31
zaman həqiqi məlumatlardan və zəruri analitik metodlardan istifadəyə əsaslanır.
Beləliklə, müştərinin maraqlarına diqqət cəmiyyət qarşısında auditorun
müstəqillik, vicdanlılıq və obyektivlikdə təcəssüm olunan cəmiyyət qarşısında
auditorun borcunun yerinə yetirilməsinə mane olmamalıdır. Belə ikiqat məsuliyyət
həm müştəri, həm də cəmiyyət qarşısında yüksək səviyyədə etik dərketmə və dav-
ranış tələb edir.
Auditor müştəriyə qarşı mehriban və diqqətli olmalıdır. əlbəttə, takt və dip-
lоmatçılıq çox vacibdir, əsas məsələlər üzrə auditorun mövqeyi müştəriyə tam
aydın olmalıdır, heç bir peşəkar mütəxəssis özünün fikrini və nəticələrini
mehribаnçılıq hisslərinə tabe etməz və mehribançılıüa
görə özünün obyektiv fikrini
dəyişməz.
Peşəkarlıq və kompetentlik. Auditor xidmətlərinin göstərilməsi üçün auditor
lazımi səviyyədə səriştəyə, kompetentliyə, biliyə və vərdişlərə malik olmalıdır.
Peşəkar kompetentlik iki mərhələyə bölünür: peşəkar kompetentliyi əldə etmək və
peşəkar kompetentliyi lazımi səviyyədə saxlamaq. Peşəkar kompe-tentliyin əldə
olunması ali iqtisad və ya hüquqşünas təhsilinin, ixtisas üzrə 5 ildən az olmayaraq
təcrübənin və auditor fəaliyyəti göstərmək hüququ verən lisenziyanın olmasını nə-
zərdə tutur. Auditorların peşəkarlığının peşəsinin saxlanması audit üzrə təsdiq və
qəbul edilmiş qanunverici, normativ və təlimat materiallarının, norma və
standartların müntəzəm öyrənilməsi, eləcə də maliyyə, iqtisadi fəaliyyətin müxtəlif
məsələləri üzrə seminarlarda iştirak etməklə biliyin təkmilləşdirilməsini və
artırılmasını nəzərdə tutur.
Auditor təmiz imicə, yüksək iqtisadi və hüquqi hazırlığa malik olmalıdır. O,
özünün peşəsinə olan inama xələl gətirə biləcək bütün hərəkətlərdən çəkinməli,
belə hərəkətə yol verməməlidir. Belə hərəkətlərə aiddir:
müştərinin tələbi ilə mühasibat sənədlərini və uçot yazılarını qaytarmamaq
(hətta müştəri onun xidmətinin haqqını ödəməmişdirsə);
peşəkar fəaliyyətdə irqi, dini etiqad, cins və milliyyətinə görə fərqin qоyul-
mаsı;