III. MEHNATNI MUHOFAZA QILISH
Paxta tozalash zavodlarida zamonaviy uskuna va texnikalardan foydalanib,
chigitli paxtani qayta ishlashning muvofiqlashtirilgan texnologik jarayonlarining
qo‗llanishi uskunalar majmualarining «odam-mashina» tizimining murakkablashuvi
va mehnat xususiyatlarining o‗zgarishiga olib keldi. Bu esa, o‗z navbatida,
xavfsizlikni ta‘minlash masalalariga e‘tiborni kuchaytirishni, mehnat jarayonida
avval sezilmagan ishlab chiqarish xavflari va zararlari hamda yangidan vujudga
kelayotgan xavf va zararlar, omillarni doimiy ravishda o‗rgatishni, ishlovchilarga
xavfsiz, sog‗lom mehnat sharoitlarini yaratib berishni talab qiladi.
Chigitli paxta xomashyosini tayyorlash, saqlash, quritish, tozalash va
boshqatdan qayta ishlash jarayonlarida foydalanilayotgan murakkab texnologik
uskunalar, kichik mexanizatsiya vositalarining yuqori bosimli gidravlik presslari va
tez aylanuvchi mexanizmlar hamda arrali silindrlar, arrali va qoziqchali barabanlar
bilan jihozlangan uskunalarning benuqson ishlashini, ishlab chiqarish jarayonlarida
ko‗p miqdorda zarur bo‗lgan elektr quati, yoqilg‗i va tabiiy gazdan foydalanilishi
yong‗in xavfsizligi qoidalariga rioya yetilishini ta‘minlashga alohida ye‘tibor berishni
taqozo etadi.
Amaldagi yong‗in va xavfsizlik texnikasi qoidalariga rioya qilmaslik, ishlab
chiqarish jarayonlarida ishchilarning hayotini xavf ostida qoldirib, oxir-oqibatda
baxtsiz hodisalar va katta miqdordagi moddiy zararli yong‗inlar sodir boiishiga olib
kelishi mumkin.
Paxta tozalash zavodlarida mehnatni muhofaza qilish va mehnat xavfsizligini
ta‘minlashda quyidagi masalalar hal qilinadi.
Mehnatni muhofaza qilish, bu tegishli qonun va meyoriy hujjatlarga binoan
amal qiluvchi, insonning mehnat jarayonidagi xavfsizligi, sihat-salomatligi va ish
qobiliyati saqlanishini ta‘minlashga qaratilgan ijtimoiy-iqtisodiy, tashkiliy,
texnikaviy, sanitariya-gigiyena hamda davolash profilaktika tadbirlari va vositalari
tizimidir. Boshqacha aytganda, korxona ishchilari uchun sog‗lom va xavfsiz mehnat
qilish sharoitlai mi ta‘minlaydigan huquqiy, texnik va sanitar meyorlari tizimi
mehnatni muhofaza qilish deyiladi.
Bu tizimning tarkibiy qismlari:
mehnat qonunlari;
xavfsizlik texnikasi;
ishlab chiqarish sanitariyasidan iborat.
Mehnat qonunlarining asosini Konstitutsiyaga asoslangan mehnat kodeksi va
hukumat qarorlari tashkil qiladi.
Xavfsizlik texnikasi tashkiliy, texnik tadbirlar va vositalar tizimi bo‗lib,
jarohatlanishga olib keluvchi ishlab chiqarish omillarining ishlovchilarga ta‘sirini
bartaraf qilishga yo‗naltirilgan.
Ishlab chiqarish sanitariyasi tashkiliy va sanitar-gigiyenik tadbirlar va vositalar
tizimi bo‗lib, ishlovchilarni kasallanishiga olib keluvchi ishlab chiqarish omillari
ta‘sirining oldini olishga qaratilgan.
Texnika xavfsizligi bo‗yicha yo‘riqlar berish va bilimlarni tekshirish «Paxta
tozalash sanoati korxonalari uchun texnika xavfsizligi va ishlab chiqarish sanitariya
qoidalari» ga muvofiq ravishda olib boriladi. Ish joyini bajariladigan ish uchun
belgilangan texnika xavfsizligi qoidalarining hamma talablariga rioya qilgan holda
tayyorlash lozim.
Texnika xavfsizligi va sanoat sanitariyasi bo‗yicha yo‘riqnomalarni barcha
ishchilarga berish hamda ish joylaridagi ko‗rinarli va yaxshi yoritilgan joyda, oyna
ostida osib qo‗yilishi talab etiladi.
Yangi ishga kirgan va bir ishdan boshqasiga o‗tgan barcha xodimlar, ular
ishlaydigan uskuna, agregat hamda mexanizmlarning tuzilish va xususiyatlari bilan
oldindan tanishishlari, texnika xavfsizligini bilishlari, shuningdek ish joylarida
xavfsiz ishlash usullarini ko‗rib o‗rganishlari kerak.
Uskunalarda nosozliklarni bartaraf yetish,tozalash va moylashga oid barcha
zarur ishlarni faqat uskuna yelektr manbalaridan uzib qo‗yilgandan va ishga tushirish
uskunasiga ogohlantiruvchi plakat osib qo‗yilgandan keyin amalga oshiriladi.
Uskunani to‗xtatgan va plakat osgan shaxsgina uskunaning ishga tushirish
qurilmasidan ogohlantiruvchi plakatni olishi va uni yana ishga tushirishi mumkin.
Uskunaning ish holatida qurilmaning to‗siqlarini, eshiklarini ochish va olib qo‗yish
taqiqlanadi.
Uskunalarga texnika xavfsizligi bo‗yicha qo‗yiladigan umumiy talablar:
hamma turg‗un uskuna va agregatlarni mustahkam asos yoki poydevorga
o‗rnatish, ularni tayyorlovchi zavodlarning ko‗rsatmasiga binoan mahkamlash
kerak;
mexanizmlarning jami aylanadigan va harakatlanadigan qismlari (valning chiqib
turgan uchlarini, harakatga keltiruvchi tishli va tasmali uzatmalar)ni ishonchli
to‗siq va qopqoqlar bilan yopish lozim;
xizmat ko‗rsatish uchun tez-tez yaqinlashishni talab qiladigan joylarda mashina
harakatlantirgichi bilan elektr to‗sqichi bo‗lgan to‗siq va qopqoqlar o‗rnatiladi;
hamma harakatlanuvchi mexanizm va dastgohlar, uskuna hamda agregatlarni,
ularning to‗siq va blokirovkalarini soz holatda saqlash tavsiya qilinadi. Yopiq va
o‗yiqlari bo‗lgan shkivlarni uskuna o‗rnatishga ruxsat etilmaydi;
uskuna, mexanizm va dastgohlar yurgizish qurilmalariga ega bo‗lishi kerak, bu
ularning o‗z-o‗zidan ishlashiga imkon bermaydi va oson to‗xtatishni ta‘minlaydi;
barcha uskuna va dastgohlarda kirgizish moslamalarini ko‗rinarli joylarda, tez-tez
olinmaydigan qismlarda joylashtirish kerak;
barcha ishlab chiqarish uskunalarining pol yoki ish maydonchasi sathida 2 m
gacha balandlikda joylashgan, aylanadigan va harakatlanadigan qismlari to‗siq
bilan jihozlanishi kerak;
uskuna korpusidagi to‗siqlar, eng xavfli uzellarning eshik va qopqoqlari
xavfsizlik bloki bilan jihozlanishi talab etiladi;
ish jarayonida chang ajratuvchi texnologik uskunalarni, zichlash hamda havo
so‗ruvchi qurilmalar va ishlab chiqarish binolarida meyo-riy ish sharoitlarini
ta‘minlovchi moslamalar bilan ta‘minlanishi lozim;
chang tutkichlarda ushlab qolinadigan iflosliklarni, chang va boshqa
aralashmalarni iflos yig‗ish bunkeriga uzatish qurilmalari bilan jihozlash
maqsadga muvofiqdir;
changning tashqariga chiqishiga yo‗l qo‗ymaslik uchun texnologik uskunalar,
xomashyo mahsulotlarni taqsimlash, uzatish va yig‗ishtirish vositalarining
qopqoqlari germetik zich yopilishi lozim.
Texnologik uskunalarni, moslama-mexanizmlarini ishlatish ularda to‗siqlar,
ogohlantirish qurilmalari yoki chang so‗ruvchi moslamalar yo‗q bo‗lganda
taqiqlanadi. Ochiladigan va olinadigan qobiqlar, eshik va to‗siqlarning ichki yuzasi,
vallar uchi, shkiv hamda shesterniyalarning kegayini sariq yoki qizil rangga bo‗yash
tavsiya qilinadi.
|