
ikitərəfli münasibətlərimizi, beynəlxalq problemləri müzakirə
etmək üçün Moskvaya gəlməyə vaxt tapmışdır.
Təbii ki, biz Rusiya–Azərbaycan iqtisadi, sosial, humanitar
münasibətlərinin inkişafı barədə danışdıq. Beynəlxalq məsələlər
haqqında da söhbət etdik. Əlbəttə, mən bir müddət əvvəl
Qafqazda baş vermiş böhranla əlaqədar informasiya
mübadiləsini nəzərdə tuturam. Mən Cənubi Qafqazda
təhlükəsizliyin təmin edilməsi məqsədi ilə Rusiyanın atdığı
addımlar barədə İlham Heydər oğluna ətraflı məlumat verdim
və hesab edirəm ki, bütün məsələlərdə Rusiya ilə Azərbaycanın
fəal qarşılıqlı əlaqələri regionda təhlükəsizliyin və sabitliyin
təmin edilməsi üçün əsas amillərdən biridir.
Danışıqların gedişində biz işgüzar əməkdaşlıq, hazırda
xüsusi əhəmiyyət kəsb edən məsələlər üzərində də dayandıq.
Dostları ilə paylaş: |