2.5.1.
Taxılyığan kombaynın işçi hissələrinin
yararlılığına nəzarət
Yadda saxlayın!
CLASS MEQA 350 taxılyığan
kombaynların istifadəsindən əvvəl onun biçən
aparatı, şnek, maili kamera, döyən aparat, dən və
sünbül elevatorları və şnekləri, dən təmizləyici qurğu
və s. hissələrin işə yararlılığı yoxlanılmalıdır (Şəkil
2.23).
Biçən aparatın seqmentləri və barmaqları yeni
və yararlı olmalıdır, qırılmış və əyilmiş seqmentlər və
barmaqlar yenisi ilə dəyişdirilməlidir.
Şəkil 2.23. Taxılyığan kombaynın işçi
hissələrinin yararlılığına nəzarət.
Baxış zaman aşkar edilən nizamsızlıqlar aradan qaldırılmalı və tənzimlənməlidir.
Taxılyığan kombaynın, cəhrəsinin fırlanma sürəti kombaynın sürətinə nəzərən
tənzimlənməlidir. Variatorların nizamlığı araşdırılmalıdır. Barabanın qayışlarının keyfiyyəti,
sazlığı yoxlanmalıdır.
Döyən aparatın barabanı üzərində olan qamçılı tamasaların vəziyyəti yoxlanmalıdır.
2.5.2.
Taxılyığan kombaynın hərəkət ötürücü
mexanizmlərinin tənzimlənməsi
Yadda saxlayın!
CLASS MEQA 350 taxılyığan
kombaynların istifadədən əvvəl bütün hərəkət
ötürücü mexanizmləri tənzimlənməli
və işə
hazırlanmalıdır (Şəkil 2.24).
Buraya dişli, zəncir, qayış ötürmələrinin
tənzimlənməsi daxildir.
Qayışların və zəncirlərin tarımlığı və keyfiyyəti
araşdırılmalıdır.
Şəkil 2.24. Taxılyığan kombaynın hərəkət
ötürücü mexanizmlərinin tənzimlənməsi.
Unutmayın!
Pambıqyığan kombaynın istismarından əvvəl pambığın sorulma dərəcəsinin
yoxlanılması kombaynın keyfiyyətli işinin təminatıdır.
Pambıqyığan kombaynın
istismardan əvvəl
pambıq sorucu boruların sorma qabiliyyətinin
nasazlığı yoxlanılır.
Borunun sorma aralığı pambığın sürətli
sorulma prosesinə maneçilik etməməlidir.
Yadda saxlayın!
Kənd təsərrüfatı texnikası
istismarından
əvvəl
yağlama,
bərkimələrin
dartılması və s. nizamlama işləri
reqlamentə müvafiq
qaydada aparılır (Şəkil 2.25).
Şəkil 2.25. Texnikanın bərpa və
tənzimlənməsi avadanlıqları.
41
Sərbəst iş üçün tapşırıqlar
1.
Rayonunuzda istifadə edilən yeni maşın və avadanlıqlardan istifadədən öncə nizamlama
işlərinin aparılması ilə tanış olun;
2.
Yaxınlıqdakı fermer təsərrüfatında traktorun asma mexanizmi və hidravlik sistemin
hissələrinin yoxlanılmasını yerinə yetirin;
3.
Traktorun akumlator batareyası, starter və generatorun işə yararlılığının yoxlanılmasını
elektrik çilingərinin köməyi
ilə yerinə yetirin;
4.
Traktorun hərəkət hissəsinin və dönmə mexanizminin tənzimlənməsində iştirak edin və
nəticə verin;
5.
Taxıl yığımı mövsümündə taxılyığan kombaynın biçən hissəsinin işçi elementlərinin
nizamlanmasında iştirak edin;
6.
Taxılyığan kombaynın döyən aparatının işçi hissələrinin
tənzimlənməsində iştirak edin;
7.
Pambıqyığan kombaynın yığan aparatlarının işçi hissələrinin tənzimlənməsində iştirak edin;
8.
Təsərrüfatların birində olan traktorun təkərlərində olan təzyiqin yoxlanmasında istifadə
etdiyiniz alətləri sadalayın.
9.
Rayonunuzdakı təsərrüfatların birində istifadə edilən hər hansı aqreqatın 1 saat ərzindəki
məhsuldarlığını müəyyən edin.
10.
Alınan nəticələri qrup yoldaşlarınızla birlikdə müzakirə edib müqayisə edin.
43
Praktiki tapşırıqlar və fəaliyyətlər
Fəaliyyət
Tapşırıqlar
1.
Traktorun starter qurğusunun işə
yararlılığının yoxlanılması.
•
İş paltarınızı geyinin.
•
Starterin işə yararlılığını yoxlamaq üçün voltmetri
götürün.
•
Təhlükəsizlik qaydalarına diqqət edin.
•
Akumlatordan starterə birləşmiş (+) klemanı tapın.
•
(+) klemasını voltmetrə qoşun və sistemdə gərginliyi
yoxlayın.
•
Dövrədəki gərginlik 12 V göstərməlidir.
•
Dövrədə gərginlik normada olduqda starter xırıltı səsi
verməlidir.
2.
Hidravlik
və elektrik sistemində
birləşmələrin yoxlanması.
•
İş paltarınızı geyinin.
•
Hidravlik sistemin yağ qabında yağın səviyyəsini
ölçün və ehtiyac olduqda yağ əlavə edin.
•
Yağ nasosunun, hidravlik paylayıcısının və qüvvə
silindrlərinin bir-biri ilə birləşmələrini yoxlayın və
yağ axmadığından əmin olun.
•
Akumlatorlar batareyasında mayenin səviyyəsini,
klemlərdəki gərginliyi və elektrolitin sıxlığını müvafiq
cihazlarla yoxlayın və normativ göstəricilərlə
müqayisə edin.
3.
Pambıqyığan kombaynın işə
yararlılığının yoxlanılması.
•
İş paltarınızı geyinin.
•
Pambıqyığan kombaynın qayışlarının tarımlığı və işçi
orqanların tənzimlənməsini kombaynın sönmüş
vəziyyətində aparın.
•
Pambıqyığan kombaynın işə yararlılığının
yoxlanmasında təhlükəsizlik qaydalarına diqqət edin.
•
Pambıqyığan kombaynın şpindelinin istismar zamanı
tənzimlənməsini xüsusi açar dəsti ilə yerinə yetirin.
•
Kombayn şpindelinin pambıq yığımı üçün
yararlılığını, şpindeldən pambığın rezin çıxarıcılarla
təmiz çıxarılmasını izləyin.
•
Yığılmış pambığın kombaynın bunkerindən traktor
qoşqusuna boşaldılması prosesində iştirak edin və
itkiləri qeydə alın.
•
Nəzarət üçün pambıqyığan kombaynın gedişindən
sonra yerə tökülmüş pambığı bir neçə metrdə
toplayın və yığımın keyfiyyətini mexanizatorla
birlikdə dəyərləndirin.
44