71
YENĠ PEDAQOJĠ TƏFƏKKÜRƏ ƏSASLANAN
ĠNTERAKTĠV METODLARIN TƏTBĠQĠ TƏCRÜBƏSĠNDƏN
ĠSTĠFADƏ ETMƏ YOLLARI
Yeni
pedaqoji
təfəkkür
dedikdə,
ilk
təhsilin
demokratikləĢdirilməsi, differsiallaĢdırılması və
fərdiləĢdirilməsi
nəzərdə tutulur.
Pedaqoji kollektivlərin fəaliyyəti bilavasitə uşaqların mənafeyinə
xidmət etmək istiqamətinə yönəldilmişdir. Biz pedaqoji işçilər çalışırıq
ki, gün ərzində uşaqların həyatını maraqlı, məzmunlu quraq, diqqətimizi
ilk növbədə onların intellektual və yaradıcı inkişafına, məntiqi
təfəkkürünün formalaşmasına, təhliletmə, ümumiləşmə aparma, əqli
nəticə çıxarma üzrə bacarıq və vərdişlərin təşəkkülünə yönəldək,
təfəkkürün maksimum dərəcədə inkişafını nəzərə alaq, təlim prosesini
onlar üçün tədqiqatçılıq, araşdırmalar sahəsinə təcrübə meydançasına
çevirək.
Uşaqların öz baxışlarını, rəylərini sərbəst və azad ifadə etmək
informasiya almaq, ideyalar vermək, çalışmaların inkişafı üçün təhlükə
törədə biləcək fəaliyyətdən kobud rəftardan, mənəvi və fiziki
zorakılıqdan qorunmaq və s. kimi hüquqları vardır. Bu hüquqlar «Uşaq
hüquqları haqqında» Azərbaycan Respublikasının qanununda təsbit
olunmuşdur. Biz də uşaqlara münasibətdə ayrı-seçkiliyə yol vermir,
uşaq hüquqlarına hörmətlə yanaşır, onların hüquqlarının qorunmasını
təmin etməyə çalışırıq. Yeni pedaqoji təfəkkürün məntiqi tələbi də məhz
ondan ibarətdir ki, hər cür tərbiyə təlim müəssisəsi hüquqi məkana
çevrilməli, orada qanunların aliliyi təmin olunmalıdır. Təlim-tərbiyə
prosesində biz mövcud təlim metodlarından mahiyyətcə əsaslı şəkildə
fərqlənən müasir, intensiv metodlardan geniş istifadə etməyə çalışırıq.
«İnteraktiv» termini dialoq qarşılıqlı əlaqədə fəaliyyət göstərmək kimi
72
izah olunur. İnteraktiv təlim metodlarının tətbiq edilməsi təlim prosesini
xeyli intensivləşdirir, onu hər bir uşaq üçün daha əhəmiyyətli və maraqlı
fəaliyyət sahəsinə çevirir, məşğələlərdə uşaq fəallığının maksimum
artırılmasına zəmin yaradır.
Təlim-tərbiyə prosesində bu metodların tətbiq edilməsi uşaqlarda
müstəqil düşünmək, sərbəst rəy söyləmək, hər hansı məsələ barədə
başqasının fikrinə münasibət bildirmək və s. xüsusiyyətlərinin
formalaşmasına bilavasitə kömək etmək təfəkkürün tənqidliyi,
müstəqilliyi, çevikliyinə zəmin yaradır.
Təlim-tərbiyə prosesində rollu-sujetli oyunlar, cütlər və qruplar,
əqli hücum, habelə suallar, ümumi diskusiya, rəsm etmə, şəkil və
fotoşəkillər, kollektiv təlim üsulu kimi interaktiv metodlardan istifadə
edirik.
Rollu-sujetli oyunlar uşaqlar tərəfindən böyük maraq və həvəslə
qarşılanıb. Bu oyunları keçirməkdə başlıca məqsədimiz uşaqlara tanış
olan hər hansı hadisənin, prosesin əyani canlandırması vasitəsi ilə
qanunauyğunluqların, səbəb-məqsəd əlaqələrinin daha dərindən dərk
edilməsinə kömək göstərməkdən ibarətdir. Rollu-sujetli oyunlardan
«Mağaza», «Poçt», «Məktəb», «Kitabxana», «Xəstəxana» kimi oyunları
uşaqlar böyük həvəslə oynayırlar.
«Xəstəxana» oyunu zamanı uşaqların həkim, onun vəzifəsi, işinin
nədən ibarət olması, xəstələrlə incə davranması haqqında olan bilik və
təsəvvürləri aşkar edilir. Bu oyuna belə bir yenilik, yaradıcılıq əlavə
etmək olar ki, həkimin xəstələrə yazdığı dərmanlar içərisində
«Qorxuqluq», «Hiyləgərlik», «Xəbərçilik» və s. əleyhinə dərmanlar
əlavə olunur.
Göründüyü kimi bu oyun vasitəsi ilə uşaqların həm həkimin işi
haqqında olan
biliklərini möhkəmləndirir, həm reseptlə dərmanın alınma