143
- elektron informasiya fondlarının formalaşdırılması və virtual
kitabxanaların inkişaf etdirilməsi, “Azərbaycan ədəbiyyatının virtual
kitabxanası”nın oxucuların
istifadəsinə verilməsi;
- elektron kataloq və elektron kitabxanaların yaradılması işinin
təmin
edilməsi, onların müasir standartlar səviyyəsinə çatdırılması;
- kompüterləşdirilmiş kitabxana infrastrukturunun qurulması, kitab-
xanaların yeni informasiya texnologiyaları ilə təchiz edilməsi” kimi vacib
vəzifələr sadalanır [1, S.11-12.].
Göründüyü kimi, bu vacib direktiv sənəddə ölkənin kitabxanaları
tərəfindən cəmiyyətin intensivləşən informasiya tələbatının lazımınca
ödənilməsinə xüsusi diqqət yetirilir. Bu tədbirlər həm də kitabxana
fəaliyyəti sahəsində dünyada müşahidə edilən tendensiyaya müvafiqdir.
Məlumdur ki, dünyanın inkişaf etmiş ölkələrində kitabxanalara həm də
vətəndaşların informasiyaya azad müyəssərlik hüququnun reallaşdırıldığı
bir məkan kimi də xüsusi önəm verilir [2, S.3.] Bu tendensiya müstəqillik
dövründə Azərbaycanda da bərqərar olmuşdur və bu hüququn reallaşması
üçün Prezident Kitabxanasında da xeyli iş görülür. Ölkəmizin ən
mükəmməl kitabxanalarından biri kimi Prezident Kitabxanası qabaqcıl
texnologiyaların tətbiqi, yeni metodlardan istifadə sahəsində Dövlət
Proqramında təsbit edilmiş məsələlərin həyata keçirilməsi istiqamətində
ardıcıl və planauyğun fəaliyyət həyata keçirir.
Dövlət Proqramının qəbulundan keçən müddət ərzində kitabxanada
hər il yeniliklər həyata keçirilir, fəaliyyət, xidmət prosesi daha da
təkmilləşdirilir. Prezident Kitabxanasında formalaşmış bu ənənə 2011-ci
ildə də davam etdirilmişdir. Məhz bu səbəbdən də 2011-ci ildə öz
fəaliyyətində əhəmiyyətli nəticələrə nail olan kitabxanaların sırasında
Azərbaycan Respublikası Prezidentinin İşlər İdarəsinin Prezident
Kitabxanası da xüsusilə qeyd edilməlidir. Məlumdur ki, Azərbaycan
Respublikasının dövlət müstəqilliyinin bərpasının ildönümü ilə əlamətdar
olmuşdur. Bu səbəbdən də Prezident Kitabxanası Azərbaycan həmin
əlamətdar hadisəyə həsr edilmiş qiymətli töhfə hazırlamışdır. Belə ki,
həmin tarixi ildönümü ilə bağlı Prezident Kitabxanası tərəfindən zəngin
on layn sənəd-informasiya toplusu, “
Azərbaycan Respublikası - 20 “
adlı elektron layihə hazırlanaraq tələbatçıların istifadəsi üçün
Kitabxananın internet saytına yerləşdirilmişdir (http://republic.preslib.az/
index.html).
Quruluşca mürəkkəb və geniş informasiya təminatı imkanlarına
malik bu layihənin strukturuna nəzər yetirməzdən əvvəl belə mənbələrin
yaradılmasının zərurətinə, onların müasir kitabxana praktikasında
tutduğu yerə və əhəmiyyətinə nəzər yetirmək məqsədəuyğundur.