219
Sizi qarşıdan gələn gözəl bayram münasibətilə bir daha
ürəkdən təbrik edirəm. Sizə cansağlığı və xoşbəxtlik arzu-
layıram.
İraqın Azərbaycandakı səfiri Ərşad Ömər İsmayıl döv-
lətimizin başçısını səfirlər adından təbrik edərək dedi:
– Cənab Prezident, icazə verin, sözümü Sizə Azərbaycan
dilində deyim.
Azərbaycan Respublikasının Prezidenti zati-aliləri cənab
İlham Əliyev!
Hörmətli cənab Prezident!
Azərbaycan Respublikasında akkreditə olunmuş islam
dövlətlərinin səfirləri, nümayəndələri adından və şəxsən öz
adımdan böyük fərəh hissi ilə Sizi müqəddəs Ramazan ayı və
qarşıdan gələn Ramazan bayramı münasibətilə təbrik edirəm.
Zati-alinizə davamlı müvəffəqiyyət və bütün Azərbaycan
xalqına tərəqqi arzulayıram. Fürsətdən istifadə edərək zati-
alinizə bu mübarək bayram münasibətilə islam dövlətlərinin
səfirlərini qəbul etdiyiniz üçün dərin minnətdarlığımızı
bildirmək istəyirəm.
Cənab Prezident, icazə verin, Azərbaycanın bütün Qafqaz
regionunun iqtisadi və mədəni mərkəzinə çevrilməsinin şahidi
olduğumuza görə dərin razılığımızı və fəxr etdiyimizi bildirim.
Biz Azərbaycanda neft və qeyri-neft sahələrinin inkişafına
gətirib çıxarmış və güclü iqtisadiyyatın düzgün əsaslarının
möhkəmləndirilməsi məqsədilə həyata keçirilən siyasət,
islahatlar nəticəsində bütün sahələrin tərəqqi etdiyi bir dövrdə
yaşayırıq.
Azərbaycan son dörd ildə iki dəfədən çox iqtisadi artım
səviyyəsinə görə dünya ölkələri arasında birinci yerə çıxmışdır.
Öz növbəsində, Azərbaycanda hökm sürən sabitlik və təhlü-
kəsizlik də bütün Qafqaz regionunda onun əhəmiyyətini artırır.
Müsəlman dövlətləri hər zaman və hər yerdə Azərbaycanı
dəstəkləyərək Dağlıq Qarabağ məsələsinin Azərbaycanın ərazi
bütövlüyü çərçivəsində, beynəlxalq hüquq normalarına riayət
220
edilməklə bütün qaçqın və məcburi köçkünlərin öz doğma yurd-
yuvalarına qaytarılması yolu ilə həllinə çağırır.
Biz hamımız şahidik ki, Sizin müdrik rəhbərliyiniz altında
Azərbaycan dini tolerantlığın və sivilizasiyalar arasında
dialoqun ən bariz nümunəsinə çevrilmişdir.
Cənab Prezident, bu mübarək günlər və qarşıdan gələn
Ramazan bayramı münasibətilə Sizə bir daha ən səmimi
təbriklərimizi yetirirəm. Qadir Allahdan bütün qardaş Azər-
baycan xalqına və bütün islam aləminə tərəqqi, rifah, sülh,
müvəffəqiyyətlər diləyirik.
Əs-səlamu aleykum və rəhmətullahi və bərəkatuhu!
221
AŞPA-nın AZƏRBAYCANDA PREZİDENT
SEÇKİLƏRİNİN MÜŞAHİDƏ OLUNMASI ÜZRƏ
XÜSUSİ KOMİTƏSİNİN SEÇKİQABAĞI
MİSSİYASININ BAŞÇISI ANDRES HERKELİN
RƏHBƏRLİK ETDİYİ NÜMAYƏNDƏ HEYƏTİ
İLƏ GÖRÜŞ
Prezident sarayı
17 sentyabr 2008-ci il
Azərbaycan Respublikasının Prezidenti İlham Əliyev
sentyabrın 17-də Avropa Şurası Parlament Assambleyasının
Azərbaycanda keçiriləcək prezident seçkilərinin müşahidə
olunması üzrə Xüsusi Komitəsinin seçkiqabağı missiyasının
başçısı Andres Herkelin rəhbərlik etdiyi nümayəndə heyətini
qəbul etmişdir.
Görüşdə Azərbaycan Respublikasında qarşıdan gələn
prezident seçkilərinə hazırlıq məsələləri ilə bağlı fikir müba-
diləsi aparılmışdır.
222
HÜSEYN CAVİD PARKINDA APARILAN ƏSASLI
BƏRPA VƏ YENİDƏNQURMA İŞLƏRİ İLƏ
TANIŞLIQ
17 sentyabr 2008-ci il
Azərbaycan prezidenti İlham Əliyev sentyabrın 17-də
paytaxtdakı Hüseyn Cavid parkında aparılmış əsaslı bərpa və
yenidənqurma işləri ilə tanış olmuşdur.
Görkəmli ədibin adını daşıyan park dövlətimizin başçısının Bakı
şəhərində parkların və xiyabanların əsaslı təmiri və yenidən
qurulması ilə bağlı verdiyi tapşırıqlara əsasən abadlaşdırılmışdır.
İki hektardan artıq ərazini əhatə edən parkda qısa vaxt ərzində
əhalinin istirahəti üçün ən müasir şərait yaradılmışdır.
Bakı Şəhər İcra Hakimiyyətinin başçısı Hacıbala Abutalıbov
görülmüş işlər barədə prezident İlham Əliyevə məlumat verərək
bildirdi ki, Hüseyn Cavidin parkda ucaldılmış abidəsi də yeni
görkəm almışdır. Parkın ərazisində mina texnologiyasından
istifadə edilməklə Təbriz memarlığına xas naxışlarla bəzədilmiş
unikal «qızıl fəvvarə» quraşdırılmışdır. Abidə ilə onun
arasındakı ərazidə isə Kanada mütəxəssislərinin layihəsi
əsasında 50 metr uzunluğu, 15 metr eni olan musiqili fəvvarə
quraşdırılmışdır. Fəvvarələrin ətrafına və hovuzlarına qranit,
ağ mərmər döşənmişdir. Şəhər sakinlərinin zövqünü oxşayan
parkda təzə oturacaqlar qoyulmuş, yeni yaşıllıq zolaqları
salınmış və bəzək kolları əkilmişdir.
Dövlətimizin başçısı parkın ərazisini gəzdi, yaradılan
şəraitlə yaxından tanış oldu, parka gəzintiyə çıxmış sakinlərlə
görüşüb söhbət etdi.
Sonra prezident İlham Əliyev Milli Elmlər Akademiyasının
qarşısındakı bağa baxdı, burada da abadlıq və yenidənqurma
işlərinin aparılması ilə bağlı müvafiq tapşırıqlarını verdi.
Dostları ilə paylaş: |