Praktiki tapşırıqlar və fəaliyyətlər
Fəaliyyət
Tapşırıqlar
1.
Traktorla toxum səpənin
aqreqatlaşması.
•
İş paltarınızı geyinin.
•
Aqreqat işə başlamazdan əvvəl
onun hidravlik
asma sistemini yoxlayın.
•
Aqreqatdan istifadə zamanı təhlükəsizlik
qaydalarına riayət edin.
•
Aqreqatın idarə edilməsində vəsiqəsi olan və iş
yerində xüsusi kurs keçmış mexanizatorun olması
vacibdir.
•
Aqreqat işlədikdə tarlada çalışanların xəsarət
almasına yol verilməməlidir.
•
Səpin aqreqatının işi zamanı toxumun basdırılma
dərinliyinə diqqət
yetirmək lazımdır.
•
Aqreqatın işi düzgün təşkil edilmədikdə səpin
əməliyyatı keyfiyyətlə
yerinə yetirilə bilməz.
2.
John Deere 9970 pambıqyığan
kombaynın işinin təşkili.
•
İş paltarınızı geyinin.
•
John Deere 9970 pambıqyığan kombayn ilə işə
başlamazdan əvvəl onun hidravlik, pnevmatik
sistemlərini yoxlayın.
•
Pambıqyığan kombayndan istifadə zamanı
təhlükəsizlik
qaydalarına riayət edin.
•
Pambıqyığan kombaynın idarə edilməsində vəsiqəsi
olan və pambıq tarlasında idarəetmə üzrə xüsusi
kurs keçmiş mexanizatorun olması vacibdir.
•
Pambıqyığan kombaynın yığıcı bölmələrinin
cərgəarası ilə uyğunluğunu sahənin kənarında
kombayn dayanmış vəziyyətdə olanda
müqayisə
edin.
•
Pambıqyığan kombayn işləmədiyi
vəziyyətdə
kombaynın kabinəsində sürücünün oturacağında
oturun, düzgünlüyünü təlimçi müəllimin iştirakı ilə
araşdırın.
67
3.
Traktor mühərriklərinin
nasazlıqlarının səsə görə müəyyən
edilməsi
•
İş paltarınızı geyinin.
•
Təsərrüfatda olan traktorun mühərrikini işə salın
və dirsəkli valda yeyilmənin olmasını səsinə görə
müəyyən edin.
•
Detonasiya haqqında təcrübəli mexanizatorların
fikirlərini öyrənin.
•
Detonasiyanın başvermə səbəbini
izah etməyə
çalışın.
•
Təsərrüfatda olan traktorun
mühərriki işləyə-işləyə
stetoskopun köməyi ilə xarakterik zonalara qulaq
asın və səsləri xarakterizə edin.
•
Porşenlərin qulaqasma zonasına stetoskopla qulaq
asın, eşitdiyiniz səsləri təsvir edin və porşenlərin
texniki vəziyyəti haqqında mülahizələrinizi qeyd
edin.
•
Dirsəkli valın boyunlarının qulaq asma zonasına
stetoskopla qulaq asın, eşitdiyiniz səsləri təsvir edin
və boyun içliklərinin texniki vəziyyəti haqqında
mülahizələrinizi qeyd edin.
4.
Su nasosuna, generatora, hava
kompressoruna hərəkət ötürücü
qayışların tarımlığının yoxlanması
və nizamlanması.
•
İş paltarınızı geyinin.
•
Təsərrüfatda olan traktorun
mühərrik bölməsini
açın.
•
Dəmir xətkeş, manometr, açarlar dəsti və s. lazım
olan cihaz və avadanlıqları tədarük edin.
•
Növbə ilə su nasosuna, generatora, hava
kompressoruna hərəkət ötürücü qayışların
tarımlığını yoxlayın və alınan rəqəmləri cədvəl
şəklində tərtib edin.
•
Alınmış tarımlıq göstəricilərini normativ
göstəricilərlə müqayisə edib fərqi müvafiq ayda
cədvələ qeyd edin.
•
Fərqə görə qayışların tarımlığı haqqında
mülahizələrinizi qeyd edin.
•
Lazım gələn qayışın tarımlığını nizamlamaq üçün
tarımlayıcı qasnağın bərkidici qaykanı zəiflədib,
qasnağı tələb edilən tərəfə lazımi qədər çəkin və bu
vəziyyətdə qasnağı bərkidin.
•
Təkrar yoxlama aparıb tarımlığı yoxlayın və ölçün,
normal tarımlıq əldə edilənədək işi davam etdirin.
•
Cədvəldə yerinə yetirilən işləri qeyd edib
müəlliminizə təqdim edin.
•
Alınan nəticələri qrup yoldaşlarınızla müqayisə və
müzakirə edin.
68