133
Fəsil 5.Dializ_üçün_damar_yolu'> Dializ üçün damar yolu
– böyrək transplantantının resipientləri;
– böyrəyin kəskin ayrılması sindromu zamanı müvəqqəti HD lazım
olduqda.
Daimi damar yolu.
AV fi stulaya alternativ olaraq manjetli
kateter damara daimi yerləşdirilir. Buraya kiçik uşaqlar, damarları
zədələnmiş şəkərli diabeti olan xəstələr, piylənmə, bədənində damar
yolu yaratmağın mümkün olduğu damarların istifadə edilməsi
zərurətinin yaranması aiddir. Xüsusi göstəriş kimi adekvat qan
dövranı olmayan kardiomiopatiya ilə olan xəstələrdə, hər gün dializ
tələb olunan hallarda da daimi kateter istifadə olunur. Amma manjet
kataterləri 60% 6 ay, 40% 1 il fəaliyyət göstərə bilirlər. Manjet
kateterində qan cərəyanı 300 ml/dəq ilə məhdudlaşdığı üçün bədəncə
böyük xəstələrdə təmizlənmə dərəcəsi az olur (URR və ya Kt/V).
Kateterlərin tipi və növü.
İkidəlikli venoz kateterlər iki
modifi kasiyada olurlar: “double-D” konfi qurasiyalı köndələn kəsiyi
olan və iki koaksial silindrik yolu olan kateterlər. Kateter damarda
bir neçə həftədən çox qaldıqda infeksiyalaşa bildiyi üçün dakron
manjetli kateterlər yaradıldı. Bu həm kateterin hərəkətinin, həm
də infeksiyanın qarşısını alır. Son illər silikon, manjetli kateter
cütlüyünə üstünlük verilir.
Punksiyanın yeri.
Kateterin müxtəlif damarlara qoyulması üçün
punksiya yerləri seçilir (cədvəl 5.1). Adətən, kateter daxili vidaci ve-
naya, yaxud bud venasına qoyulur. Körpücükaltı venanın punksiyası
imkan daxilində az aparılır, çünki bu zaman 40% halda tromboz
və başqa ağırlaşmalar (pnevmotoraks, hemotoraks, körpücükaltı
arteriyasının perforasiyası, çiyin sinir kələfi nin zədələnməsi) mü-
şa hidə edilir. Vidaci venaya qoyulan kateterin əsas catışmazlığı
onun boyunun hərəkətli olması ilə əlaqədar çətin fi ksasiyası olsa
da bunu körpücüyün üstündən tunel yaradaraq kateterin ucunu döş
qəfəsinin ön divarına çıxartmaqla aradan qaldırmaq olar. Bir həftə
müddətində kateterin istifadəsi nəzərdə tutulursa, onda bud venasının
kateterizasiyası yaxşı variant sayılmalıdır.
134
Dializ
Cədvəl 5.1
Kateterin qoyulmasında müxtəlif yerlərin üstünlüyü və
çatışmazlığı
Yer
Üstünlük
Çatışmazlıq
Bud venası
Punksiya asandır; risk
azdır
Xəstənin immobilizasiyası;
infeksiyanın böyük riski,
böyük resirkulyasiya, əgər
kateter 18 sm uzunluğunda
olmasa
Körpücükaltı
vena
Xəstə üçün rahatdır;
uzun müddət istifadə
oluna bilər
Venada böyük stenoz faizi və
punksiya zamanı ağırlaşmalar
Daxili vidaci
vena
Uzun müddət istifadə
olunur; aşağı risk
Punksiya çətindir
Punksiyanın aparılması
Ultrasəsin nəzarəti ilə punksiya. Portativ US cihazın nəzarəti ilə
daimi kateterin qoyulması damarın anatomik yerləşməsini təyin edir,
proseduranı dəqiq, ağırlaşmadan aparmağa imkan verir. Belə ki,
birinci cəhddən vidaci venanın punksiyası 36%-dən 83%-ə qalxmış,
yuxu arteriyasının zədələnməsi 8%-dən 0-a enmişdir.
Kateter aseptik şəraitdə qoyulur: həkim steril cərrahi xalat və
əlcək geyir. Əməliyyat sahəsi xlorheksidinin 2%-li sulu məhlulu ilə
işlənir (povidon-yodindən yaxşıdır). İki mənfəzli kateter qoyduqda
vena heparinli fi zioloji məhlul ilə dolu 10 ml şprisə birləşdirilmiş 16
diametrli iynə ilə punksiya edilir. Təkmənfəzli kateter 18 diametrli
iynə ilə punksiya edilir. İynəni yeritdikdə yüngül aspirasiya edilir.
Tünd qanın xaric olması iynənin venada olmasını göstərir. Venaya
düşdükdən sonra iynədən bələdçi – sim venaya salınir və maneəsiz
10–15 yeridilir. Əgər sim maneəyə rast gəlsə, o çıxarılır və vena
yenidən punksiya edilir. Bələdçi – sim yeridildikdən sonra iynə
çıxarılır. Skalpel ilə simin yanında dəri bir qədər genişləndirilir.
135
Fəsil 5. Dializ üçün damar yolu
Bəzən kanal dilatator ilə genişləndirilir. Sərt kateterlər (poliuretan,
polietilen, politetrafl yuopoetilena) bələdçi – simin üzərindən vena ya
yeridilir. Kateteri venaya yeritdikdə simin ucunun xaricdə qalma-
sına nəzarət olunmalıdır. Hava emboliyasından qaçmaq üçün simi
çıxartdıqda kateteri sıxmaq lazım gəlir. Kateter heparinləşmiş fi zio-
loji məhlulla (1000 v/ml) doldurulur. Kateterin portu dəriyə 1–2
ti kiş lə bərkidilir, steril sarğı qoyulur. Əgər R-loji nəzarət kateterin
düz gün yerləşdiyini göstərirsə həmin kateter istifadə oluna bilər. R–
müayinədə kateterin ucu 2–3 qabırğaarası sahədə olmalı, kateterin
arterial ucu yuxarı boş venanın ortasında olmalıdır, yoxsa dializ
zamanı kateter vena divarına yapışıb qanın alınmasına problem
yarada bilər.
Vidaci vena punksiyası
zamanı venaların dolması üçün xəstə
Trendelenburq vəziyyətində uzadılır. Baş arxaya və punksiyanın
əks tərəfi nə əyilir. Sağ tərəfə üstünlük verilir, çünki sağ ağciyər
zirvəsi soldan aşağıda yerləşir, həm də sağ vidaci vena sağ qulaqcığa
nisbətən düz düşür, döş axacağından uzaqda yerləşir. Üç punksiya
yolundan: mərkəzi, ön və arxa yollarından biri istifadə edilərək və
vidaci vena punksiya olunur. Mərkəzi yol hamısından yüngül hesab
olunur.
Körpücükaltı venanın punksiyası.
Körpücükaltı venanın
punksiyası təhlükəsiz olduğu üçün dializ sahəsində təcrübəli həkim
tərəfi ndən aparıla bilər. Xəstəyə Trendelenburq vəziyyəti verilir.
Baş 45° əks tərəfə – yana döndərilir. Kürək arasına bükülmüş dəs-
mal qoyaraq çiyinlər arxaya çəkilir. Körpücüyün altına orta 1/3 ilə
iç 1/3 arasında anestetik yeridilir (bu nöqtədən bayıra punksiya
pnevmotoraks və arteriyanın zədələnməsi riski ilə qarşılaşır). İynə
vidaci çuxur istiqamətində yeridilir və iynəyə birləşdirilmiş şpris ilə
yüngül aspirasiya edilir. Vena punksiya edildikdən sonra kateterin
yeridilmə etapları yuxarıda qeyd olunduğu kimi edilir. Əgər kateter
qısa müddət, 3 həftəyə qoyulursa, onda dərialtı tunel yaratmağa eh-
tiyac olmur.
Dostları ilə paylaş: |