280
200-ə çatdırılması və ərazisinin genişləndirilməsi nəzərdə tu-
tulur.
Süd sağımı sexindəki bütün avadanlıqlar Hollandiyadan
gətirilmişdir. Sağılmış süd xüsusi borularla çənlərə vurulur,
buradan isə pendir istehsalı sexinə ötürülür.
Prezident İlham Əliyev istehsal sahəsinin rəmzi işə salın-
masını bildirən düyməni basdı. Sonra tövlələrə, süd sağımı və
pendir istehsalı sexinə baxdı, quraşdırılmış müasir avadanlıqla
tanış oldu.
Görülən işləri yüksək qiymətləndirən dövlətimizin başçısı
bölgələrdə bu cür müəssisələrin yaradılmasının əhəmiyyətini
vurğuladı.
281
OĞUZ OLİMPİYA İDMAN KOMPLEKSİNİN
AÇILIŞ MƏRASİMİ
20 sentyabr 2008-ci il
Azərbaycan prezidenti İlham Əliyev sentyabrın 20-də
Oğuz rayonuna gəlmişdir.
Dövlətimizin başçısı əvvəlcə Oğuz Olimpiya İdman Kom-
pleksinin təntənəli açılış mərasimində iştirak etdi. Mərasimə
toplaşanlar prezidenti və xanımı Mehriban Əliyevanı səmimiyyətlə
qarşıladılar.
Prezident İlham Əliyev kompleksin rəmzi açılışını bildirən
lenti kəsdi.
Məktəblilər səmaya sülh rəmzi olan ağ göyərçinlər burax-
dılar.
Dövlətimizin başçısı komplekslə tanış oldu. Məlumat verildi
ki, regionların sosial-iqtisadi inkişafı Dövlət Proqramına uyğun
olaraq tikilən idman qurğusunun inşasına 2007-ci ilin
fevralında başlanılmışdı. Gənclər və İdman Nazirliyinin sifarişi
ilə inşa olunan kompleksin smeta dəyəri 7,5 milyon manatdır.
«Rövşən-Oğuz-İnşaat» MMC-nin həyata keçirdiyi inşaat
işlərinə 150 nəfər cəlb olunmuşdu. İşçilərin orta aylıq
əməkhaqqı 300–500 manat təşkil etmişdir.
4,5 hektar ərazidə yerləşən kompleksin əsas korpusuna 575
tamaşaçı yeri olan universal idman salonu, trenajor və 100
yerlik konfrans salonları, restoran-bar, habelə inzibati otaqlar
daxildir. Digər korpusda 25 metrlik üzgüçülük hovuzu vardır.
Kompleksin ərazisində tribunaları olan və beynəlxalq
standartlara cavab verən 1850 yerlik futbol stadionu, voleybol,
basketbol meydançaları, tennis kortu tikilmiş, idmançıların
qalması və istirahəti üçün hərəsi dördnəfərlik 5 kottec
282
tikilmişdir. Stadiona Türkiyədən gətirilmiş süni örtük döşən-
mişdir.
İdman qurğusunun nasos stansiyası, transformatoru,
qazanxanası, hər birinin tutumu 400 kubmetr olan 2 ehtiyat su
anbarı, yanğından mühafizə məntəqəsi də vardır. Ərazidə geniş
abadlıq işləri aparılmış, çəmənlik salınmış, 6 min ədəd
dekorativ gül kolu əkilmişdir.
Prezident İlham Əliyev kompleksin trenajor salonu,
üzgüçülük hovuzu, basketbol, voleybol və futbol meydançaları
ilə tanış oldu.
Sonra kompleksin açılmasına həsr olunmuş mərasim ke-
çirildi.
Prezident İlham Əliyev mərasimdə çıxış etdi.
Azərbaycan prezidenti İlham Əliyevin çıxışı
Əziz oğuzlular!
Əziz dostlar!
Bu gün Oğuz rayonunun həyatında çox gözəl və
əlamətdar bir gündür. Bu gün Oğuzda yeni, gözəl, müasir
Olimpiya İdman Kompleksi açılır. Mən bu münasibətlə sizin
hamınızı ürəkdən təbrik edirəm.
Əminəm ki, bu kompleksdən həm idmançılar səmərəli
istifadə edəcəklər, həm də Oğuz rayonunun sakinləri. Burada
bütün şərait var. Həm idman zalı, həm üzgüçülük hovuzu, trena-
jor zalı – bir sözlə, idmanla məşğul olmaq və sağlamlığı möh-
kəmləndirmək üçün bütün imkanlar var. Mən çox şadam ki, bu
gözəl gündə sizinlə bərabər bu kompleksin açılışında iştirak
edirəm.
Mən xatırlayıram, keçən il Oğuzda olarkən kompleksin
tikintisi ilə tanış olmuşdum. Kompleks qısa müddət ərzində
yüksək keyfiyyətlə və böyük zövqlə tikilibdir. Bunun həm
xarici görünüşü gözəldir, həm də daxili təchizatı bütün dünya
standartlarına uyğundur. Əminəm ki, bu kompleksin fəaliyyətə
başlaması nəticəsində burada idmanın inkişafına daha da böyük
283
təkan veriləcəkdir. Mən çox istəyirəm ki, Azərbaycanın hər
yerində, hər bir rayonunda güclü idmançılar yetişsin, insanlar
sağlam olsunlar. Gənc nəsil həm fiziki cəhətdən, həm də
mənəvi cəhətdən sağlam olsun. Beləliklə, Azərbaycanın həm
idman şöhrəti daim yüksəklərdə qalacaq, həm də Azərbaycan
vətəndaşları, xüsusilə, uşaqlar, yeniyetmələr, gənclər fiziki
cəhətdən sağlam olacaqlar.
Azərbaycanın çox böyük idman uğurları, idman qələbələri
var. Bizim idmançılarımız – bizim qaliblərimiz, Olimpiya
oyunlarının çempionları, mükafatçıları – bu gün burada iştirak
edirlər, Azərbaycanın idman şöhrətinin qaldırılması üçün çox
böyük işlər görürlər. Beynəlxalq yarışlarda, çempionatlarda,
əlbəttə ki, Olimpiya oyunlarında Azərbaycanı ləyaqətlə təmsil
edirlər. Azərbaycan dünya idman ailəsində özünəlayiq yerini
tuta bilibdir və dünyada idman ölkəsi kimi tanınır. Bizim
uğurlarımız, əlbəttə ki, hər bir vətəndaşı sevindirir, eyni
zamanda, idmançılarımızın uğurlu çıxışları gənclərə də
örnəkdir, gənclərə də gözəl nümunədir. Əminəm ki, bu gözəl
qələbələrdən sonra idman bölmələrinə axın daha da güclənəcək,
idmanla məşğul olmaq istəyənlərin sayı artacaqdır. Əlbəttə ki,
bütün bu məqsədlərə nail olmaq üçün, idmanla məşğul olmaq
üçün gərək yaxşı şərait olsun. Biz bu şəraiti yaradırıq. Sadəcə
olaraq, hansısa idman qurğularının tikilməsi ilə kifayətlənmirik.
Mən istəyirəm ki, hər bir rayonda ən müasir idman
infrastrukturu yaradılsın. Hər bir yerdə idmanla məşğul olmaq
üçün yaxşı şərait olsun və biz Oğuz rayonunun timsalında bunu
görürük.
Siz, rayonun sakinləri yaxşı bilirsiniz ki, əhali baxımından
Oğuz böyük rayon deyildir. Amma mənim üçün bu heç vaxt
meyar olmamışdır. Mənim üçün bütün rayonlar əzizdir, bütün
Azərbaycan vətəndaşları əzizdir. Rayonun böyük-kiçikliyindən
asılı olmayaraq, mən düşünürəm ki, hər bir yerdə, hər bir
rayonda çox gözəl şərait olmalıdır. Həm idmanla məşğul olmaq
üçün şərait, həm infrastruktur layihələri, həm də səhiyyə
obyektləri, məktəblər, yollar olmalıdır. Biz Oğuz rayonunda
Dostları ilə paylaş: |