Inqilab Kerimov (Revayetler). qxd
Yüklə 2,95 Kb. Pdf görüntüsü
|
- Bu səhifədəki naviqasiya:
- AMAN RƏHBƏRİ SÖYDÜ
rən yaradır. Küçə ilə gedirsən, dostlar məclisində oturursan və qəflə- tən sənin obrazına lazım olan bir hərəkət, bir danışıq tərzi yadına düşür. yaradıçılıq fantaziyan daha gərgin, daha sərrast işləməyə baş- layır. Bəzən də bağda və parkda gəzdiyin halda fərqinə varmadan öz- özünə danışırsan”. Ağadadaş Qurbaqovda bu xüsusiyyət güclü idi. Səhnədə təbii, canlı, mükəmməl obraz yaradırdı. Onun böyük Mirzə Fətəli Axundovun “Molla İbahim Xəlil Kim- yagər” komediyasının tamaşasında yaratdığı Molla İbrahim Xəlil ob- razı da güclü sənətkar təxəyyülünün məhsulu idi. Azərbaycan Dövlət Gənc Tamaşaçılar Teatrının səhnəsində müvəffəqiyyətlə ifa etdiyi bu obraz teatrın tarixinə nəqş olundu. Aktyor xarici hərəkətlərindən, mi- mikasından istifadə edərək Şeyx Saleh, Molla Həmid, Dərviş Abbas kimi şarlatanları başına yığıb “iksir” adı ilə, misi gümüşə çevirmək vasitəsilə adamları aldadan fırıldaqçı bir tüfeylini bacarıqla ifşa edirdi. Xüsusilə tamaşanın ikinci səhnəsində aktyorun ifası güclü təsir bağışlayırdı; həmin səhnədə Nuxalıları qəbul edən Molla İbrahim Xəlil – Ağadadaş Qurbanov rühani cildinə girərək, özünü pak, mömin bir din xadimi kimi onlara təqdim edirdi. Nuxalılar ona pul vermək istədikdə o, “pulları mənə nə lazım təqdim etmək. Məndə hanı o qədər vaxt və fürsət ki, hər bir cüzviyyata özüm mübaşir olam. Sayın, tapşırın Molla Həmidə, otuz gündən sonra yenə buraya gəlin, on pud gümüşünüzü alın, aparın. Xudahafiz! Günorta namazının vaxtı yeti- şir”. Aktyor bu sözləri sakit, təmkinli, aramla xoş bir təsirli səslə, hətta bir qədər incimiş halda o qədər məharətlə deyirdi ki, onun “misi gümüşə çevirmək bacarığına”, “Mömin bir şəxs” olduğuna kimsə şübhə etmirdi. Nuxalılar bir qədər uzaqlaşdıqdan sonra Molla İbra- him Xəlil – Ağadadaş Qurbanov gözünü qıyır, saqqalını tumarlayır, hiyləgərcəsinə gülümsünür: “Getdilərmi?” – deyə Molla Həmiddən sual edirdi. Molla Həmidin: “Bəli, ağa, getdilər” sözlərindən sonra İbrahim Xəlil – Ağadadaş tamamilə başqalaşırdı. Bircə dəqiqə bun- dan əvvəl nuxalılarla söhbət edən Molla İbrahim Xəlildən əsər-əlamət belə qalmırdı. Hiyləsinin baş tutduğundan nəşələnərək əbasını, əm- maməsini bir tərəfə atır, çırtıq çala-çala həyasızcasına oynamağa baş- 127 layırdı. Sonra bardaş qurub, döşəkcə üstə otururdu. Əllərini yan tə- rəflərdən yuxarıya qaldırıb, başını aşağı əyərək dişi ilə şərab dolu ba- dəni əl vurmadan son damlasına qədər içib, yenə həmin qayda ilə yerinə qoyurdu. Sonra muğam üstə oxumağa başlayırdı. * * * Azərbaycan Dövlət Gənc Tamaşaçılar Teatrının baş rejissoru Zəfər Paşa oğlu Nemətov danışıb ki, Əbdürrəhim bəy Haqverdiyevin (1870-1933) “Sağsağan” pyesinin (1932) Azərbaycan Dövlət Gənc Tamaşaçılar Teatrında tamaşası hazırlanarkən əsərdəki falçı qadın Həmşəri Cahan rolunu teatrda yaxşı ifa edə bilən aktrisa olmadığı üçün Cahan surəti Həmşəri Niftəli surəti ilə əvəz edilib. Ağadadaş Qurbanov bu rolu məharətlə ifa etdiyi üçün Əbdürrəhim bəy Haq- verdiyev aktyor kollektivi qarşısında “Sağsağan” pyesinin əlyazma- sını ona bağışlayıb. Ağadadaş Qurbanov ustad sənətkar olmaqla yanaşı, həm də gözəl ailə başçısı idi. Qızı Gülşəni (xalq artisti Gülşən Qurbanova) çox sevərdi. Onu çox vaxt özü ilə azmüddətli qastrol səfərlərinə də aparardı. 1965-ci ilin iyun ayında teatrın Salyan qastroluna da apar- mışdı. İyun ayının 25-də Gülşən mehmanxanada ikən otağın balko- nuna çıxır. Bu vaxt bir qədər aralıdan gələn motosikletin qabaq tərəfində İosif Vissarionoviç Stalinin şəkli vurulduğunu görür. O zaman bu görünməmiş bir hadisə idi. Gülşən həyəcanla: “ata, ata stalinin şəkli” – deyə Ağadadaşı çağırır. Ağadadaş cəld balkona çıxır. Balkon çox keyfiyyətsiz tikildiyindən onların ağırlığını götürmür, uçur. Ağadadaş da, Gülşən də yıxılırlar. Ağadadaş Gülşənə xətər to- xunmasın deyə onu əlləri ilə başı üstə qaldırır, uşaq elə bir ağır xəsa- rət almır. Ağadadaş özü isə iri daşların altında qalıb həlak olur. Allah ona qəni-qəni rəhmət eləsin, məzarı nurla dolsun. Ağadadaş ürəyi açıq, səmimi, mehriban, qədirbilən dost idi. Yaxşı piti hazırlamağı, çay dəmləməyi vardı. Bir gün məni evlərinə piti yeməyə dəvət etdi. Yeməkdən sonra özünün xüsusi qayda və səliqə 128 ilə dəmlədiyi çay gətirdi. Qənddanı mizin üstünə qoydu. Mən: “Ağa- dadaş, mən qəndlə çay içməyi xoşlamıram” – dedim. O, cəld mü- rəbbə gətirdi. Bu hadisədən xeyli vaxt keçdi. 1963-cü ildə Abbasmirzə Şərif- zadənin 70 illik yubileyini İrəvanda qeyd etmək üçün, bir neçə teatr işçiləri oraya getməli olduq. Elmi işimlə əlaqədar olaraq mən Mehdi Məmmədov, Ağasadıq Gəraybəyli, Mustafa Mərdanov, Rza Təhma- sib, Cəfər Cəfərov və digər sənətkarlarımızla eyni gündə gedə bil- mədim. Ağadadaşdan və Mustafa dayıdan (Mustafa Mərdanov. O, Teatr Cəmiyyətinin, indiki Teatr Xadimləri İttifaqının sədri idi) xahiş etdi ki, öz yanlarında mənə yaxşı bir yer götürsünlər. Bir gün sonra İrəvana gəldim. Hansı mehmanxanaya düşəcəyimizi bilirdim. Meh- manxana növbətçisindən otağımı soruşdum. Otağa daxil olanda gör- düm ki, Cəfər Cəfərov, Mustafa dayı və Ağadadaş oturub söhbət edirlər. Görüşdük. Ağadadaş mənə də çay süzdü. Nə fikirləşdisə heç nə demədən cəld ev ayaqqabılarında otaqdan çıxdı. Bizi təccüb gö- türdü. 10 dəqiqə keçməmiş qayıdıb gəldi. Əlindəki bir qutu “rahat- luqum” konfetini mizin üstünə qoydu. Mustafa dayının: “bu nədir, Ağadadaş? – sualına: – Axı mənim dostum İnqilab qəndlə çay içmir, – cavabını verdi. AMAN RƏHBƏRİ SÖYDÜ Böyük Vətən müharibəsindən (1941-1945) sonrakı ilk illərdə Quba Dövlət Dram Teatrına yenicə təyin olunmuş gənc bir rejissor saatlarla yorulmadan, fədakarcasına aktyorlarla məşq edirmiş. Quba Dövlət Dram Teatrında səməd vurğunun “Xanlar” pyesinin məşqi zamanı baş rollardan birini ifa edən aktyorun ifa tərzi rejissoru razı salmır; eyni şeyi yeddi-səkkiz dəfə təkrar etdirir. Hər dəfə də görkəmli rus teatr islahatçısı Konstantin Sergeyeviç Stanislavskidən misal çəkir. Gənc rejissorun bu hərəkəti və sitatları özünü teatrın gör- kəmli sənətkarı hesab edən orta yaşlı aktyoru hövsələdən çıxarır. Növbəti gəlişdə gənc rejissor Stanislavskidən bir də sitat gətirəndə aktyor dözə bilmir: “Stanislavskinin lap...” – deyə ona üçmərtəbəli 129 Yüklə 2,95 Kb. Dostları ilə paylaş:
|