328
Tələm-tələsik xəstəxanadan çıxaraq Kanşaim, Kuanış və
Ayşoreklə birlikdə Aytmatovun dəfninə bir gün qalmış Bişkekə get-
dik. Qazaxıstanın Qırğızıstandakı səfi rliyində işləyən Boranbek Al-
berqenov bizi sərhəddə qarşıladı. Yolüstü onun evinə gedərək öz şey-
lərimizi ora qoyduq və birbaşa Aytmatovun evinə - Ala-Arşaya yol-
landıq. Aytmatovun ailəsinə, doğmalarına və yaxınlarına başsağlığı
verən Qırğızıstan Respublikasının prezidenti Kurmanbek Bakiyev
mənə yaxınlaşaraq dedi: “Hesab edirəm ki, sizə də Çingiz Toreku-
loviçin ən yaxın dosti kimi ayrıca olaraq başsağlığı vermək lazım-
dır”. Mən ona minnətdarlığımı bildirdim. Biz ikimiz gedib Qırğız
ədəbiyyatı və incəsənətinin korifeylərinin yanında oturduq. Onların
arasında Qazaxıstan Yazıçılar İttifaqının sədri, şair Nurlan Orazalini
də gördüm. Söhbət vaxtı Qırğızıstan prezidentinə dedim:
– Kurmanbek qardaş, Qazaxıstan Respublikasında kökü “amer-
ika milləti” məfhumundan gələn “qazaxıstan milləti” ideyası ye-
tişib. İndi qazax xalqı öz ölkəsindəki 140 millətdən birinə çevrilib.
Əgər belə qanun qəbul olunsa və kimsə desə ki, “mən qazaxam”,
məsuliyyətə cəlb olunacaq. Bu addım tədricən bütün qazax mək-
təbləri və başqa millətlərin məktəblərinin ləğvi ilə nəticələnəcək.
Bundan başqa milli dillərdə olan bütün nəşrlərin bağlanması üçün
şərait yaranacaq. Bu ideya “Qazaxıstan Respublikasının 2030-cu ilə
kimi olan inkişaf strategiyası”- na daxil edilib. Respublikanın ictimai
təşkilatları birləşərək “qazaxıstan milləti” ideyasına etirazını bildi-
rib. “Qazaxıstan milləti” ideyası yoluxucu ola bilər və biz məsələn,
“qırğızıstan milləti”-nin yaranmasının şahidi ola bilərik. Bir prezi-
dent kimi bu məsələ barədə nə fi kirdəsiniz?
– Muxtar Şaxanoviç, - Qırğızıstan Republikasının prezidenti
dedi, – mənim arvadım rus olduğu üçün insanlar elə bilir ki, mən
milli maraqlara qarşı biganəyəm. Əminəm ki, “qazaxıstan milləti”
ideyası millətin və onun dilinin məhvinə yönələn bir istiqamətdir.
Buna görə də mən heç vaxt bu ideyanı dəstəkləmərəm!
– Kurmanbek Salimoviç, - mənim səsimi bir qədər qaldırıb
dedim. – Burda başda xalq qəhrəmanı Suyunbay Eraliyev olmaqla
329
tanınmış adamlar, qırğız ədəbiyyatı və incəsənəti, həmçinin siyasə-
tinin qaymaqları yığılıb. Siz indicə dediyiniz sözləri bir and kimi bi
cəmiyyətin qarşısında təkrar edə bilərsinizmi?
– Deyə bilərəm ki, Qırğızıstan Respublikası heç vaxt “qırğızıstan
milləti” ideyasını qəbul etməyəcək, - prezident əminliklə dedi.
– Çox gözəl. Siz əsl vətəndaş mövqeyi nümayiş etdirdiniz. Siz-
in haqqınızdakı bir qədər mənfi rəyimə yenidən baxmalı olacağam,
- deyə mən minnətdarlıqla onun əlini sıxdım.
Bu vaxt Qırğızıstanın “Müstəqil hərakat”-ının sədri Toktayım
Umetaliyeva mənə pıçıldadı: “Bir dəqiqəlik kənara çəkilə bilərik?”
Bizim yaratdığımız “Müstəqilliyin müdafi əsi” ictimai hərakatının
prezidium üzvü Bareta Erqaliyeva da onun yanında idi. Bareta mənə
danışmışdı ki, onun anası Kulan Xasenova Jambıl baytarlıq texni-
kumunda Çingiz Aytmatova qazax dili və ədəbiyyatından dərs deyib.
Yadımdadır ki, Respublika Sarayında keçirilən yaradıcılıq axşamım-
da o, məni anası ilə tanış etmişdi. Toktayım və Bareta bildirdilər
ki, Əskər Akayev iki dəfə zəng edərək Çingiz Aytmatovun dəfnində
iştirak etmək istədiyini bildirib, amma Kurmanbek Bakiyev buna
razılıq vermir. Əskər Akayev məndən xahiş edir ki, Bakiyevin buna
icazə verməsinə nail olum. Qazaxıstan səfi rliyinin məni müşayiət
edən müşaviri Boranbek Albergenov mənə pıçıldadı: “Hakimiyyət
öz qərarını dəyişməyəcək, boş yerə əziyyət çəkib Akayev üçün xahiş
etməyin!”
Mənim Bakiyevlə görüşümdən az əvvəl elə həmin həyətdə
ağsaqqalların arasında Akayev barədə söhbət gedirdi. “Hakimi-
yyət Akayevə bura gəlməyə icazə versə, Aytmatovun dəfn mərasi-
mi üsyana çevrilə bilər”, - bir alim dedi. Akayevin halına yansam
da, anlayırdım ki, heç bir müsbət nəticə almaq mümkün deyil, buna
görə də susdum. (“Qırğızıstan milləti” məsələsinə gəldikdə isə, Ayt-
matovun həyətində bu söhbətdən təxminən bir il sonra Ankarada
beynəlxalq simpoziumda bir qırğız siyasətçi “qırğızıstan milləti” id-
eyasının Bakiyev hakimiyyəti tərəfi ndən perspektiv dövlət planına
salınması barədə sənədin surətini mənə göstərdi. Mən sanki ildırım
330
vurmuş adam kimi halsız vəziyyətdə yerimə oturdum. Yəni doğru-
danmı Bakiyevin xalqın qarşısında mənə verdiyi söz gözdən pərdə
asmaqdan başqa bir şey deyilmiş?)
Əvvəlcə gözlənilirdi ki, Aytmatovun dəfninə Rusiyadan Putin,
Qazaxıstandan Nazarbayev, Özbəkistandan Kərimov, Tatarıstandan
Şaymiyev gələcək. Amma, sonra məlum oldu ki, prezidentlər öz nü-
mayəndələrini göndəriblər. Qazaxıstandan otuza yaxın ədəbiyyat,
incəsənət, elm və siyasət adamı gəlmişdi. Onların arasında Abiş
Kekilbayev, Şerxan Murtuza, Tursunbek Kakişev, Rımqali Nurqali,
Mereke Kulkenov, Akim Tarazi, Bolat abilov, Oraz Jandosov, Qalım
Jaylıbay, Raxımjan Otarbayev, Jarılkap Kalıbay, Talaptan Axmet-
jan, Uluqbek Esdaulet, Sautbek Abdraxmanov, Uteqen Oralbayev,
Alimjan kurtayev, Nesipbek Dautayev, Diyar Kunayev, Boribay Jek-
senbin, Askar Karesov, Toleubek Mukaşev və başqaları da var idi.
Onlar hamısı Aytmatova ünsiyyətdə olub, süfrə arxasında görüşüb,
əsərlərini qazax dilinə tərcümə edib və ondan öz qəzetləri, jurnalları
üçün müsahibə alıblar. Aydındır ki, onların hər birinin Aytmatovun
xatirəsinə həsr olunmuş matəm mitinqində nitq söyləməyə haqqı var
idi. Amma, onların arasında bir tanınmış yazıçı, həm Aytmatov, həm
də mənim üçün əqidə qardaşına çevrilmiş Raxımjan Otarbayev xü-
susi yer tuturdu. Neçə il ardıcıl olaraq Qazaxıstanın Qırğızıstanda-
kı səfi rliyində mədəniyyət attaşesi kimi çalışan bu şəxs iki ölkənin
mədəni əlaqələrinin inkişafına əhəmiyyətli töhfə vermişdi. Onun iki
dramı – “Əfəndi Abutalıb” və “Abay - hakim” Qırğız akademik dram
teatrında səhnələşdirilmiş və böyük tamaşaçı rəğbəti qazanmışdı.
“Abay - hakim” dramının premyerasında Aytmatov sıxış edərək iste-
dadlı dramaturqun yaradıcılığını yüksək qiymətləndirmişdi. Sonra
Şıken onun hekayələr kitabına ön söz də yazmışdı. Həmin matəm
mitinqində hiss olunurdu ki, Raxımjan böyük yazıçının ölümü ilə
barışa bilmir. O, ağlamaqdan gözləri şişmiş vəziyyətdə, dərin kədər
içində dayanmışdı. Rusiyadan, Özbəkistandan, Tatarıstandan da
xeyli yazıçı və alimlər gəlmişdilər. Danışmaq istəyənlər çox old-
uğu üçün Qırğızıstan rəhbərliyi qərar verir: “Hər respublikadan bir
331
nəfər danışacaq”. Qazaxıstan prezidenti adından yalnız dövlət katibi
Kanat Saudabayev danışmalı idi. Amma, qırğız qardaşlar “Aytmat-
ovun yaxın dostları adından” danışmaq üçün mənə də söz verdilər.
Mən Aytmatovun ölümünə həsr etdiyim “İki Çingiz və manqurtluq
faciəsi” şeirimi oxudum:
İki Çingiz ömür sürdü bu unutqan aləmdə
İki xaqan möhür basdı zamana.
İkisi də hünəriylə atəşiylə parladı
Birinin əlində qılınc, biri ruhlar fatehi.
İkisi də milyonlarla insanların övladı,
İkisini də unutmaz ulu qırğız dağları.
Biri şöhrət zirvəsinə qılıncıyla dırmanan,
Yer üzünü qana boğan ulu xaqan – Çingiz xan.
Digərinin tək silahı könülləri fəth edən,
Zülmə qarşı mədəniyyət sənəti.
Hər ürəkdə inci kimi parlayan,
Çağdaş Manas, böyük ədib Çingiz can.
Onun ucadadır “manqurt” masalı,
Buna görə könlümüz çox tasalı.
Manqurtlaşmaq günümüzdə yenilik,
Bütün xalqa yayıldı bu dəlilik.
Necə qurtularıq biz bu zillətdən?
Nə gözlənir manqurtlaşan millətdən?
Dil ulu anadır, unutmaq olmaz!
Unudanlar gec-tez anlar suçunu.
Bu anlamazların heç nəyi qalmaz,
İnsan oğlu dildən alır gücünü.
Dilini unudan millət yox olur,
Aytmatovlar bunun üçün savaşır.
332
Sən ölmədin, Çingiz ağam, ölmədin!
Hər əsərin ölkəmizdə minarə.
Yeddinci ruh alov-alov bağrında,
Dostum, ağam getdi, qaldım biçarə.
Ovulmaz könlümdə açılan yara!..
Sən xalqları birləşdirən körpüsən...
Sən Manassan, Mana kimi bəxtlisən,
Dərman oldun manqurtların dərdinə.
Torpaqda əbədi yuxuya daldın,
Tanrı dağlarında Çingiz dağ oldun!
Aytmatovun dəfnində olduğu qədər böyük insan kütləsini mən
nə Qırğızıstanda səfi r kimi çalışdığım on il ərzində, nə də sonralar
iştirak etdiyim başqa böyük toplantılarda görməmişəm. Hamının gö-
zləri yaşlı idi. İndiyə kimi “Uçurum üzərində ovçu fəryadı” kitabını
sinəsinə sıxmış bir rus qarısının sözləri yadımdan çıxmır. Böyük
yazıçını dəfn etmək üçün “Ata-Beit” qəbristanlığına tərəf gedən
insan selinin içərisində o, hönkür-hönkür ağlayırdı. Mənə baxıb o
ucadan dedi: “Allah sizə can sağlığı versin. İndi Aytmatovun sağ
qalan ən yaxın mənəvi dostu sizsiniz. Ona görə də baş sağlığımızı
qəbul edin...”
Çingiz Torekuloviçin atasının da dəfn edildiyi “Ata-beit”
qəbristanlığının mürəkkəb tarixi var...
Güllələnmiş 137 insanın qalıqları arasında 53 ildən sonra yal-
nız Torekul Aytmatov, Çingizin atasının güllələnmə yolu ilə ölüm
hökmünə məhkum edilməsi barədə kağız parçaları çürüməmiş qalıb.
Bunun arxasında nə sirr gizlənir? Əgər bu kağız parçaları tapılma-
saydı heç kim, heç vaxt güllələnmiş digər 136 nəfər haqqında da
heç nə bilməyəcəkdi. Bu hadisənin təfərrüatlarını bilmək üçün bu
mövzuda “Uçurum üzərində ovçu fəryadı” kitabındakı söhbətimizə
müraciət edək:
333
“ŞAXANOV. ...1938-ci ilin soyuq payızında Bişkek
yaxınlığında, Çon-Taşın dağətəyi hissəsində yerləşən NK-
VD-nin (DİXK - Daxili Işlər üzrə Xalq Komissarlığı) isti-
rahət evinin yanına bir neçə yük maşınında çoxlu insan
gətirib güllələdilər və cinayətin izini itirmək üçün əvvəl-
cədən qazılmış xəndəklərdə basdırdılar. Amma, İstirahət
evinin qarovulçusu Abıkan Kıdıraliyev kənardan bunu
görmüşdü. Uzun illər ərzində ağsaqqal günahsız insan-
ların öldürüldüyü yerə gedərək dualar oxuyurdu. Qo-
canın Bübüra adında qızı var idi ki, 1928-ci ildə doğul-
muşdu, yəni sizinlə yaşıd idi. Atası Bübüraya bərk-bərk
tapşırmışdı: “Yadında saxla, qızım, bu yerdə çoxlu insan
basdırıblar. Vaxt gələr bunu hamıya danışarsan. Hələliksə
heç kimə bir kəlmə də...” Qırğızıstan müstəqillik əldə edib
demokratiya yoluna qədəm qoyduqda isə Bübüsara xala
həmin hadisə barədə Dövlət Təhkükəsizliyi Komitəsinə
məktub yazır. Komitədə şöbə müdiri olan Bolot Abdrax-
manov peşə ləyaqətlərinin ləkələnməsini istəməyən bəzi
həmkarlarının müqavimətinə baxmayaraq ərazinin qa-
zılmasına nail olur. Faciə yerində 137 nəfərin qalıqları
aşkarlanır. Onların arasında üzərində sizin atanız To-
rekul Aytmatovun da güllələnməsi hökmünün qeyd olun-
duğu üç vərəq yarıçürümüş kağız tapılır. Arxiv sənədlərin
müəyyənləşdirməyə imkan verdi ki, həmin gün sizin atanı-
zla bərabər qırğız xalqının tanınmış simaları Cusup Ab-
draxmanov, Kasım Tınıstanov, Erkinbek Esenamanov,
İmanalı Aydarbekov, Bayalı İsakeyev, Asanbay Caman-
sarıyev, Osmonkul Alıyev, Sıdık Çonbaşev də qətlə yeti-
riliblər.
Bu dərd və kədər məkanına “Ata-Beit” (“Əcdadların
müqəddəs məkanı”) adı verdilər. Qalıqların yenidən dəfn
edilməsi üzrə təntənəli matəm mərasimində respublika
prezidenti Əskər Akayev də iştirak edirdi. Xüsusi olaraq
334
bu mərasimdə iştirak etmək üçün siz də Lüksemburqdan
gəlmişdiniz və nitq söylədiniz. İştirakçıların sözlərinə görə,
bu hadisəyə biganə qala bilən bir nəfər də yox idi. Preziden-
tin xüsusi fərmanı ilə 1995-ci ildən başlayaraq noyabrın 25-i
repressiya qurbanlarının anım günü elan edildi. Mərasim-
də biz bir yerdə idik. Sonu görünməyən insan axını var idi.
Sizin bacılarınız – Lüsiya və Roza əllərində matəm çələngi,
ağlamaqdan gözləri qızarmış şəkildə bizə tərəf gəlirdilər.
Gənclər isə qürurla əllərində cavan, əbədi olaraq 35 yaşın-
da qalmış qara saç, gözlərindən sanki ətrafdakı bütün in-
san kütləsini ovunduracaq qədər mehribanlıq yağan bir
insanın portretini aparırdılar. Bu Torekul Aytmatovun
şəkli idi. Öldürüləndə o, sizdən - ağ saç, həyatın bütün sın-
aqlarından ləyaqətlə çıxmış, şöhrətin zirvəsinə yüksəlmiş,
atasının fəxr edə biləcəyi oğuldan iki dəfə cavan idi.
AYTMATOV. Hə, 53 ildən sonra 137 nəfərin qalıqları
arasından tapılan atamın ölüm hökmü məni sarsıtmışdı.
Möcüzədir ki, atamın döş cibində olan bu üç kağız parçası
insan sümüklərinin, dəmirin də yoxa çıxdığı bir müddət -
yarım əsrdən də çox keçməsinə baxmayaraq çürüməmişdi.
Allah böyükdür! Gec də olsa ədalət yerini tapdı. Qoy bir
də heç kimə bizim o illərdə keçirdiyimiz yuxusuz gecələr
qismət olmasın, heç kim bizim kimi alçaldılmasın, Allah
heç kimə bizim keçirdiyimiz hissləri - ədalətsizliyə qa-
rşı gücsüzlüyünü anladığın üçün içəridən ürəyi dağlayan
ağrı-acını yaşamağı nəsib etməsin”.
Bir dəfə “Ata-Beit”-ə gedərkən yolda Aytmatov dedi: “Muxtar,
bilmirəm niyə, amma sanki hansısa sehrli qüvvə məni “Ata-Beit”-ə
çəkir, bəlkə ona görə ki, mənim atam burda dəfn olunub?”
Üç-dörd aydan sonra o, bu sözləri təkrarən dedi. Yəqin bu in-
tuisiya imiş... Budur, indi də biz onun nəşini “Ata-Beit”-ə, vaxtilə
onun atasının da əbədi məskunlaşdığı məkana aparırıq...
335
Bu yaşıma kimi yüzlərlə, minlərlə, hətta on minlərlə adam-
la söhbət eləmişəm, dövlət işləri və ya ictimai işlərlə bağlı
məsləhətləşmişəm, onların çoxu ilə bir yerdə yeyib-içmişəm, sevin-
mişəm, kədərlənmişəm... Mənəvi silahdaşlarım da çox olub. Amma,
qırğız xalqının bu böyük oğlundan başqa heç kimlə qəlbimin, şüuru-
mun dərinliklərində gizlənən, yeddinci hiss səviyyəsində duyduğum
məsələlər barədə çox məzmunlu söhbətlər aparmamışam. Biz
bir-birimizin üzərinə heç vaxt yazmadığımız, amma düşüncələrim-
izə hakim kəsilən o qədər fi kirlər, ideyalar və sirrlər axıdırdıq ki...
Onu qara torpağın ağuşuna verərkən qəlbimə kədərli, ilahi bir sakit-
lik çökdü. Elə bir hiss keçirirdim ki, sanki kimsə məni ucsuz-bu-
caqsız səhralıqda tək-tənha qoyaraq gedib.
Qırğız Everesti... və onun qarşısını kəsmək istəyən qara bulud-
lar, - biz bu xatirələrdə bunlar barədə danışdıq. İndi əzəmətini bütün
dünyanın etiraf etdiyi bu Qırğız Everestinin heç kimin ləkələyə
bilməyəcəyi başqa həyatı başlayıb. İnanırıq ki, bu gün təkcə qırğız
dağları və qazax çöllərində deyil, bütün dünyada maddi sərvətlər,
yəni “qarın” maraqlarının ön plana keçdiyi, insanı insan edən mənəvi
dəyərlərin isə arxa sıralara sıxışdırıldığı bir dövrün sonu çatacaq.
Və onda heç şübhəsiz ki, Qırğız Everestinin yeni erası başlayacaq.
Hələliksə o, fəth etdiyi mənəviyyat və intellekt zirvəsindən qayğılı
və fi kirli halda bizi seyr edir...
Avqust 2010 – may 2011.
336
İÇİNDƏKİLƏR
Vəli Əkbər. Özünə baxış üçün güzgü. (Muxtar Şaxanovun
«Həqiqət formulu və sevgi everestinin fəthi» kitabı barədə»). .......
.........................................................................................................3
Unikal xasiyyət. ........................................................................... 6
Brejnevə 73 alqiş. Sov.IKP MK Siyasi Bürosunun
taqətsiz qocalari və Suslovun qəzəbi. ........................................ 8
«…Allah saxladı, az qala Qırğızıstanın prezidenti olacaqdım».
....................................................................................................... 14
Saykal. ......................................................................................... 17
AY - ayaqqabi yalayanlar, Xruşov və Kim Ir Sen,
Aytmatovun Türkmənbaşiya zəng etməsi, Səddam Hüseynin
portretləri, adamyeyən prezidentlər və ya bizdə də Türkmənbaşini
Allahla bir edən Jutdiyev kimilər çoxdur. .................................18
Qopmuş düymə. ........................................................................... 55
İki prezidentlə birlikdə və ya Jambılın
bayramında kədər. ....................................................................... 57
Çingiz Aytmatovun “Çingizxan” rok qrupu ilə səhv salınması.
20 dəqiqənin 8 dəqiqə ilə əvəzlənməsi, YUNESKO-nun forum-
larında mənzum hesabatlar və alman torpağında “azarkeşlər”
....................................................................................................... 59
Etjemes Eşimov ........................................................................... 73
Yevtuşenkonun poeziya axşamı. Aytmatovla mən “Yat, sevgilim”
və “Hər görkəmsiz olan – mənasız deyil” şeirləri söylənərkən
necə yuxuladıq. ....................................................... .................... 75
“Literaturnaya qazeta”- da təqdimat. Moskva biznesmenlərinin
bağişladiği iki mənzil. Almatıda A.Voznesenski, C.Eşberi
və mənim keçirdiyimiz, amma camaatın gəlmədiyi poeziya gecə-
si. .................................................................................................. 85
Yaltaqlığın acısı barədə Heydər Əliyevlə söhbət. ................... 90
«Bacarsan, bağışla…» ................................................................ 99
337
Süleyman Dəmirəllə açıq söhbət və Aytmatovun layiq görülmədi-
yi Nobel mükafatı...................................................................... 101
Almatıda yaradıcılıq axşamı... Baurjan Momışulı barədə
xatirələr və aşiq qadınların məktubları ...................................107
Şımkentdə Aytmatov adına məktəb. Niyə at insandan daha
mərddir?..................................................................................... 117
İslam Kərimov və qohum qan genofondu. .............................. 133
Stokholmdan gətirilmiş ilan əti. ............................................... 137
Corc Sorosla görüş. Tükənməz var-dövlətin problemi.
28 milyardın sahibi piyada gəzir və ya həqiqi xoşbəxtlik zirvəsinə
aparan yeganə yol. .................................................................... 139
Kral və onun xanımı. Səksənbayların və Doxsanbayların doğul-
ması halları. Dekabr üsyanını yatırmaq üçün yetimlərdən təşkil
olunan hərbi dəstə ..................................................................... 151
Çingiz Aytmatov Çingizxanla bağlı
mübahisələrdə. ........................................................................... 165
Musrepovun iki qəhrəmanlığı və uğursuz məhəbbəti barədə.
Qeyri-adi zövqün bəlası və ya Hacımukanlar və bildirçin iste-
dadı barədə düşüncələr. “Cinayətkarların” DYP əməkdaşları
tərəfi ndən saxlanılması. ............................................................ 200
Iki nəfərin dostluğu. SSRI prezidentindən Konstitusiya
Məhkəməsinə şikayət və Qorbaçov qazax xalqından necə
üzr istədi. Raisa Maksimovna ilə söhbət və Yeltsin haqqında
xatirələr ...................................................................................... 219
Infarkt. Aytmatovun, Dəmirtaşın və Türkiyə
hökumətinin köməyi. Mariya Urmatovnanın
Bübüsara barədə fi kirləri ........................................................ 250
Aytmatovun böyük məhəbbəti. ................................................ 255
Həqiqət və manqurtlaşdırmanın sirri. .................................... 280
Aytmatovla vida. Qırğızıstan prezidenti K.Bakiyevlə
“qırğızıstan milləti” barədə söhbət. Akayevin telefon zəngi və
qırğız Everestinin “Ata-Beit”
qəbristanlığında dəfni............................................................... 325
338
Muxtar Şaxanov
HƏQİQƏT FORMULU
VƏ MƏHƏBBƏTİN
EVEREST ZİRVƏSİ
Dostum-qardaşım Ç.Aytmatov barədə esse
Dostları ilə paylaş: |