52
ekotiplərinin sərhədləri daxilində isə torpaq (edofik)ekotipləri-edofotipləri ayırmaq
olar.Edofotiplər torpaq şəraitinin təsiri altında yaranır.Müəyyən biosenoz
çərçivəsində bir qayda olaraq bir növünün fərdlərinin məcmusu senopopulyasiya
(yalnız bu biosenoza uyğunlaşmış) əmələ gətirir.Bundan başqa,ekosistemlərdə
polisenotik populyasiyalar (bir neçə biosenoza uyğunlaşmış),məsələn,sərbəst
hərəkət edən heyvanlar da mövcuddur.
Ekotipi vahid tam kimi səciyyələndirən ekologiya növü ( ekotipi) əmələ gətirən
fərdlərə fəza-məkan yerləşməsi və qarşılıqlı münasibətləri təhlil və qeydiyata
məruz qalacaq statistik vahidlər kimi baxır.Populyasiyanin ekoloji xüsusiyyətlərinə
onun məskunlaşma yeri və ekoloji taxçası,fərdlərin sayı və sıxlığı,fərdlər
arasındakı
populyasiyadaxili
münasibətlər,biosenozda
populyasiyalararası
münasibətlər və s. aiddir.
Fərdlərin sayının populyasiyadaxili nizamlanması
Adətən,populyasiyanın sıxlığı müəyyən bir optimuma malik olur.Bu
optimumdan istənilən sapmalar (kənaraçıxmalar) olduqda populyasiyadaxili
tənzimləmə mexanizmi iş düşür. Populyasiyada dayanıqlı sabitliyin bərqərar
olmasına imkan yaradan əsas mexanizmlərdən biri sıxlıqdan asılı olan amillərin
təsiridir.Abiotik amillər də populyasiyada ölümlərə təsir
göstərməsinə baxmayaraq,
müstəqil şəkildə dayanıqlı sabitliyi yarada bilmir.
Müxtəlif bitki və heyvan növlərində sayın tənzimlənməsi müxtəlif cür həyata
keçirilir. Buna baxmayaraq onların hər birində müəyyən yollarla sıxlığın
optimumu bərqərar olunur.Populyasiyanın sıxlığının artması fərdlərin ölçülərinin
və məhsuldarlığının azalması,ölümlərin artması,inkişaf sürətinin və cinslərin
nisbətinin dəyişməsi,populyasiyanın fəal hissəsinin azalması və s. kimi təzahürlərlə
müşayət olunur.Bir çox hallarda populyasiyanın sıxlığının həddindən artıq
yüksəlişi hannibalizmi stimullaşdırır.Hannibalizm bəzi balıq növlərində və digər
heyvanlarda müşahidə olunur.
Sayın populyasiyadaxili tənzimlənməsinin vacib mexanizmlərindən biri də
intensivliyi sıxlığın artımından asılı olan emiqrasiyadır.Bu əksər həşaratlar üçün
səciyyəvidir.Bu həşaratlarda sıxlığın müəyyən kəmiyyətində fərdlərin bir hissəsi
həmin arealın onlar üçün daha az əlverişli olan yerlərə köçürlər.Məsələn,bəzi
mənənə növlərində populyasiyanın sıxlığının artması başqa yerə köçmək
qabiliyyətinə malik qanadlı fərdlərin meydana çıxması ilə müşayət olunur.Sıxlığın
kəskin artması bir sıra məməlilərdə (xüsusilə də,siçovulabənzər gəmiricilərdə) və
quşlarda da emiqrasiyaya səbəb olur.
Məhdud resurslar uğurunda növdaxili rəqabətin tənzimləyici rolu kifayət qədər
öyrənilmişdir.Leşlə qidalanan milçəklərin cəsədə qoyduğu külli miqdarda
yumurtalardan çoxlu sayda sürfə çıxır ki,bunların da hamısına qida çatışmır və