İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
226 coğrafi vəziyyəti və ölkədə gedən müsbət proseslər, cəmiyyətdə həmrəyliyin möhkəm olması – bütün bu amillər Azərbaycanda həm sabitliyin qorunmasına, möhkəmlənməsinə şərait yaradır, həm də uğurlu inkişafın gələcək addımlarını müəyyən edir. Bizim ölkəmiz hərtərəfli inkişaf edir, bütün problemlər öz həllini tapır və mən çox istəyirəm ki, biz qarşıda duran bütün vəzifələri daha da tezliklə icra edək. Mən əminəm ki, Azərbaycanın zəngin mədəni irsi, çox gözəl mədəni ənənələri yaşayacaq və gənc nəsil bu ruhda tərbiyə olunacaqdır. Bizim indi əsas vəzifələrimizdən biri ondan ibarətdir ki, Azərbaycanda yetişən gənc nəsil həm bilikli, savadlı, həm də peşəkar, vətənpərvər olsun və gələcək illərdə Azərbaycan etibarlı əllərdə olsun. Çünki bugünkü gənclər bir müddətdən sonra ölkənin gələcək inkişaf istiqamətlərini müəyyən edəcəklər, onların qərarlarından ölkəmizin taleyi asılı olacaqdır. Elə etməliyik ki, Azərbaycanda yetişən gənc nəsil bu sadaladığım parametrlərə uyğun olsun. Bunu etmək üçün, əlbəttə ki, təhsil məsələlərinə biz çox böyük diqqət göstərməliyik. Bakı Musiqi Akademiyası həm mədəniyyət, həm də təhsil ocağıdır. İki vacib istiqaməti özündə birləşdirir və hər iki istiqamətdə Azərbaycan dövlətinin çox ciddi, düşünülmüş və konkret proqramları vardır. Azərbaycanın artan imkanlarını insan kapitalının möh- kəmlənməsinə yönəldirik. Təhsil məsələlərinə ayrılan xərclər büdcəmizin böyük hissəsini təşkil edir və ildən-ilə bu xərclər artır. Azərbaycanda məktəb tikintisi geniş vüsət almışdır. Son 4- 5 il ərzində 1400 yeni məktəb tikilibdir. Yeni tikilmiş bütün məktəblərdə kompyuterləşmə məsələləri öz həllini tapıbdır. Əgər beş il bundan əvvəl 1000 şagirdə 1 kompyuter düşürdüsə, bu gün 29 şagirdə 1 kompyuter düşür. Bu nə deməkdir? Bu o deməkdir ki, bizim uşaqlarımız kiçik yaşlarından yeni texnologiyalara bələd olacaqlar. Onlar daha da bilikli, dünyaya açıq olacaqlar, dünyada gedən prosesləri izləyəcək, mövcud olan yenilikləri öyrənəcəklər. Hər halda, belə imkan yaranacaq və onlar orta məktəbi bitirərkən artıq öz hazırlıq səviyyəsinə 227 görə daha da peşəkar ola bilərlər. Ali məktəbin bu işlərdə rolu daha da vacibdir, çünki insanın formalaşması daha çox ali məktəb divarları arasında başlayır. Azərbaycanda ali məktəblərdə aparılan islahatlar, təhsilin keyfiyyətinin təkmilləşməsi bizi çox sevindirir. Ancaq təbii ki, daha da böyük işlər görmək lazımdır. Əminəm ki, Azərbaycanda bu istiqamətdə aparılan siyasətin davam etməsi nəticəsində biz bu məqsədlərə çatacağıq. Azərbaycan gəncləri həm mənəvi cəhətdən, həm fiziki cəhətdən, həm də peşəkarlıq baxımından ən yüksək meyarlara uyğun olacaqlar. Hər bir ölkənin inkişafı müxtəlif amillərlə ölçülür. Burada həm iqtisadi potensial, ölkələrin coğrafi mövqeyi, siyasi proseslərin müsbət istiqamətə yönəldilməsi və həm də, əlbəttə ki, hər bir ölkənin mədəni həyatı, mədəni irsi və potensialı böyük rol oynayır. Ölkələr haqqında dünyada yaranan fikirlər xeyli dərəcədə onların mədəni həyatının zəngin olmasından asılıdır. Bu belə sahədir ki, bunu gizlətmək mümkün deyildir. Bəzi hallarda kütləvi informasiya vasitələrində Azərbaycan haqqında verilən məlumatlar həqiqəti əks etdirmir. Dünya ictimaiyyəti üçün aydın deyil ki, bizim ölkəmiz son dörd ildə dünya miqyasında iqtisadi inkişaf baxımından birinci ölkədir. Dünya Bankının hesablamalarına görə, bu il Azərbaycan islahatların aparılması sahəsində birinci ölkədir. Ancaq ölkəmizin mədəni həyatı, ölkəmizdə güclü kadrların mövcudluğu, peşəkar ifaçıların, mədəniyyət xadimlərinin fəaliyyəti, əlbəttə ki, daha da çox diqqəti cəlb edir. Biz çalışmalıyıq ki, Azərbaycanı dünya birliyinə lazımi səviyyədə təqdim edək. İstəyirik ki, bizi daha yaxından tanısınlar. Buna nail olmaq üçün, şübhəsiz, mədəniyyət xadimlərinin fəaliyyətindən çox şey asılıdır. Fürsətdən istifadə edib bir də demək istəyirəm ki, ölkə prezidenti kimi, mən Azərbaycanın mədəni həyatının inkişafı üçün, mədəniyyətlə bağlı bütün tədbirlərin görülməsi üçün bundan sonra da öz səylərimi göstərəcəyəm. Bu gün bu işlər çox geniş vüsət alıbdır. Azərbaycanda, demək olar ki, bütün teatrlar təmir olunur, yenidən tikilir, bütün 228 muzeylərdə təmir-bərpa işləri aparılır. Yəni bizim istəyimiz odur ki, Azərbaycanda mədəniyyətlə bağlı olan bütün işlər, bütün tikinti işləri ən yüksək dünya standartlarına cavab versin və biz buna nail oluruq. Biz hələ bu işin əvvəlindəyik, başladığımız böyük qurucu- luq, abadlıq işləri yəqin ki, bu il və gələn il başa çatacaqdır. Ondan sonrakı illərdə mədəniyyətlə bağlı bütün infrastruktur obyektləri yeniləşməlidir, yenidən tikilməlidir və ən qabaqcıl dünya standartlarına uyğunlaşdırılmalıdır. Necə ki, bu gün deyə bilərəm, Bakı Musiqi Akademiyası gö- zəllik, memarlıq və təchizat baxımından Azərbaycanın aparıcı təhsil ocağıdır. Burada işləmək də, oxumaq da xoşdur. Həm müəllimlər, həm də tələbələr üçün çox gözəl şərait yaradılıbdır. Doğma Bakımızın siması dəyişir, bütün tarixi binalar təmir olunur. Bununla bağlı bir müddət əvvəl mən xüsusi sərəncam imzalamışdım və Bakıdakı bütün tarixi binaların yeniləşdirilməsi, bərpası və orijinal formaya çatdırılması işində artıq böyük nailiyyətlər var və bu proses davam edir. Mən bilirəm ki, Bakı sakinləri bu işləri çox böyük sevinclə qarşılayırlar, hər birimiz buna sevinirik. Tarixi binaların təmirindən sonra yeniləşən simaları hər bir Bakı sakinini sevindirir. Bir sözlə, mədəniyyətin inkişafı ilə bağlı çox işlər görülüb- dür. Azərbaycan dövləti ölkəmiz üçün vacib olan bu sahəyə bundan sonra da lazımi diqqət göstərəcəkdir. Əziz dostlar, bu gözəl hadisə münasibətilə mən bir daha sizin hamınızı ürəkdən təbrik etmək istəyirəm. Bakı Musiqi Akademiyasının kollektivinə yeni uğurlar və yeni qələbələr arzulayıram. Sağ olun. * * * Bakı Musiqi Akademiyasının rektoru, Xalq artisti, professor Fərhad Bədəlbəyli mərasimdə çıxış edərək dedi: – Möhtərəm cənab Prezident! Çox hörmətli Mehriban xanım! Yüklə 1,85 Mb. Dostları ilə paylaş:
|