284
bütün bunları görürük. Bu idman kompleksi ilə üzbəüz böyük
xəstəxana kompleksi tikilir və orada çox gözəl avadanlıqlar
quraşdırılacaqdır. Sakinlərin müayinəsi və müalicəsi üçün bütün
şərait yaradılacaqdır.
Oğuz rayonu çox gözəl təbii sərvətlərə malikdir. Gözəl
təbiəti var, iqlimi var. Çox gözəl mənzərəli yerləri var. Əminəm
ki, turizmin inkişafı Oğuz rayonunun gələcək inkişafına böyük
xidmət göstərəcəkdir. Bu gün eyni zamanda, yeni
mehmanxananın açılışında iştirak edəcəyəm. Yəni bütün bu
hadisələr onu göstərir ki, hər bir rayonun potensialından biz
səmərəli şəkildə istifadə etməliyik. Elə etməliyik ki, rayonda
gedən işlər onun iqtisadi imkanlarını genişləndirsin.
Əlbəttə ki, Azərbaycan dövləti öz iqtisadi imkanlarını işə
salaraq bütün rayonlarda gedən abadlıq-quruculuq işlərinə kömək
göstərir. Deyə bilərəm ki, Azərbaycanın bütün rayonları dövlət
büdcəsindən dotasiyalar hesabına yaşayırlar. Bu bundan sonra da
davam edəcəkdir. Hər bir rayonun infrastruktur layihələrinə, belə
gözəl komplekslərin, xəstəxanaların məktəblərin tikintisinə və
sair işlərin görülməsinə Azərbaycanın dövlət büdcəsindən vəsait
ayrılır. Əlbəttə ki, gələcəkdə bizim iqtisadi imkanlarımız daha da
böyük olanda, daha da böyük işlər görəcəyik. Amma hər bir
rayon da öz iqtisadi, sənaye və turizm potensialından səmərəli şə-
kildə istifadə etməlidir və Oğuz rayonunda da belə imkanlar var.
Biz çalışmalıyıq və bundan sonra da bunu edəcəyik ki,
Azərbaycanın bütün bölgələrində çox geniş quruculuq, abadlıq
işləri davam etsin, bu yüksək templər saxlanılsın. Azərbaycanın
bütün bölgələrində yaxşı yaşamaq, yaxşı işləmək, yaxşı
oxumaq və idmanla yaxşı məşğul olmaq üçün bütün imkanlar
olsun.
Azərbaycanın inkişafı bu gün çox sürətlidir. Bütün
bölgələrdə böyük quruculuq-abadlıq işləri aparılır. Bizim
iqtisadi islahatlarımız istər sənaye potensialının inkişafında,
istərsə də kənd təsərrüfatının inkişafında öz bəhrəsini verir.
Böyük infrastruktur layihələri icra olunur. Xüsusilə bu zonanın
hərtərəfli inkişafı üçün lazımi tədbirlər görülür. Dünən mən
285
Zaqatala şəhərində yeni aeroportun açılışında iştirak etdim.
Aeroportun tikintisi, o cümlədən Oğuz rayonunun turizm
imkanlarına da böyük dəstək olacaqdır. Əminəm ki, həm
Bakıdan, həm Azərbaycanın başqa şəhərlərindən, həm də xarici
ölkələrdən buraya gələn turistlərin sayı getdikcə artacaqdır. İlk
növbədə, ona görə ki, buranın çox gözəl təbiəti var. Təbiət
baxımından Oğuz rayonu dünyanın istənilən yerindən geridə
qalmır.
Digər tərəfdən, Azərbaycanda hökm sürən sabitlik, əmin-
amanlıq, əlbəttə ki, turistlərin cəlb olunmasında öz rolunu
oynayacaqdır. Turizmin inkişafı o ölkələrdə daha sürətlə gedir
ki, orada vəziyyət sabitdir, heç bir qarşıdurma yoxdur, heç bir
daxili, yaxud da xarici təhlükə yoxdur. Azərbaycan bu
baxımdan bütün başqa ölkələrdən daha da əlverişli
vəziyyətdədir. Çünki bizdə sabitlik, əmin-amanlıq, vətəndaş
həmrəyliyi var. Bütün bunlar Azərbaycanın hərtərəfli inkişafına,
o cümlədən turizmin inkişafına xidmət göstərir.
Yəni Azərbaycanı, Oğuz kimi başqa rayonları turizm
mərkəzlərinə çevirmək üçün bizim bütün imkanlarımız var.
Yenə də deyirəm, hər bir rayonun öz xüsusiyyətləri var. Hər bir
rayonda o rayonun xüsusiyyətlərinə uyğun işlər aparılmalıdır.
Haradasa sənaye potensialı artırılır, haradasa kənd təsərrüfatı,
turizm inkişaf etdirilir və sair. Azərbaycanın hərtərəfli inkişafı
bu işlərlə bağlıdır.
Əlbəttə ki, bizim böyük təbii ehtiyatlarımız var – neft, qaz
və biz bu ehtiyatları dənizin dibindən çıxarır və boru xətləri ilə
dünya bazarlarına ixrac edirik. Bundan Azərbaycan dövləti
böyük gəlirlər əldə edir. Bu gəlirlər bizə imkan verir ki, belə
gözəl komplekslər və başqa obyektlər tikək. Ancaq
uzunmüddətli inkişafımız üçün Azərbaycanın qeyri-neft sektoru
inkişaf etməlidir. Mənim son beş il ərzində apardığım siyasətin,
demək olar, əsas istiqaməti bundan ibarətdir ki, Azərbaycanda
bölgələr də, iqtisadiyyatın qeyri-neft sektoru da, xidmət sektoru
da inkişaf etsin ki, gələcəkdə dövlətimiz təbii resurslardan asılı
olmasın. Bu gün bunu etmək mümkün deyil və bu təbiidir.
286
Ancaq biz bu yolla gedirik və qeyri-neft sektoru ildən-ilə daha
da artır.
Bu gün biz özümüzü ərzaq məhsulları ilə, demək olar ki,
maksimum dərəcədə təmin edirik və görüləcək əlavə tədbirlər
nəticəsində Azərbaycan ərzaq təhlükəsizliyini 100 faiz təmin
edəcəkdir. Bugünkü dünyada bu, böyük bir nailiyyətdir. Çünki
istisna olunmur ki, gələcək illərdə ərzaq təminatı ilə problemlər
daha da ciddiləşəcək və o ölkələr ki, idxaldan asılılıqları var,
onlar böyük problemlərlə üzləşə bilər. Bunun qabağını almaq
üçün biz bu gün tədbirlər görürük. Ərzaq təhlükəsizliyi,
nəqliyyat təhlükəsizliyi, enerji təhlükəsizliyi – dünya birliyini
narahat edən bu üç əsas məsələ Azərbaycanda uğurla həll
olunur və biz bunları gələcəkdə də həll edəcəyik. Azərbaycanın
uğurlu, dayanıqlı inkişafını təmin etmək üçün nə lazımdırsa, biz
onu edəcəyik.
Əziz oğuzlular, mən bu gün sizi bir daha ürəkdən təbrik
etmək istəyirəm. Mən əminəm ki, siz bu idman kompleksindən
səmərəli istifadə edəcəksiniz və burada yeni çempionlar
yetişəcəkdir. Onlar da öz növbəsində, görkəmli olimpiyaçılar
kimi, Azərbaycanın idman şöhrətini daim yüksəklərdə
saxlayacaqlar.
Sizi bir daha təbrik edirəm, sizə uğurlar, cansağlığı
arzulayıram.
Sağ olun!
Şəhərdə yeni salınan mərkəzi parkla tanışlıq
Sentyabrın 20-də prezident İlham Əliyev Oğuz şəhərində
yeni salınan mərkəzi parkda olmuşdur.
Dövlətimizin başçısının tövsiyəsinə uyğun olaraq salınan
parkda inşaat işlərinə bu ilin mayında başlanılmışdır. Ərazisi
2,6 hektar olacaq parkın layihəsi yerli və xarici mütəxəssislərin
birgə iştirakı ilə hazırlanmışdır.
Dostları ilə paylaş: |