100
Ə d ə b i y y a t
Haşımbəyov Əliyar bəy Mehdi oğlu //Azərbaycan Xalq Cumhuriyyəti Ensiklopediyası: 2 cilddə.- Bakı: Lider, 2004.- C.1.- S.418.
Nəzirli, Ş. General-mayor Əliyar bəy Mehdi oğlu Haşımbəyov /Ş.Nəzirli //Nəzirli Ş. Arxivlərin sirri açılır.- Bakı: Elm, 1999.- S. 210-211.
Nəzirli, Ş. General-mayor Əliyar bəy Mehdi oğlu Haşımbəyov /Ş.Nəzirli //Nəzirli Ş. Güllələnmiş Azərbaycan generalları.- Bakı, 2006.-
S.74-75.
İ n t e r n e t d ə
www.anl.az
www.adam.az
www.az.wikipedia.org
www.azerbaijan.az
www.news.lent.az
MART
8
Əliyar bəy Haşımbəyov
1856-1920
Əliyar bəy Mehdi oğlu Haşımbəyov
1856-cı il mart ayının 8-də Bakı
şəhərində anadan olmuşdur. İlk təhsilini
Ədadiyə (realnı) məktəbində almış,
1871-ci ildə Tiflisdəki hərbi-piyada
məktəbinə daxil olmuş, çar ordusuna
xidmət etmişdir. Hərbi xidmətinin otu-
zuncu ilində - 1908-ci il dekabr ayının
6-da general-mayor kimi yüksək rütbəyə
layiq görülmüşdür. Əliyar bəy I Dünya
müharibəsində III Qafqaz araba-karvan
briqadasının komandiri olmuş, artille-
riya qoşunlarının piyada hissələrində
xidmətə başlamışdır.
1917-ci ildə istefaya çıxmış, 1918-
ci ildə Azərbaycan Milli Ordusunda
könüllü xidmətə başlamış, bir müddət
Azərbaycan Xalq Cümhuriyyətinin Da-
xili İşlər nazirinin müavini vəzifəsində
çalışmışdır. 1919-cu ildə Azərbaycan
Xalq Cümhiriyyətinin Hərbi İn-
tendant İdarəsinin rəisi vəzifəsində
xidmət göstərmiş, 1920-ci ildə Zaqa-
tala qəzasının general-qubernatoru,
Cənub-Qərbi Azərbaycanın general-
qubernatoru olmuşdur.
Azərbaycanda 1920-ci il 27-28 aprel
işğalından sonra təqib edilmiş, Sovet
hakimiyyətinin əsas cəza orqanların-
dan biri - XI ordunun Xüsusi şöbəsinin
rəisi, cəllad S.A.Pankratovun rəhbərlik
etdiyi Fövqəladə Komissiya (FK-
ÇK) tərəfindən həbs olunmuş, istintaq
işgəncələrinə məruz qalmışdır.
Əliyar bəy Haşımbəyov Azərbaycan
Xalq Cümhuriyyətinin bir qrup xadimi
sırasında Respublika Ali İnqilabi Tribu-
nalının (sədri Teymur Əliyev idi) hökmü
ilə 1920-ci il may ayının 29-da Nargin
adasında güllələnmişdir.
Ordudakı qüsursuz xidmətinə görə
1889-cu ildə üçüncü dərəcəli “Müqəddəs
Stanislav”, 1894-cü ildə üçüncü dərəcəli
“Müqəddəs Anna”, 1895-ci ildə ikinci
dərəcəli “Müqəddəs Stanislav”, 1898-ci
ildə ikinci dərəcəli “Müqəddəs Anna”,
1904-cü ildə “Müqəddəs Vladimir”
ordenləri ilə təltif olunmuşdur.
Siyasət.Hüquq.Hərbi iş
160
illiyi
Hərbi xadim
101
Ə d ə b i y y a t
Beynəlxalq terrorizmin xronologiyası və kriminoloji aspekti /A.Rəfiyev, A.Abdullayev.- Bakı: İsmayıl, 2006.- 294 s.
Bir ailənin faciəsi: hekayə /A.Rəfiyev //525-ci qəzet.- 2011.- 9 iyul.- S.28
İ n t e r n e t d ə
www.anl.az
www. az.wikipedia.org
www. elibrary.az
Hüquqşünas
Akif Rəfiyev
1936
Akif Bəşir oğlu Rəfiyev 1936-cı il
mart ayının 23-də Gəncə şəhərində ana-
dan olmuşdur. 1960-cı ildə Azərbaycan
Dövlət Universitetinin (indiki Bakı
Dövlət Universiteti) hüquq fakültəsini
bitirmişdir.
1960-1961-ci illərdə Azərbaycan
Elmi-Tədqiqat Məhkəmə Ekspertizası
İnstitutunda ekspert-kriminalist, 1961-
1964-cü illərdə Şəmkir rayon prokuro-
runun köməkçisi, 1964-1966-cı illərdə
Azərbaycan SSR Prokurorluğunda şöbə
prokuroru, 1966-1970-ci illərdə İsmayıl-
lı rayon prokuroru, 1970-1976-cı illərdə
Mingəçevir şəhər prokuroru, 1976-
1979-cu illərdə Zaqatala rayon prokuro-
ru, 1979-1981-ci illərdə Sumqayıt şəhər
prokuroru vəzifələrində çalışmışdır.
1982-ci ilin yanvarından 1989-cu ilin
avqust ayına kimi Azərbaycan SSR Da-
xili İşlər Nazirliyinin İstintaq İdarəsinin
rəisi, 1989-1991-ci illərdə Azərbaycan
Respublikası Daxili İşlər nazirinin müa-
vini, 1991-2002-ci illərdə isə Azərbaycan
Respublikası Ədliyyə nazirinin müavini
vəzifələrində çalışmışdır.
Hüquq mühafizə sahəsində 42 il
fasiləsiz fəaliyyət göstərmişdir. 1989-
cu ildə respublikada, xüsusilə Qara-
bağda cinayətkarlığa qarşı mübarizədə,
eləcə də sabitliyin təmin olunmasında
xidmətlərinə görə “Əməkdar hüquqşü-
nas” fəxri adına layiq görülmüşdür. 1998-
ci ildə ona Azərbaycan Respublikası
Prezidentinin Fərmanı ilə 3-cü dərəcəli
Dövlət ədliyyə müşaviri (Ədliyyə gene-
ral mayoru) rütbəsi verilmişdir. İşlədiyi
müddət ərzində hüquq jurnallarında
hüququn ayrı-ayrı aktual məsələləri və
problemlərinə dair 100-dən artıq məqalə
və müsahibələri çap olunmuşdur.
Akif Rəfiyev Azərbaycan Respubli-
kası Prezidenti yanında Dövlət İdarəçilik
Akademiyasında pedaqoji fəaliyyətlə
məşğul olur. Eləcə də dedektiv janrında
hekayələrin müəllifidir.
Üç filmin (“Dronqo”, “Sarıköynəklə
Valehin nağılı”, “O qızı tapın”) baş
məsləhətçisi olmuşdur.
80
illiyi
Siyasət.Hüquq.Hərbi iş
23
MART