372
Əsrin şairi IX
Naxçıvana gəlməsini Naxçıvanın maarifçilk tarixində yeni
mərhələ hesab edir. Naxçıvan cəhalət uyqusundan diskinməyə bir
ehtiyac duyarkən, maarif dairəsinə girmək istərkən görkəmli
maarif xadimi və pedaqoq Sidqi şəhərdə “Məktəbi-tərbiyə” adlı
məktəb təsis edir. Naxçıvanda maarifçilik işləri genişlənir. Cavid
mollaxanadan qaçıb onun məktəbinə gəlir. Atası Hacı Molla
Abdullanın proqramı ilə oxumaq istəmir. Çox–çox sonralar
Qurbanəli bəyə yazdığı bir məktubda bunu açıq–aydın bildirir və
yazır: “... Bən də atamın proqramı ilə böyüsəydim, şimdu kim
bilir nə məsləkdəyidim? Sidqinin məktəbinə, İstanbula [İstan-
bulda ali təhsil almağa] bəni təşviq edən siz “[Qurbanəli
Şərifzadə] oldunuz”. [2, 71]
Naxçıvanda maarifçilik hərəkatı Sidqinin başçılığı ilə
başlanır və bütün bunlar Cavidin gözləri qarşısında baş verir.
Cəlil Məmmədquluzadə “Şərqi-Rus” qəzetində dərc etdirdiyi bir
məqalədə yazırdı: “Sidqinin vətənimizə [Naxçıvana] varid olmağı
şəhərimizin mədəniyyət və maarif tarixi üçün mühüm fəqərə
oldu... Gözəl-gözəl xasiyyətlər Sidqinin Naxçıvanda zərbi-məsəl
etmişdir. O hörmət və məhəbbət ki, camaatımız mərhuma
göstərirdi, indiyə qədər heç bir şəxsə göstərilməyib”. [3, 21]
Bir neçə söz Sidqi və Cavid haqqında. Sidqi Cavidin müəl-
limi, Cavid Sidqinin sevimli və çalışqan şagirdi olmuşdur.
Sonralar o, müəlliminin pedaqoji fəaliyyətini yüksək qiymətlən-
dirmiş, haqqında gözəl fikirlər söyləmiş, onun təlim və tərbi-
yəsini, vəsiyyətlərini özünə həyat yolu seçmiş və barəsində
yazmışdır: “Sidqi vətənpərvər idi, həmiyyətli idi, məslək sahibi
idi, millətini sevərdi. Hər addım başında məşhur Napolyonun
(dünyada olmaz olmaz) düsturi-cəsurəsini sərməşq ittixaz edil-
mişdi. Öyrənmək, bilmək, dev addımları ilə irəliləmək, əfkari-mil-
liyəyi aydınlatmaq ən birinci məqsəd sayılırdı. Bu hal beş-altı ilə
qadar dəvam etdi. Sonra zavallı Sidqi getdi [vəfat etdi], məktəbin
məktəbliyi də onunla bərabər bitdi”. [4, 190]
Sidqi 1904-cü ildə vəfat edir. O zaman Cavid Urmiyada idi.
373
İsgəndər Atilla
Müəlliminin vəfatını eşidən şair buna çox kədərlənir. Vəfatı
münasibətilə “Şərqi-Rus” qəzetinə bir nekroloq göndərir.
Ölümünə matəm şeiri yazır. Həmin şeirdən bir neçə misraya nə-
zər salaq.
Dünyadan köçüb getdi hörmətli böyük Sidqi!
Min təəssüf ki, bizdən belə şəxsiyyət getdi!
Yazaraq nəşr etdiyi maarif yayımilə
Həyat verdi xalqına, qaranlıqdan çıxartdı.
Həyatdan məhrum olub, fəna həbsində yatdı.
Onun vəfatı ilə yenə cəhalət artdı. [5]
Cavid Sidqinin məktəbini bitirdikdən sonra bir neçə ilə
Cənubi Azərbaycanın Təbriz və Urmiya şəhərlərində yaşamalı
olur. Müəllimi ilə əlaqəni kəsmir. Fars dilində ona beş məktub
yazır. Həmin məktublar 1985-ci ildə Cavid əsərlərinə daxil edi-
lərək işıq üzü görür. Məktublar şagirdlə müəllim arasındakı
münasibətləri öyrənmək baxımından əhəmiyyətlidir. Onlarda
şairə məxsus yumor, müəlliminə böyük hörmət və məhəbbəti
diqqəti cəlb edir. Görün o məktubda müəlliminə necə sözlər və
ifadələrlə müraciət edir: “Müəllim cənabları”, “yüksək cənabı-
nızın nəzərinə”, “şagirdlərə qayğıkeşlik böyüklüyü əskiltməz”,
“böyük ustad və cəlallı atamız”, “yüksək mərtəbəli, hörmətli
böyüyüm Məşədi Tağı Sidqi”, “ruhum sizə qurban olsun”,
“hörmətli ağa, izzətli başçı”, “Allah Sidqinin yüksək mərhəmətini
əbədi etsin” və s. və i.a. Özünü müəlliminin “fani və sədaqətli
kiçiyi”, “qiymətsiz qulu”... hesab edir. Mən Azərbaycan pedaqoji
fikir tarixində öz müəlliminə bu cür yüksək qiymət verən,
haqqında son dərəcə səmimi və dəyərli sözlər deyən, müəllimini
öz atası qədər və bəlkə də ondan artıq əziz tutan ... ikinci bir şəxs
tanımıram. Hacı Mola Abdulla Sidqini təsadüfən “Müəllimlərin
müəllimi” adlandırmırdı. Cavid görün ona nə yazırdı? “Düzgün
yol izləyənlərə, Sizə [Sidqiyə] və Sizinlə olanlara salam gön-
dərirəm”.
374
Əsrin şairi IX
- Şagirdinəm mən hər zaman diləyirəm,
O şən dodaqlarından bir təbəssüm öyrənəm.
Cavidin biliklərə dərindən yiyələnməsində, əxlaqlı və tər-
biyəli böyüməsində, şair kimi yetişməsində, dünyagörüşünün
formalaşmasında Sidqi əfəndinin böyük rolu olmuşdur. Şair bunu
yüksək qiymətləndirmiş, ömrü boyu ona minnətdar olmuşdur.
Sidqinin vəfatından sonra Naxçıvanda məktəbdarlıq sahə-
sində nələr baş verir? Cavid bu suala ürək ağrısı ilə cavab verir.
Sidqinin məktəbi qapanmır. Lakin o əvvəliki məktəb olmur. Şairin
yazdığına görə, məktəb nə zərər verir, nə xeyir gətirir. “Zira
qapansa idi, gözəl bir təhəssür, həzin bir arzu ruhu oqşar idi,
insanı məşğul edərdi”. Məktəbin pis vəziyyəytə düşməsi, “uyğun-
suz yaşaması” xalqa böyük dərd olur. Cavid yazır: “Məktəbdə
əvvəldən hökmət barmağı var idi. Fəqət Sidqi dövründə əsla əl
vurulmadı. O zavallı sönər-sönməz istibdadın qara bulutları hər
tərəfdən məktəbin üzərinə çökməyə başladı. İş büsbütün
dəyişdi”. [4, 191]
Sidqidən sonra Naxçıvan məktəbdarlığında bir boşluq
yaranır. Hücrələrdə üsuli-cədid (yeni üsullu) məktəblər təşkil
edilsə də, onlar Sidqinin təsis etdiyi məktəblər deyildi. Şairin
yazdığına görə, Naxçıvanda məktəblərin bu hala düşməsində rus
hökumətinin barmağı var idi.
Sidqinin vəfatından sonra hökumət məktəbləri öz əlinə alır.
Naxçıvanda городской məktəblər təşkil edilir. Həmin məktəb-
lərdə təhsil rus dilində aparılır. Lakin həmin təhsil ocaqları milli
məktəblərin yerini vermir. Qorodskoy məktəblərin təşkilində
məqsəd nə idi? Kimlər həmin məktəbdə oxumalı idi? Cavid
həmin suallara yeri gəldikcə cavab verir və elm haqqında yazır:
“... Elm hər dildə birdir. Elmdə təəssüf yoqdur. Ancaq bir para
şərtlər vardır ki, nəzəri-diqqətə almaq faydasız olmaz... ”
Şair həmin nəzəri–diqqəti incələyir və ibtidai məktəblərin
qarşısında duran məqsəd və vəzifələri birinci növbədə şagirdlərə
Dostları ilə paylaş: |