64
digər fərqli nöqteyi-nəzəri təsdiq və yaxud inkar etmək, çoxluğun
qərarını qəbul etmək, yaxud öz qərarının üstündə israr etmək və s.
xüsusiyyətlərin formalaşmasına bilavasitə kömək göstərməklə
təfəkkürün tənqidliyi, müstəqilliyi və çevikliyinə zəmin yaradır.
Rabitəli nitqin inkişafında interaktiv təlim metodundan istifadə
edilir. Uşaq bağçasında ana dili təlimi zamanı qarşıya qoyulmuş başlıca
vəzifələrdən biri də uşaqlara öz fikrini şifahi ifadə etməyi öyrətməkdir.
Təbii ki, bu təlimin digər vəzifələri ilə qarşılıqlı şəkildə həyata keçirilir.
Nitqin qabiliyyəti fikrin ardıcıl, məntiqi, dəqiq və məzmunlu olması ilə
xarakterizə edilir. O, hər şeydən əvvəl məntiqi düşüncə tərzinin nəticəsi
kimi meydana çıxır. Deməli, uşaqların rabitəli nitqinin inkişafı ilk
növbədə gerçəkliyi, hadisələr əsasında əlaqəni qavramaq və dil
normalarına yiyələnmək səviyyəsindən asılıdır. Kiçik yaşlı uşaqların
ümumi inkişafının göstəricilərindən biri kimi çıxış edən rabitəli nitq
məşğələlərində aşılanan əməli vərdişlər sistemidir. Ona ardıcıl,
məqsədyönlü praktik istiqamətdə nail olunması mövcud dərslikləri
məzmunlu, tərbiyəçilərin peşəkar səviyyəsi və təlim metodlarının
düzgün seçimi ilə sıx bağlıdır.
Çalışmaların böyük əksəriyyəti orfoqrafik leksik və qrammatik
məzmunlu rabitəsiz sözlər və cümlələr üzərində qurulmuşdur.
Çalışmalar elə düşünülməlidir ki, burada
mətni əks edən hissələrin
bərpası üzərində iş aparılsın. Hər halda mövcud dərsliklər qənaətbəxş
deyil. uşaqlar eşitdiklərini öz sözləri ilə ifadə edirsə, və ya müstəqil
mühakimə yürüdürsə, deməli mövzunu mənimsəmişdir. Uşaqların
rabitəli nitqinin inkişafını tərbiyəçi peşəkarlığı ilə əlaqələndiririk.
Tərbiyəçinin işi məşğələ qurması, uşaqları istiqamətləndirmə bacarığı,
nöqsanları aradan qaldıra bilər. Ancaq öz işini bilən məşğələnin
mərhələləri arasında düzgün əlaqə yaradan və təlim prosesində uşağı
müstəqil, sərbəst, yaradıcı işləməyi bacaran müəllim çox şeyə nail ola
bilər.
Tərbiyəçinin peşəkarlıq səviyyəsi dərslik və şagirdlə işləmək
bacarığı ilə yanaşı, müasir təlim metodlarına hansı səviyyədə bələdliliyi
ilə ölçülür.
Qabaqcıl təcrübə göstərir ki, şagird fəallığı, müstəqilliyi əsasında
tərtib edilən bu metodlar onların bir-biri ilə qarşılıqlı əlaqədə olan
təfəkkür və nitq qabiliyyətinin inkişafına yönəlmişdir.
Müasir məşğələ inkişafetdirici olmalıdır. O ümumən uşaq
dünyagörüşünün zənginləşməsi ilə yanaşı həyat üçün lazım olan praktik
vərdişlərin formalaşmasına xidmət etməlidir. Bu baxımdan təlim
65
metodlarına real münasibət prof. Y.Kərimov belə bir nəticəyə gəlir…
təlim metodu tərbiyəçi və uşaqların birgə fəaliyyətinin, uşaqların
bacarıq və vərdişlərinin, dünyagörüşünün formalaşması, qabiliyyətlərin
inkişafını, həyata hazırlanmasını təmin edən yollardır.
Beləliklə, fəal təlim metodları dedikdə, uşaqları təlim prosesinə
tam hüquqlu iştirakçısına subyektinə çevrilən və onlarda müstəqilliyə,
yaradıcılığa, qarşılıqlı ünsiyyətə böyük maraq yaradan praktik yollar
nəzərdə tutulur. Bu yollar içərisində fəallaşdırma məşqi, rollu oyunlar,
əqli hücum, sorğu vərəqi, cütlər və qruplar, zəncirvari hekayə və
şəkillər, müzakirə xarakterli detallar və s. hazırda təlim prosesinə
sürətlə
daxil olmaqdadır. Etiraf etmək lazımdır ki, ilk mərhələdə bu iş
üsullarının çoxu bəzi tərbiyəçilər tərəfindən formal mənimsənilərək
konkret məşğələnin qarşısında qoyulmuş məqsədlərlə əlaqələndirilmirdi.
Bu qorxulu tendensiya formalizmə aparıb çıxarır. Ancaq yaradıcı
tərbiyəçilərin iş təcrübəsi göstərir ki, fəal təlim metodlarından
məqsədyönlü istifadə məşğələni canlı, mütəşəkkil təşkil olunmuş bir
prosesə çevirir. Tərbiyəçinin yalnız istiqamətverici müdaxiləsi müşahidə
olunan belə məşğələlər eyni zamanda uşaqların rabitəli nitqinin
inkişafında mühüm amil olur.
Təcrübəmə əsasən bir neçə nümunəni nəzərinizə çatdırmaq
istərdim. «Yaz gəlir» şeiri interaktiv təlim metodu ilə keçirilən
məşğələlər canlı keçir. məhz bu canlı proses uşaqların fəal işini təmin
edir, heç kəs məşğələyə biganə qalmır, hərə öz imkanı daxilində ümumi
nəticənin alınmasına kömək göstərir.
Rabitəli nitqin inkişafında fəal təlim metodlarından istifadənin
səmərəliliyi mübahisəsizdir. Lakin ona aludə olmağı düzgün saymıram.
Müəyyən hazırlıq aparılmadan, uşaqları müvafiq bilik və məlumatlarla
silahlandırmadan, əməli vərdişlərə yiyələndirmədən fəal təlim
metodlarından istifadə məzmunsuz bir formaya çevrilir. Fikirsiz mətn
söz yığımını xatırladır. Odur ki, fəal təlim metodları məqsədyönlü tətbiq
edilmişdir. Biz tərbiyəçilər unutmamalıyıq ki, interaktiv təlim metodu
nə qədər yeni bir sahədirsə, bir o qədər də vacib və aktualdır. Odur ki,
mən interaktiv təlim metodlarından istifadə təlimin keyfiyyətinin
yüksəldilməsinin mühüm vasitəsi olduğunu bir daha açıqlamaq
istəyirəm.
Biz uşağı gələcək həyata hazırlamaqla kifayətlənməməli, onun bu
gününün, uşaqlıq, yeniyetməlik və gənclik illərinin maraqlı qurulmasına
çalışmalı, uşaqlarla münasibətdə ayrı-seçkiliyə yol verilməməli, onların
öz rəylərini sərbəst ifadə etmələrinə, ideyalar vermələrinə şərait