21
İsgəndər Atilla
Qüruba qarşı dəniz səhneyi-lətafət olur,
Qüruba qarşı dəniz başqa bir qiyamət olur.
“Dəniz tamaşası” şeirinə illüstrasiya
(Rəssam Oqtay Sadıqzadə)
22
Əsrin şairi IX
1.4. Urmiyadan Məşədi Tağı Sidqiyə yazdığı
məktublardakı şeirlər barəsində bir neçə söz
O, Sidqinin məktəbini bitirdikdən
sonra təhsilini davam etdirmək üçün ilk
öncə Təbrizə, sonra Urmiyaya gedir. Həmin
şəhərlərdə yaşayarkən şeirlərini yerli mət-
buatda çap etdirir. Ancaq mən burada şairin
həmin şeirlərindən deyil, məktublarındakı
şeirlərindən bəhs edəcəyəm.
Cavid 1900-cü ildə artıq çoxdan şair
olmağa qərar vermişdi. Müxtəlif mövzu-
larda bir sıra şeirlər yazmışdı. Onun ilk
qələm məhsullarından şairliyə böyük maraq göstərməsini, fitri
istedada malik olmasını aydın görmək və duymaq olardı. Aylar
və illər keçdikcə o, püxtələşir, bir şair kimi formalaşırdı. 1904-
1905-ci illərdən əsl şair kimi şeir-sənət meydanına atıldı.
Şair 1906-cı ildə “İrşad” qəzetində “Növhə” müxəmməsini
çap etdirərkən onun 23-24 yaşı var idi. 17 bənddən, 85 misradan
ibarət olan şeiri oxuduqca, şairin bu yaşda olmasına inanmırsan.
Düşünürsən ki, o, uzun illərdir ki, şeir-sənət aləmində qələm çalır.
Sanki şeiri 23-24 yaşlı şair deyil, 45-50 yaşlı şair yazmışdır. Bu da
Cavidin nə dərəcədə böyük fitri istedada malik olmasından xəbər
verir.
O, 1903-1904-cü illərdə Urmiyadan Sidqiyə farsca yazdığı
məktublarda,
*
yeri gəldikcə, şeir parçalarından istifadə etmişdir.
Şeirlərində böyük müəlliminə hörmət, sevgi və məhəbbəti öz
bədii ifadəsini tapmışdır. Şeir parçaları müxtəlif məqsəd və
səbəblə yazılmışdır. Məsələn, şair birinci məktubunda elə ilk
*
H
əmin məktubları farscadan Azərbaycan türkcəsinə İsmayıl Şəms tərcümə
etmişdir. İstər Urmiyadan, istərsə də İstanbuldan göndərilən məktubların
t
ərcüməsində müəyyən ixtisar və təhriflərə yol verilmişdir.
23
İsgəndər Atilla
cümlələrdən müəllimi Məşədi Tağı Sidqiyə həm sevgi və
məhəbbətini, həm də giley-güzarını, ona salam çatdırmağa layiq
olmadığını bildirmişdir. Müəlliminin məhəbbətli məktubu onu
göylərə qaldırmış, duaçılarını başı uca etmişdir.
Rəhmli, böyük kimsədən alsanız salam,
Layiq deyiləm mən Sizə salamımı çatdıram.
Mən kiməm ki, yol tapım o mərhəmətli könlünə,
Başımın tacı – ayaq torpağın, gözümün lütfünə.
Mərhəmətli məktubun məni göylərə yüksəltdi,
Duaçıların içrə bir daha başuca etdi.
Şair Cəlallı atası və sevimli müəllimi Sidqidən neçə müd-
dətdir ki, cavab gözləyir. Lakin cavab yubanır və bu səbəbdən
həssas şair çox narahat olur və müəllimindən gileylənir:
“Bilmirəm səbəbi nədir? Buna bais kimdir? Böyüklər az biliklilərə
etinasız olurlarmı?” deyə ona suallar ünvanlayır. “Şagirdlərə
qayğıgeşlik böyüklüyü əskiltməz. Süleyman
*
o cəlalı ilə qarışqanı
belə nəzərdən qaçırmazdı.” yazan şair, fikrini daha obrazlı ifadə
etmək üçün şeirə müraciət edir:
- Doğru deyil ki, ürəkdən ürəyə yol gedər.
Ürəyim qüssədən yanır, ürəyində yox heç bir xəbər.
Gerçəkdən qürbət bir məmləkətdə şairin ürəyi qüssə alov-
larında od tutub yanır. Ürəyində müəlliminin camalını görməyə
olan şövqü bir ürəyi, bir də özü bilən şair yanan ürəyini söndür-
mək, dərdini müəllimilə bölüşmək istəyir.
Didarını görməyə ürəyimdə olan şövqü,
Ürəyim bilir, mən bilirəm, bir də bilir ürəyim.
Şair “ürəyim” sözünü təsadüfən üç dəfə təkrar etmir. Çünki
ürək daha həssadır, çox uzaqda olan, səsi-ünü yetməyən Sidqini
*
Süleyman peyğəmbər.
24
Əsrin şairi IX
sanki o görür, duyur, hiss edir. Müəlliminə ən böyük rəğbət və
məhəbbəti ürəyində daşıyan şairin şeirlərindən Urmiyada
keçirdiyi iztirab, hiss, həyəcan, düşüncə və narahatlığı aydın
duymaq olar. Şagirdlə müəllim arasında olan dostluğu, ülfəti,
mehribançılığı və münasibəti öyrənmək mümkündür. Şagirdin
müəlliminə söz deməyə ərki çatır. O, bundan şəkinmir, o, buna
cəsarət edir.
İstəmədi bizi qəlbin sevmədi, bilməm neçin sevmədi.
Bizə qəlbin yanmadı, bilmirəm neçin yanmadı.
Həssas və narahat şair ürəyindəki hiss və düşüncələri ağ
kağız üzərinə köçürür. Göz xəstəliyinin rədd olub getməsinə
sevinir. Həddindən artıq nigarançılıq içində müəllimindən
məktubuna cavab gözləyir. Sidqinin atası Məşədi Səfər babaya
salam göndərməyi unutmur. Onun şagirdi olması ilə öyünür, fəxr
edir.
Şagirdinəm mən hər zaman diləyirəm,
O şən dodaqlarından bir təbəssüm öyrənəm.
Şair müəlliminin dodaqlarından çox şey öyrənmişdi. Şeir və
sənətin sirlərindən xəbərdar olmuşdu. Bunun üçün özünü xoşbəxt
sayırdı. Böyük ustad və cəlallı atasının sağlam olmasını arzula-
yırdı. Özünü onun fani və sədaqətli kiçiyi hesab edirdi. Bununla
belə, o, müəllimindən, mənəvi atasından gileylənirdi də.
Var mənim çoxlu gileyim səndən,
Bilməm nə şikayət edim səndən.
Səbəbi bu idi ki, çoxdan göndərdiyi məktubu Sidqi
almamışdı və buna görə də onu məktubunda tənbeh etmişdi.
Cavid müəlliminə məktub yazdığı illərdə onun 21-22 yaşı
var idi. Gənc istedadlı şair artıq həyatın, taleyin, qürbətin,
məşəqqətin nə olduğunu yaxşı bilirdi. O, ilk dəfə 1904-cü ildə öz
Dostları ilə paylaş: |