223
BAKI MUSİQİ AKADEMİYASI BİNASININ
ƏSASLI TƏMİRDƏN SONRA AÇILIŞI
18 sentyabr 2008-ci il
Sentyabrın 18-də Üzeyir musiqi günündə Bakı Musiqi
Akademiyasının binasının əsaslı təmir-bərpa işlərindən sonra
açılış mərasimi olmuşdur.
Mərasimə toplaşmış müəllim və tələbələr, mədəniyyət və
incəsənət xadimləri Azərbaycan prezidenti İlham Əliyevi və
xanımı Mehriban Əliyevanı hərarətlə qarşıladılar. Mehriban
xanıma gül dəstəsi təqdim olundu.
Dövlətimizin başçısı və xanımı əvvəlcə dahi bəstəkar Üzeyir
Hacıbəylinin akademiyanın binası qarşısındakı abidəsi önünə
gül dəstələri qoydular.
Üzeyir Hacıbəyli adına Azərbaycan Dövlət Simfonik
Orkestrinin və Dövlət Xor Kapellasının ifasında ölməz «Ko-
roğlu» operasından parçalar ifa olundu.
Sonra prezident İlham Əliyev binada aparılmış əsaslı təmir-
bərpa işləri ilə tanış oldu.
Təmir-bərpa işlərinə «Bakı Musiqi Akademiyasının maddi-
texniki bazasının yaxşılaşdırılması haqqında» prezidentin
Sərəncamına uyğun olaraq keçən ilin sentyabrında başlanmışdı.
Binanın əsaslı təmirinə və akademiya üçün yeni musiqi
alətlərinin alınmasına prezidentin ehtiyat fondundan 7 milyon
manat vəsait ayrılmışdı.
Bir ilə yaxın müddətdə görülmüş işlərin nəticəsində bina
tamamilə yeni görkəm almışdır. Ən müasir materiallardan
istifadə olunmaqla binanın fasadı, otaqları, kabinetləri əsaslı
təmir olunmuş, istilik və havalandırma sistemi, mühəndis-kom-
munikasiya xətləri yenilənmişdir. Bu işlərdə Almaniya və İtaliya
istehsalı olan avadanlıq və materiallardan istifadə edilmişdir.
224
Binanın tarixi memarlıq üslubu qorunub saxlanmış, 1300
kvadratmetr sahədə qranit və mərmərdən istifadə olunmuşdur.
Dünya şöhrətli bəstəkar Qara Qarayevin vaxtilə dərs dediyi
sinif, 308 tamaşaçı yeri olan orqan musiqisi salonu, 600-dən
çox tamaşaçı yeri olan Şövkət Məmmədova adına Opera
studiyası da yüksək səviyyədə yenidən qurulmuş, müasir
akustika və işıq sistemləri quraşdırılmışdır.
Bundan əlavə, akademiyanın maddi-texniki bazası da
müasirləşdirilmiş, bir çox yeni alətlər alınmışdır.
Prezident İlham Əliyev binanın fasadına baxdı, sinif otaq-
larında oldu, görülmüş işləri yüksək qiymətləndirdi.
Akademiyanın konsert salonunda davam etdirilən məra-
simdə dövlətimizin başçısı çıxış etdi.
Azərbaycan prezidenti İlham Əliyevin çıxışı
Hörmətli xanımlar və cənablar!
Əziz dostlar!
Bu gün ölkəmizin mədəni həyatında çox əlamətdar, gözəl
bir gündür. Bu gün, dahi Azərbaycan bəstəkarı Üzeyir
Hacıbəylinin doğum günündə Bakı Musiqi Akademiyasının
binasının təmirdən sonra açılışını qeyd edirik. Bu münasibətlə
mən sizin hamınızı ürəkdən təbrik edirəm.
Üzeyir bəyin ölməz, unudulmaz əsərləri Azərbaycan xalqı-
nın qəlbində yaşayır və əbədi yaşayacaqdır. Üzeyir Hacıbəyli
Azərbaycan xalqının dünya mədəniyyətinə bəxş etdiyi ən
görkəmli şəxsiyyətlərdən biridir. Onun yaradıcılıq irsi, ictimai
fəaliyyəti Azərbaycanın mədəni həyatının inkişafında çox
böyük rol oynamışdır. Azərbaycanın Dövlət himni öz musiqisi
ilə, öz əzəməti ilə fərqlənir. Mən çox şadam ki, bu gözəl gündə
biz sizinlə birlikdə Bakı Musiqi Akademiyasının, demək olar,
yeni həyatının başlanmasını qeyd edirik.
Bildiyiniz kimi, bir il bundan əvvəl bu binanın əsaslı təmiri
haqqında mənim tərəfimdən sərəncam imzalanmışdı və cəmi bir
il ərzində bina, demək olar ki, tamamilə yenidən qurulub. Öz
225
memarlığını, tarixi simasını saxlamaqla, bina tamamilə
müasirləşibdir. Bu gün akademiya ilə tanış olarkən bir daha
gördüm ki, burada ən yüksək standartlar tətbiq edilib, ən gözəl
şərait yaradılıbdır. Əlbəttə, burada işləyənlər və oxuyanlar üçün
böyük əhəmiyyət kəsb edən odur ki, çox gözəl musiqi alətləri
artıq vardır. Əminəm ki, bütün görülən işlər Azərbaycanın
musiqi mədəniyyətinin inkişafı üçün də öz müsbət rolunu
oynayacaqdır.
Azərbaycanın çox zəngin və böyük musiqi ənənələri vardır.
Biz öz musiqimizlə fəxr edə bilərik. Azərbaycanın bir ölkə
kimi, müstəqil ölkə kimi yaşaması və inkişafı, dünya miqya-
sında şöhrəti, o cümlədən Azərbaycanın musiqi mədəniyyəti ilə
də sıx bağlıdır. Xalqımız uzun illər, demək olar ki, əsrlər boyu
müstəqillikdən məhrum idi. Biz başqa ölkələrin tərkibində
yaşamışıq. Ancaq öz milli ənənələrimizi, milli-mənəvi
dəyərlərimizi saxlamışıq, qorumuşuq. Mən tam əminəm ki, bu
işdə əsas rol oynayan bizim mədəniyyətimiz olubdur.
Musiqimiz, ana dilimiz, ədəbiyyatımız olub ki, Azərbaycan,
azərbaycanlılar öz milli xüsusiyyətlərini qoruyub saxlaya
bilmişdir. Bu gün biz müstəqil ölkə kimi inkişaf edərkən,
əlbəttə, çox istəyirik ki, ölkəmizin inkişafı çoxşaxəli olsun. Biz
iqtisadi cəhətdən çox sürətlə inkişaf edirik. Azərbaycanda siyasi
proseslər çox müsbət istiqamətdə gedir. Bütövlükdə,
cəmiyyətdə yaranmış gözəl ab-hava Azərbaycanın ümumi
inkişafını təmin edir və gələcəkdə də təmin edəcəkdir.
Əlbəttə ki, belə bir gözəl şəraitdə, dövlətin artan imkanları
sayəsində biz həyatımızın bütün sahələrinin inkişafı üçün əməli-
praktiki tədbirləri görməliyik. İlk növbədə, qeyri-maddi
dəyərlərin qorunmasına, inkişafına daha da böyük diqqət
göstərməliyik. Bakı Musiqi Akademiyasının əsaslı təmiri, deyə
bilərəm ki, yenidən qurulması bunun əyani sübutudur, son illər
ərzində Azərbaycanda aparılan siyasətin bir parçasıdır.
Azərbaycanın çox gözəl perspektivləri var. Biz uğurla
inkişaf edirik və öz problemlərimizi özümüz həll edirik. Azər-
baycanın zəngin təbii ehtiyatları, çox bilikli kadr potensialı,
Dostları ilə paylaş: |