34
DEKABR. 2012. № 13
www.uluturk.info
Azərbaycan ərazilərinə nəzarəti ələ keçirməsi ilə
faktiki olaraq qurulmuş olan Hürrəmilər dövlə-
tinin ideya əsasları əsasən İslami yönümlü olsa
da, ortodoksal İslama yox, heterodoks İslama
mənsub olmaqla Abbasi sarayının rəsmi
məzhəbi olan Mötəziliyyəyə qarşı idi. Bu
dövlətdə şəriət qanunları dövlətin idarə olun-
masında heç də mühüm rola malik deyildi / Ab-
dülkahir el-Bağdadi, “Mezhepler arasındaki
farklar” (El-Fark Beynel-Fırak), Ankara,
Türkiye Diyanet Vakfı Yayınları, 2005./. Bunu
isbatlayacaq kifayət qədər fakt tərəfimizdən
“Babək və Hürrəmilik: yalanlar və gerçəklər”
adlı kitabda sadalanmışdır / Ceyhun Bayramlı,
“Babək və hürrəmilik” (yalanlar və gerçəklər),
Bakı, Kitab Aləmi, 2011./. Bu gün ortaya daha
bir məntiqi sual çıxmaqdadır: Hürrəmilər dövlə-
tini tarixdə ilk Türk-müsəlman dövləti olaraq
qəbul edə bilərikmi və bunun üçün əldə hansı
ciddi əsaslar vardır?
İlk əvvəl onu bildirək ki, tarix elmində ilk
Türk-İslam dövləti olaraq Qaraxanlılar dövlə-
tinin qəbul edilməsi fikri yanlışdır. Çünki bun-
dan çox-çox əvvəl İslam xilafətinin təsir
dairəsində olan torpaqlarda Türk sülalələrinin
qurmuş olduqları dövlət qurumlarının mövcud-
luğu faktı vardır. Bu sırada Azərbaycanda IX
əsrin II yarısından etibarən siyasi səhnəyə
çıxmış olan Sacoğulları (Sacilər) dövlətini xatır-
lamaq kifayət edər. Lakin Hürrəmilər
hərəkatının 816-cı ildən etibarən yenidən vüsət
alaraq genişlənməsi və qarşısıalınmaz qüvvəyə
çevrilməsi ilə İslam coğrafiyasında müstəqil bir
dövlət qurulmuşdur ki, bu faktı isbatlayacaq
dəlillərdən bəzilərini bundan əvvəl qeyd etdik.
Bu dövlətin təməl prinsiplərinin Hürrəmilər
hərəkatının və cərəyanının ideya prinsipləri ilə
eyniyyət təşkil etməsi aydındır və heç bir şübhə
doğurmur. O zaman Hürrəmilər hərəkatının
ideyalarında ən ümdə yeri tutan prinsiplərin
milli təşəkkül, Türk özünüdərki və İslam
imanından ibarət olmasını təsdiqləyə biləcək
faktları da demək lazımdır ki, Hürrəmilər dövlə-
tinin təməl prinsiplərinin Türk-İslam sintezinə
əsaslanması tezisinin ciddi əsaslara malik olması
üzə çıxsın.
1.Hürrəmilərin milliyyətçi dünyagörüşünə
sahib olmalarını təsdiqləyən faktlar çoxdur,
lakin bunun ən bariz nümunəsinə İbn Vazeh
Yəqubinin “Tarixi-Yəqubi” əsərində rast gəlmək
mümkündür: “Sonra o, (xəlifə əl-Məmun
nəzərdə tutulur – C.B.) Hatim ibn Hərsəmə ibn
Əyunu Ərminiyyəyə vali təyin edir. O, ölkəyə
gəlir və mütəzililərlə ifrat milliyyətçilər
arasında qalmış olur. Onlar bir-biri ilə elə vu-
ruşurlar ki, az qala məhv olacaqdılar, sonra
barışırlar. Hatim ibn Hərsəmə elə bir neçə gün
ölkədə qalmışdı ki, ona atası Hərsəmənin ölüm
xəbəri və onun necə şəraitdə ölməsi çatır” / Orta
əsr ərəb mənbələrində Azərbaycan tarixinə aid
materiallar, Bakı, “Nurlan”, 2005./. Burda söh-
bət xilafət dövründə “Ərminiyyə” adlandırılan
Quzey Azərbaycan torpaqlarında xəlifə Məmun
dövründə hakim mötəziliyyə cərəyanının tərəf-
darları ilə onlara qarşı etiraz çıxışları edən ifrat
milliyyətçilərin olduqca sərt qarşıdurmasından
gedir. İfrat milliyyətçi adlanan cinahın mənsub-
larının məhz Hürrəmilərdən ibarət olması tarix
yazarlarının qeydlərindən də aydın görün-
məkdədir. Əks təqdirdə bu cinahın mənsubları
Hürrəmilərdən ayrı bir qüvvə olaraq daha ətraflı
və məxsusi olaraq qeyd olunardı, İbn Vazeh
Yəqubi isə öz əsərində 212-ci hicri ilində (827-
828-ci illərdə) baş verən hadisələrə və Hür-
rəmilərin fəaliyyətinə toxunarkən bu hadisəni
qeyd edir. Deməli, Hürrəmilər məhz Azərbay-
canın milliyyətçi qüvvələri idi ki, bölgəyə
nəzarəti əllərinə keçirmiş, Abbasi ordularını ard-
ardına məğlub etmiş, müstəqil dövlət qurmuş-
dular.
Babək başda olmaqla Hürrəmilərin İslam
inancına sahib olmaları və imanlı müsəlmanlar
olaraq da İslam adından sui-istifadə edən xilafət
sarayının zülmünə qarşı cihad etmələri ilə bağlı
faktlar müxtəlif mənbə məlumatlarına istinad
edilməklə “Babək və hürrəmilik: yalanlar və
gerçəklər” adlı kitabımda sadalanmışdır. Hür-
rəmilərin məhz heterodoks İslamın bir qolu
olduqları sözügedən faktlarla öz təsdiqini tap-
maqdadır. Azərbaycan tarixində bu cür Türk
Ceyhun Bayramlı
35
DEKABR. 2012. № 13
www.uluturk.info
milli özünüdərk məfkurəsinə əsaslanan və İs-
lamın heterodoksal yönümünə uyğun prinsiplərə
dayanan dövlət qurulması hadisəsinə Hür-
rəmilərdən təxminən yeddi əsr sonra – Səfəvi
Qızılbaş dövlətinin qurulması dönəmində də rast
gəlinmişdir, bu üzdən Hürrəmilər dövlətinin ide-
oloji tərəflərini dəqiq müəyyən etmək üçün onu
sonrakı dövrlərlə də müqayisə etmək və paralel-
lər aparmaq lazım gəlir. Azərbaycan Səfəvi
Qızılbaş dövlətinin təməl prinsiplərinin özülü
hələ bu dövlət qurulmamışdan əvvəl – Qızıl-
başların mürşidi Şeyx Cüneydin və oğlu Şeyx
Heydərin zamanında qoyulmuşdu. Şeyx Hey-
dərin təliminin Hürrəmilik ideyaları ilə nə
dərəcədə bağlı olub-olmadığını isə müxtəlif
mənbələrdən bilmək olar. Bu mənbə məlumat-
larından birini bu yazıda xatırlamaq, zənnimcə,
məsələyə aydınlıq gətirməyə kömək edər.
Fəzlullah ibn Ruzbehxanın fikrincə, “Şeyx
Heydər öz müridlərinə Babəkin dini qayda-qa-
nunlarını təbliğ edirdi” /Ziya Bünyadov,
“Azər-
baycan VII-IX əsrlərdə”, Bakı,
“Şərq-Qərb”,
2007./. Buradan belə bir nəticə hasil edə bilərik
ki, Şeyx Heydər oğlu Şah İsmayılın qurduğu
Səfəvi Qızılbaş dövləti öz dini-ideya məzmu-
nuna görə məhz Babəkin qurmuş olduğu Hür-
rəmilər dövlətinin məntiqi davamı olmaqla onun
təməl prinsipləri ilə eyniyyət təşkil edirdi.
Yuxarıda sadalanan tarixi mənbə məlumatları
və bir sıra tarixi faktlar onu söyləməyə əsas verir
ki, Babək Abbasilərin yürütdüyü siyasətə qarşı
milli-azadlıq hərəkatının öndəri olmaqdan əlavə,
həmçinin, bu hərəkatın nəticəsi kimi bölgədə or-
taya çıxmış, Türk-İslam düşüncəsinə əsaslanan
müstəqil Hürrəmilər dövlətinin də hökmdarı ol-
muşdur. Mənbə müəllifləri bu dövlətin ismini o
səbəbdən öz əsərlərində qeyd etməmişlər ki, iqti-
darda olan işğalçı Abbasi xanədanı mənsubları
bunu yazmağı qadağan etmişlər. Sonrakı yüzil-
liklərin tarix yazarları isə Babəkin başçılıq etdiyi
Hürrəmilər hərəkatı və Hürrəmilər dövləti barədə
yazdıqları qeydlərdə özlərinə əziyyət vermədən,
sadəcə olaraq özlərindən əvvəlki dövrlərin saray
tarixçilərinin qərəzli məlumatlarına istinad et-
məyi daha doğru hesab etmişlər.
Babəkin hökmdarı olduğu Hürrəmilər dövləti
barədə ilk növbədə bunları demək olar ki, bu
dövlət Azərbaycan Türklərinin 816-cı ildə
yenidən baş qaldıran milli-azadlıq hərəkatının
məntiqi nəticəsi kimi təxminən 820-ci ildə mey-
dana çıxmışdır. Azərbaycan Hürrəmilər dövlə-
tinin banisi olan Babək Hürrəminin konkret
ərazilərdə idarəetmə sisteminə malik olması
bunu söyləməyə əsas verir. Hürrəmilər dövlətinin
təməlində dayanan ideoloji prinsiplər Türklük və
heterodoks İslam düşüncəsi idi, dövlət şəriət qa-
nunları ilə idarə olunmurdu. Qonşuları Xəzər
xaqanlığı ilə Bizans imperiyasının tənəzzül
dövrünə təsadüf edən Hürrəmilər dövləti mövcud
olduğu 22 il ərzində İslam dini adı altında İslama
tamamilə zidd mövqe tutan və ərəb imperializmi
düşüncəsi ilə işğal siyasəti yürüdən Abbasilər
dövlətinin davamlı təhdid və müdaxiləsi ilə baş-
başa qalmış, özünümüdafiə məqsədilə bu işğalçı
dövlətlə arasıkəsilmədən müharibələr aparmalı
olmuşdur. Bu müharibələr zamanı Azərbaycan
Hürrəmilər dövlətinin orduları hökmdar Babəkin
başçılığı altında uzun müddət nəinki vətən tor-
paqlarını yadellilərin təcavüzündən qorumuş,
hətta Abbasilər xilafətinin bir sıra digər əraziləri
(Xorasan, İsfahan, Təbəristan və s.) üzərində
nəzarəti zaman-zaman ələ keçirmişdir.
Bir sıra tarixçilərimiz ilk Türk-İslam dövlətinin
Volqa Bulqarlarının dövləti olması fikrini
müdafiə etməkdədir. Bu fikirdə az da olsa,
həqiqət payı vardır. Lakin onu nəzərə almaq
lazımdır ki, Volqa Bulqarlarının dövləti
yaranışında İslam inancına söykənməmişdi, son-
radan İslam dinini qəbul etməklə öz təməl prin-
siplərində dəyişiklik etmişdi. Babəkin qurucusu
olduğu Hürrəmilər dövləti isə məhz Türklük və
İslam düşüncəsi üzərində qurulmuş dövlət idi, bu
baxımdan Hürrəmilər dövlətini çəkinmədən ilk
Türk-müsəlman dövləti olaraq qəbul etmək
mümkündür. İnanmaq olar ki, bu səmtdə aparıla-
caq gələcək tədqiqatlar Hürrəmilər dövləti ilə
bağlı daha qaranlıq məqamları üzə çıxarmaqla
yanaşı, onun Türklük və İslam prinsipləri
üzərində bərqərar olması fikrini də möhkəm-
ləndirəcəkdir.
Bir daha Babəkin Türk-müsəlman hökmdarı olması barədə