«Kelishuvlar»

«Yomg`ir»


O'quvchilar doira hosil qiladi. Doira o'rtasida turgan yetakchi o'yinni boshqaradi. Yetakchi ishtirokchilarga qarata shunday deydi: «Hozir siz yomg'ir tovushini eshitasiz, buning uchun mening harakatlarimni qaytarishingiz kerak». So'ng ohista davrani aylanib chiqadi. Yetakchi oldiga borgan o'quvchi uning harakatlarini takrorlaydi va u ikkinchi marta yaqin kelmagunga qadar harakatni to'xtatmaydi. Yetakchi davrani bir necha marta aylanib chiqadi va har gal turli harakatlar qiladi.
Yetakchining harakatlari:
– qo'llarini bir – biriga ishqalaydi,
– barmoqlarini qirsillatadi;
– qo'li bilan o'zining sonlariga uradi,
– sonlariga urib, oyog'i bilan tepinadi,
– yana sonlariga urib qo'yadi,
– yettinchi doirada faqat barmoqlarini qirsillatadi,
– qo'llarini bir – biriga ishqalaydi.
So'ng yetakchi to'xtab, qo'lini pastga tushiradi hamda yomg'ir tingani va yana quyosh chiqqanini aytadi.


«Mevali salat»


Yetakchidan boshqa hamma kursilarda o'tiradi. Yetakchi uch ishtirokchidan qaysi mevalarni yaxshi ko'rishlarini so'rab bilib oladi va har bir o'quvchiga shu mevalarning nomini beradi. Har bir meva uchta kishini bildirishi kerak. Keyin yetakchi ushbu mevalardan birining nomini aytadi, shu nom ostidagilar joylarini almashtiradilar. Joy yetmagan odam o'yinni davom ettiradi. Agar yetakchi «Mevali salat» desa, hamma o'z joyini o'zgartirishi kerak.
O'yin o'quvchilar o'rtasidagi to'siqlarni olib tashlashga, ularni birlashtirishga xizmat qiladi.
«Tanishuv» texnologiyasi


1 – variant


Texnologiyaning maqsadi:
• o’quv jamoasi ishtirokchilarini bir – birlari bilan tanishtirish, samimiy do’stona munosabat va ijodiy muhitni yuzaga keltirish.
• talaba (yoki o’quvchi)larning ijodiy imkoniyati va shaxsiy sifatlarini ochish.
• auditoriyaning ishlashi uchun qulay sharoitni vujudga keltirish. Mashg`ulotni o’tkazish tartibi:
Mashg’ulot boshida o’qituvchi o’quv jarayoni qatnashchilarini kichik guruhlarga ajratadi. Har bir kichik guruhga yilning bir faslida tug’ilgan talabalarni kiritish mumkin. O`qituvchi guruhlarni joylariga o’tkazib, ularga quyidagi topshiriqni beradi:
• o’z tug’ilgan faslingizga xarakteristika bering (badiiy — musiqiy, sahnali, hazil – mutoyibali va hokazo ko’rinishda);
• yilning shu faslida tug’ilganlarning umumiy xarakteri bilan hamda guruh qatnashchilarining umumiy o’xshashliklari va o’ziga xos tomonlari bilan tanishtirish;
• talaba (yoki o’quvchi)larning bu fasldagi faoliyatini so’zlab berish;
• boshqa fasldagi guruh qatnashchilariga bag’ishlangan fikr yoki bag’ishlov yaratish va ijodiy tilaklar bildirish.
Uqituvchi berilgan topshiriqni talabalar tomonidan bajarishi uchun tayyorlanishga vaqt ajratadi va ularni taqdimot qoidalari bilan tanishtiradi, talaba (o’quvchi)larning tayyorlanishlari uchun sharoit yaratadi.
Guruhlar tayyorgarlikni boshlaydilar.
Guruhlarning chiqishi 4 ta topshiriq aks etgan adabiy – musiqiy kompozitsiya shaklida ham tayyorlanishi mumkin.
Keyingi bosqichda guruhlar tayyorlagan ijodiy ishlarini namoyish etadilar. Har bir chiqish tugagach, boshqa guruh qatnashchilari namoyish etilgan ijodiy ishni to’ldirishlari va mavzuga oid savollar berishlari mumkin.
Oxirgi bosqichda o’qituvchi mashg’ulotga yakun yasar ekan, auditoriyaga quyidagi savollar bilan murojaat qilib, talaba (yoki o’quvchi)larni ochiq muloqotga chaqiradi:
• guruh qatnashchilari bir – birlari haqida nimalarni bilib olishdi;
• auditoriyada bir – birlariga ko’nikish holati qanday o’zgardi;
• qanday savollar va muammolar hal qilindi;
• qatnashchilar dars davomida qanday sifatlarni ko’rsata oldilar;
• har bir kishi o’zi uchun qanday xulosa chiqardi;
• dsmak biz, qandaymiz?