12
2.11. Seçilmiş proforma maliyyə məlumatı. Seçilmiş proforma maliyyə məlumatının
emitentin fərziyyəyə əsaslanan vəziyyətinin təsvir edilməsi və buna görə də şirkətin
faktiki maliyyə göstəricilərini özündə əks etdirməməsi barədə qeyd:
Mövcud deyil.
2.12. Gəlir proqnozunun mövcud olduğu zaman bu barədə qeyd:
2018-ci ilin gəlir və xərc proqnozu
(min manat)
Faiz və gəlirlərin bu qəbildən olan növləri, cəmi
272,370
Faizlər və onlara bağlı xərclər, cəmi
(80,452)
Xalis faiz gəliri (zərəri)
191,918
Qeyri-faiz gəlirləri, cəmi
115,011
Qeyri-faiz xərcləri, cəmi
(158,272)
Əməliyyat mənfəəti (zərəri)
148,657
Aktivlər üzrə mümkün zərərlərin ödənilməsi üçün xüsusi ehtiyatın
yaradılmasına ayırmalar (xərclər), cəmi
(30,751)
Vergilər ödənilənədək mənfəət (zərər)
117,906
Mənfəətdən vergilər
(24,785)
Xalis mənfəət (zərər)
93,121
2.13. Audit edilmiş maliyyə məlumatlarına dair auditorun rəyinin qısa təsviri:
Emitentin 31 dekabr 2017-ci il tarixinə maliyyə vəziyyəti haqqında hesabatdan və həmin
tarixdə başa çatan il üzrə mənfəət və ya zərər, ümumi gəlir, kapitalda dəyişikliklər və pul
vəsaitlərinin hərəkəti haqqında hesabatlardan,habelə mühüm mühasibat uçotu prinsiplərinin
icmalı da daxil olmaqla maliyyə hesabatlarına dair qeydlərdən ibarət olan maliyyə
hesabatlarının auditi aparılmış və maliyyə hesabatlarının 31 dekabr 2017-ci il tarixinə bankın
maliyyə vəziyyətini və həmin tarixdə başa çatan il üzrə maliyyə nəticələrini və pul vəsaitlərinin
hərəkətini Maliyyə Hesabatlarının Beynəlxalq Standartlarına (bundan sonra – MHBS) uyğun
olaraq bütün əhəmiyyətli aspektlərində düzgün əks etdirdiyi təsdiq olunmuşdur.
2.14. Dövriyyə kapitalının emitentin cari ehtiyacları üçün kifayət etmədiyi təqdirdə tələb
olunan əlavə vəsaitlərin mənbələri barədə məlumat:
Dövriyyə kapitalı emitentin cari ehtiyacları üçün kifayət etmədiyi təqdirdə emitent
qanunvericilikdə nəzərdə tutulmuş bütün vasitələrdən istifadə etməklə hesablar üzrə və
əmanətlərə vəsaitlərin cəlb edilməsi, maliyyə və kapital bazarından kreditlərin cəlb edilməsi,
habelə qiymətli kağızların buraxılması və s. formada əlavə vəsaitləri cəlb etmək imkanına
malikdir.
3. Səhmlər haqqında məlumat
3.1. Səhmlərin növü: İmtiyazlı
sənədsiz adlı səhmlər.
3.2. Emitentin emissiya hesabında olan səhmlərinin sayı və nominal dəyəri. Emitentin
törəmə müəssisələrinə məxsus emitentin səhmlərinin sayı və nominal dəyəri:
- Emitentin emissiya hesabında olan səhmlərinin sayı və nominal dəyəri:
Mövcud deyil.
3.3. Səhmlərlə təsbit olunan hüquqlar:
13
– imtiyazlı səhmlərin bir buraxılışı daxilində hər biri eyni nominal dəyərli olmaqla onun
sahibinə eyni həcmdə hüquqlar verir;
– emitentin fəaliyyətinin nəticəsindən asılı olmayaraq, səhmin nominal dəyərinin sabit
faizi şəklində dividend almaq, Səhmdarların Ümumi Yığıncağının qərarları ilə səhmlər üzrə
dividendlər illik ödənilir;
– emitentin ləğvindən sonra qalan əmlakının bir hissəsini almaqda digər səhmdarlara
nisbətən üstünlük hüququ verir;
– səhmdar cəmiyyətinin yenidən təşkil edilməsi;
– səhmdar cəmiyyətinin ləğv edilməsi;
– səhmdara məxsus olan imtiyazlı səhm növü üzrə hüquqları məhdudlaşdıran dəyişiklik
və əlavələrin nizamnamədə edilməsi;
– Azərbaycan Respublikasının qanunvericiliyi ilə müəyyən edilmiş və emitentin
nizamnaməsində nəzərdə tutulan digər hüquqlar verir.
3.4. Səhmlərlə təsbit olunan məhdudiyyətlər: Mövcud deyil.
3.5. Səhmlərin tənzimlənən bazarda ticarətə buraxılması barədə emitent tərəfindən
müraciətin edilməsinin nəzərdə tutulub-tutulmaması barədə məlumat. Belə bir
müraciətin edilməsi nəzərdə tutulduğu halda səhmlərin ticarətə buraxılacağı
tənzimlənən bazar barədə məlumat və ticarətə buraxılmanın şərtləri:
Səhmlərin yerləşdirilməsi “Bakı Fond Birjası” QSC-nin (bundan sonra – Fond Birjası)
ticarət platformasında həyata keçirilir və alğı-satqı əqdləri Bakı Fond Birjası vasitəsi ilə
bağlanılır. Bununla bağlı müraciət maliyyə bazarlarına nəzarət orqanı tərəfindən bu səhmlərin
buraxılışının dövlət qeydiyyatı və emissiya prospekti təsdiq edildikdən sonra baş tutmalıdır.
İnvestisiya şirkəti vasitəsi ilə səhmlərə alğı-satqı əqdləri Azərbaycan Respublikasının
ərazisində Bakı Fond Birjasında bağlanılır.
Bakı Fond Birjasında səhmlərlə alğı-satqı əqdləri yalnız bu səhmlərin Bakı Fond
Birjasının daxili qaydalarına əsasən kütləvi ticarətə qəbulundan sonra həyata keçirilir.
3.6. Emitentin dividend siyasətinin təsviri:
Emitentin mənfəətinin bölüşdürülməsi nəticəsində dividendlərin ödənilməsi həyata
keçirilir. Dividend ödənilməsi Emitentin Səhmdarlarının Ümumi Yığıncağının Qərarına əsasən
və Maliyyə Bazarlarına Nəzarət Palatasının icazəsi ilə ödənilir.
İmtiyazlı səhm üzrə dividend səhmdar cəmiyyətinin təsərrüfat fəaliyyətinin nəticəsindən
asılı olmayaraq, imtiyazlı səhm sahiblərinə, bir qayda olaraq, səhmin nominal dəyərinin sabit
faizi şəklində ödənilən vəsaitdir.
4. Risk faktorları
4.1. Təklif olunan səhmlərlə əlaqəli bazar risklərini qiymətləndirmək üçün zəruri olan
risk faktorları aşağıdakılardır:
– Kredit riski – borcalanın öhdəliklərinin tam və ya qismən yerinə yetirilməməsi riski;
–
Faiz dərəcəsi riski – faiz dərəcəsinin əlverişsiz dəyişməsi nəticəsində yaranan itki riski;
–
Valyuta riski – valyuta məzənnələrində əlverişsiz dəyişikliklər nəticəsində yaranan itki
riski;
–
Likvidlik riski – planlaşdırılmış və gözlənilməyən öhdəliklərin vaxtında və effektiv
yerinə yetirilə bilməməsi, əlavə likvid vəsaitin əldə edilməməsi riski;