Raifə VƏZİROVA
Bibilioqrafiyaşünaslıq kafedrasının baş müəllimi
MƏRKƏZLƏŞDİRİLMİŞ KİTABXANA SİSTEMLƏRİNDƏ
BİBLİOQRAFİK
FƏALİYYƏTİN TƏŞKİLİ MƏSƏLƏLƏRİ
Respublikamızda biblioqrafik fəaliyyət sahəsində mühüm həlledici yeri olan
Mərkəzləşdirilmiş Kitabxana Sistemləri (MKS) zəngin universal kitab fonduna
malik olan ən böyük şəbəkədir. MKS-ləri artıq otuz ildən çoxdur ki, oxuculara
kitabxana-biblioqrafiya xidməti sahəsində əsaslı uğurlara nail olmuş,
biblioqrafiya işi sahəsində dövlət siyasətinin həyata keçirilməsinin mühüm
vasitələrindən biri kimi fəaliyyət göstərir.
MKS-lərdə biblioqrafik fəaliyyətin inkişafını daha yaxşı izləmək üçün onu
şərti olaraq bir neçə mərhələyə bölmək olar.
Birinci mərhələ-1974-1980-cı illəri əhatə edir. Bu dövr MKS-lərin
yaradılması və təşkili dövrüdür.
1974-cü il məlum qərardan sonra 1974-1980-cı illərdə dövlət kütləvi
kitabxanalarının mərkəzləşdirilməsi əsasən həyata keçirildi. Respublikamızda
dövlət kütləvi kitabxanaların mərkəzləşdirilməsi kitabxana işinin inkişafında
yeni bir mərhələ idi.
Məhz bu mərhələdə kitabxana işi sahəsində baş verən çox dərin dəyişikliklər
biblioqrafik işin əsaslı şəkildə yenidən qurulmasını tələb edirdi. Bu
dəyişikliklər bir çox mürəkkəb problemlərin həll edilməsinə imkan verdi.
Belə ki, hər bir şəhərdə və rayonda filial sisteminə malik olan, əvvəllər
müstəqil fəaliyyət göstərən kitabxanalardan müqayisə edilməz dərəcədə
böyük üstünlüklərə və imkanlara malik olan vahid və böyük kitabxana
müəssisələri yaradılırdı. Vahid kitabxana sisteminin yaranması kəmiyyət və
keyfiyyətcə böyük və güclü universal kitab fondlarının yaranmasına səbəb
olmuşdur. Mərkəzləşdirmənin həyata keçirilməsi ilə əlaqədar olaraq onların
funksiyaları daha da genişlənmişdir. MKS-də biblioqrafiya işinin təşkilinin
özünəməxsus xüsusiyyətləri vardır. Bu səciyyəvi xüsusiyyətlər aşağıdakı
məsələlərdə özünü daha çox göstərir.
1. Bir rayon ərazisində mərkəzi kitabxana ilə filial-kitabxanalar arasında
məsafə uzaqlığı;
2. Bir MKS-in başqasından mahiyyət etibarilə məhəlli profilinə, filialların
sayına, oxucularının tərkibinə həm də kitabxana əhatəliliyinə görə fərqlənməsi;
3. Bir çox MKS-nin quruluşunda (tərkibində) uşaq-kitabxana filialların
mövcudluğu;
113
4. Mərkəzi Kitabxananın kitab fondlarının universal olması müxtəlif oxucu
kateqoriyalarının ümumtəhsil və ixtisas sorğularının ödənilməsi üçün əlverişli
olması.
Qeyd edilənlərdən aydın olur ki, MKS-də biblioqrafik işin təşkili qarşısında
duran bu ümumi məsələlərlə yanaşı onları biri-birindən fərqləndirən cəhətlər
də vardır. Ona görə ki, onların biblioqrafik fəaliyyətlərinin məzmunu və
xidmət dairəsi müxtəlifdir.
Bütün bunlarla yanaşı biblioqrafik fəaliyyətin təşkilində MKS-lər üçün eyni
olan bir sıra faktorlar vardır. Onlar aşağıdakılardır:
a) Bütün sistem üzrə biblioqrafik fəaliyyətə rəhbərlik edən MK-nın
təşkiledici rolu.
b) Ayrı-ayrı biblioqrafik proseslərin mərkəzləşdirilmiş şəkildə yerinə
yetirilməsi
c) Sistemin yarımbölmələrinin ixtisaslaşdırılmış fəaliyyəti
Mərkəzləşmə kitabxanalara informasiya işini daha operativ və keyfiyyətli
təşkil etmək, əhaliyə biblioqrafik xidmət prosesini yeni mərhələyə qaldırmaq
imkanı verdi. Mərkəzləşmə kitabxana işinin idarə olunmasına, kitabxanalarda
əməyin düzgün təşkilinə, işçilər arasında ixtisaslaşmalar aparılmasına,
metodiki işin yaxşılaşdırılmasına əlverişli şərait yaratdı. Mərkəzləşmiş
sistemlərdə kitabxana kataloqlarının yenidən qurulması, kartotekaların
yaranması, məlumat fondlarının təşkili, filiallara köməklik göstərmək, əhaliyə
biblioqrafik xidmətin forma və metodlarını daha da yaxşılaşdırmaq üçün bir
çox yeni şöbələr təşkil edildi.Onların metodika-biblioqrafiya şöbəsini xüsusilə
qeyd etmək lazımdır. Filial kitabxanalara metodiki rəhbərlik biblioqrafik iş
proseslərinin daha səmərəli və keyfiyyətli yerinə yetirilməsində Mərkəzi
Kitabxanada yaradılan bu şöbə xüsusi əhəmiyyətə malik olmuşdur.
MKS-in yeni yarandığı bir dövrdə şöbə filial-kitabxanaların biblioqrafik
fəaliyyətini tənzimləyir, yerlərdə kataloq və kartotekaların yaradılmasına, soraq
və biblioqrafik nəşrlər fondunun təşkilinə nəzarət edirdi.
MKS-nin fəaliyyət sahəsindəki inkişafının ikinci dövrü 1980-1985-ci illəri
əhatə edir ki, bu dövr MKS-in təkmilləşdirilməsi və dinamik inkişaf dövrü
adlandırmaq olar. Çünki məhz bu dövrdə istər biblioqrafiyalaşdırma, istərsə də
biblioqrafik xidmət sahəsində demək olar ki, respublikamızın bütün rayon
MKS-ində böyük nailiyyətlər əldə edilmişdir. Dövlət qayğısı ilə əhatə olunmuş
MKS-lər üçün ayrılan vəsait ildən-ilə artırıldı. Ona görə də Mərkəzləşmiş
Kitabxana Sisteminin maddi-texniki bazası gündən-günə möhkəmlənir, yeni
kitabxana binaları tikilir, hər ay alınan kitablar əsasında vahid fondun
formalaşması həyata keçirilir, bunun nəticəsində isə kitabxananın
informasiya fəaliyyəti ümumiyyətlə biblioqrafik xidməti də geniş miqyas
almağa başlayır. Bu dövrdə Mərkəzləşmiş Kitabxanalarda fəaliyyət göstərən
elmi-metodiki şöbə filiallara metodiki rəhbərlik edir, onların biblioqrafik
114
fəaliyyətlərini düzgün istiqamətləndirir, yeni tövsiyyələr elmi məsləhətlər verir.
Bu şöbə həmçinin mərkəzləşdirilmiş sistemin elmi tədqiqat işlərinin
yaxşılaşdırılmasında fəal iştirak edir, qabaqcıl iş təcrübəsini tətbiq edir.
Mərkəzi kitabxana filial-kitabxanaların plan və hesabatlarının tərtibində və
göstəricilərin təhlilində fəal iştirak edir. Göstərilən bütün bu vəzifələrin həyata
keçirilməsində yüksək ixtisaslı metodistlərin olması da vacibdir.
Bu dövrdə elmi-metodika şöbəsinin fəaliyyət dairəsi daha da genişlənmiş və
zənginləşmişdir. Belə ki, şöbə soraq-bibliorafiya, eləcə də biblioqrafik
informasiya xidmətinin səmərələşdirilməsinə, filial-kitabxanaların biblioqrafik
fəaliyyətinin planlaşdırılması, hesabatların hazırlanması
və
ümumiləşdirilməsinə öz müsbət təsirini göstərirdi.
Beləliklə məlum olur ki, MKS-də metodiki işin düzgün təşkili sistemin
ümumi fəaliyyətinin səmərələşdirir, xidmət işini sürətləndirir, zənginləşdirir və
yeni nailiyyətlər üçün perspektivlər yaradır. Heç də təsadüfi deyildir ki, bu
illərdə (1980-1985-ci illər) respublikada hər il orta hesabla 5-10 yeni
kitabxana binası tikilir, 258 kitabxana təmir edilirdi. Mədəniyyət Nazirliyi
tərəfindən kütləvi dövlət kitabxanalarına hər il orta hesabla 1 milyon 300 min
manat vəsait ayrılırdı, onlara həmin vəsait hesabına ildə təqribən 2 milyon 200
min nüsxə yeni nəşrlər daxil olurdu. (4).
Üçüncü dövr 1985-1990-cı illəri əhatə edir. Bu dövrdə cəmiyyətimizdə baş
verən sosial-iqtisadi, siyasi dəyişikliklər Mərkəzləşdirilmiş Kitabxana
Sistemlərinə də öz mənfi təsirini göstərdi.Bazar iqtisadiyyatına keçid dövrü
ilə əlaqədar olaraq kitabxanalara dövlət nəzarəti zəiflədi. Rayonlarda bir çox
kənd filial kitabxanaları müvafiq binanın olmaması və maliyyə problemi ilə
əlaqədar olaraq ləğv edilirdi. Ayda bir neçə dəfə kitab alan mərkəzləşdirilmiş
kitabxana sistemlərində ildə bir-iki dəfə çox az miqdarda kitab alırdı. Belə bir
vəziyyətisə mərkəzləşdirilmiş kitabxana sistemlərinin bütün biblioqrafik
fəaliyyətini iflic vəziyyətinə salırdı. Əmək haqqının az olmasına görə
kitabxanalarda kadr itkisi yaranırdı.
Vaxtilə respublikamızın biblioqrafik fəaliyyətinə çox böyük töhfələr bəxş
etmiş Mərkəzləşdirilmiş Kitabxana Sistemləri maddi-texniki bazanın olmaması
və onlara ayrılan dövlət vəsaitinin çox cüzi olması üzündən müasir
texnologiyadan istifadə etməyə, oxuculara daha səmərəli operativ xidmət
göstərməyə imkan vermirdi.
Cəmiyyətimizin bütün sahələrində baş verən belə çətinliklər bu yolu keçmiş
ölkələrin hamısı üçün xarakterik olan ümumi problemlərdir. Kitabxanaların
fəaliyyətində böhran yaradan iqtisadi vəziyyət müstəqilliyə qədəm qoymuş
Azərbaycan Respublikası dövlətinin elm və mədəniyyət sahəsindəki yeritdiyi
düzgün siyasətin nəticəsində aradan qaldırıldı.
Artıq son 20 ilə yaxındır ki, bütün tip kitabxanalarda olduğu kimi
mərkəzləşdirilmiş kitabxana sistemlərinin biblioqrafik fəaliyyətində də yeni
115
Dostları ilə paylaş: |