|
![](/i/favi32.png) Книга переведена и издана заказу фонда поддержки по политики тюркоязычных государств
234
Müəyyən vaxtdan sonra hamını zala dəvət elədilər və
səsvermənin nəticələrini elan etdilər. Yeltsinin əleyhinə 940 səs
olduğundan o Ali Sovetin üzvü ola bilmədi. Onun yerinə mən də pis
oldum... Amma, mən nə edə bilərdim ki?
Bəli, nə deyirlər, desinlər, Raisa Maksimovna öz ərinə son
dərəcə sadiq bir insan idi. Buna görə də Qorbaçovun səhvləri və
yanlışlıqlarında heç şübhəsiz ki, onun da günahı var idi...
Məcburi dönüş:
235
YELTSIN VƏ KIÇIK XALQLARIN
KÜNCƏ SIXIŞDIRILMIŞ DILLƏRI
Rusiya kimi güclü bir dövlətə bir neçə il rəhbərlik etmiş
Boris Yeltsin barədə kiçik xatirələrimi bir gülməli hadisəni
danışmaqla başlamaq istəyirəm.
Mən parlamentin toplantısında iştirak etmək üçün
Almatıdan Astanaya uçmalıydım. Aeroportun deputat
otağına mənim yeddi-səkkiz kiloqramlıq balaca çemodanımı
böyük oğlum Kuanış gətirdi. Amma, uçuş meydanına
onu təbii ki, buraxmazdılar. Onun aeroport növbətçisi ilə
söhbətini eşitdim ki, mənə infarkt keçirməyimlə əlaqədar
üç kiloqramdan artıq yük qaldırmaq olmaz. Onda mənim
yanımda əyləşən, yenicə nazir vəzifəsinə təyin edilmiş cavan
adam qazax dilində güclə danışa-danışa dedi ki: “Mukenin
çemodanın mən apararam”.
Biz uçuş meydanına tərəf gedəndə naziri müşayiət
edən köməkçisi ya da yoldaşı zarafatla dedi:
- Muke, siz çox xoşbəxt şairsiniz. Bu gündən sizin hər
bir işiniz uğurlu olacaq, inanın, çünki, sizin yükünüzü
Qazaxıstanın ən nüfuzlu naziri daşıyır.
- Bu çemodan mənə artıq 17 ildir ki, xidmət edir, bunun
da bir neçə səbəbi var, - mən dedim. – Üçünü deyəcəyəm.
Bir dəfə SSRİ Ali Sovetinin üzvü olarkən mən Kremldən
Boris Yeltsinlə birlikdə çıxdım. Mənim əllərimdə iki
bağlama kağız, kitablar və bu çemodan var idi. “Moskva”
mehmanxanasına kimi çemodanı aparmağa Yeltsin kömək
elədi. Çox keçmədi ki, o, Rusiyanın prezidenti oldu.
Əskər Akayev də bu çemodanı aparıb, sonra Qırğızıstan
Respublikasına başçılıq edib. Bir dəfə də Ayətulla
Xameneinin dəvəti ilə İrana getmişdim. Sarayın qarşısında
məni ölkənin informasiya naziri Məhəmməd Xatəmi
qarşıladı və çemodanımı əlimdən alıb özü apardı. Bir qədər
sonra o, İran İslam Respublikasının prezidenti oldu. İndi
236
mən sənin nazirindən ehtiyat edirəm... Nə gizlədim, əvvəlcə
çemodanımı ona vermək istəmirdim.
- Niyə? – oğlan təəccüblə soruşdu.
- Adətən əhalinin əksəriyyəti prezidentləri təqlid edir,
çünki, onlar ölkədə ən nüfuzlu şəxslərdir. Bəs bu hələ YSQ
deyil?
- YSQ nədir?
- Yalnız sifətdən qazax. Əgər əhali də özünü ona
oxşadaraq doğma dilimizə saymazyana münasibət göstərsə
nə olar?
- Yox, o hələ öyrənəcək axı, - deyə naziri müşayiət edən
şəxs onu müdafi ə etməyə çalışdı.
- Hə, Muke, mən öyrənəcəyəm, - nazir gülərək aksentlə
dedi.
- Prezident olandan sonra öyrənməyə qətiyyən vaxtın
olmayacaq. Ona görə də, dili öyrənməmiş sənə bu çemodanı
tutmaq olmaz, - bunu deyib çemodanı şələ qazax nazirin
əlindən aldım.
Əlbəttə, zarafat zarafatdır. Amma, doğrudan da mən
həyatım boyu dünyanın bir çox tanınmış şəxsiyyətləri ilə
görüşmüşəm, onlarla yaxın olmuşam, bir yerdə yemək
yemişik, bəziləri ilə həmfi kir olmuşam.
Əgər cəmiyyətin inkişafının tarixi mərhələlərini analiz
etsək, belə qənaətə gəlmək olar ki, bütöv dövlətlərin taleləri
bəzən bir insanın şəxsiyyətindən asılı olur – və bu şübhəsiz
ki, həqiqətdir.
Məlumdur ki, Boris Yeltsin Sovet İttifaqının - dünya
tarix arenasında 75 illik zəfər yürüşünə çıxan, tərkibində
təxminən 200 xalq olan, ən böyük əraziyə malik, Lenin,
Stalin, Brejnev, Qorbaçov kimi dünyaya səs salan rəhbərləri
olmuş bir dövlətin dağılmasında baş rolu oynayan unikal
şəxsiyyətdir.
237
SSRİ xalq deputatlarının I qurultayında Ali Sovetin
üzvlərinin seçilməsi, məlum olduğu kimi, xeyli söz-söhbət
və mübahisələrə səbəb oldu.
Bir qazax partiya xadimi bizə məxfi surətdə yuxarıların
tapşırığını çatdırdı ki, “Yeltsini silmək lazımdır” sonra
mənə baxıb güldü: “Amma axı siz hər şeyi tərsinə edən
adamsınız”.
Beləliklə birinci seçkilərdə Yeltsin Ali Sovetə üzv keçə
bilmədi.
Aydın idi ki, hər şey Qorbaçovun birbaşa göstərişi ilə
edilirdi. Amma, belə tədbirlər əhalinin böyük bir qisminin
hakimiyyətdən narazılığını artırırdı. Və əgər SSRİ Ali
Sovetinə Omskdan seçilmiş Ukrayna millətindən olan
deputat Aleksey Kazannik öz yerini deputat Yeltsinə təklif
etməsəydi, Sovet İttifaqı bəlkə də belə sürətlə dağılmazdı...
SSRİ Ali Soveti 1986-cı ildə lma-Atada baş verən dekabr
hadisələrinin araşdırılması üçün deputat komissiyasının
yaradılması təklifi mə və SovİKP MK Siyasi Bürosunun
qazax xalqına ədalətsiz olaraq millətçi damğasının vurulması
barədə qətnaməsinin ləğvi tələbimə açıq biganəlik nümayiş
etdirəndən sonra mən uzun müddət Ali Sovetin foyesində
Andrey Saxarovla oturub məsləhətləşirdim.
- Bu işə Yeltsini də cəlb edərik, - o dedi. – Gedək, əvvəlcə
onu tapaq.
Çox axtarmaq lazım gəlmədi. Yeltsin iclas zalının
girişində dayanaraq Qalina Starovoytova ilə söhbət edirdi.
Bir az gözləməli olduq.
Sonra Saxarov məsələni ətrafl ı şəkildə Yeltsinə başa
salmağa başladı:
- Mən düşünürəm ki, - o dedi, bu işin arxasında böyük
cinayət var. Meydanda silahsız gənclərə qarşı hərbi gücdən
istifadə edilib. İstehkamçı belləri işə salınıb. Şaxanov bu
məsələni qurultayda qaldıranda, istefada olan bir polkovnik
Dostları ilə paylaş: |
|
|