Kodirova nigora shaydullayevna yoshlarda huquqiy ongni rivojlantirishning usullari

Magistrlik dissertatsiyasining asosiy masalalari va farazlari. Magistrlik dissertatsiyasini tayyorlash jarayonida quyidagi masalalar va farazlar aniqlanib, yoritildi:

• 
  huquqiy ong muayyan tuzilishga ega bo‘lib, uning tarkibiy bo‘g‘inlarini o‘rganish, o‘z navbatida, mazkur ijtimoiy-siѐsiy hodisani tavsiflovchi barcha xususiyatlarni tahlil etish imkonini berishi;
  
• 
  huquqiy ongning shakllanish jarayoni quyidagi uchta usul va vositalar, ya’ni huquqiy targ‘ibot, huquqiy tarbiya va huquqiy ta’lim ѐrdamida amalga oshirilishi;
  
• 
  fuqarolarning huquqiy ongini shakllantirish fuqarolik jamiyatining muhim instituti hisoblangan jamoat tashkilotlarining asosiy ijtimoiy funksiyalaridan biri hisoblanishi.
  

Tadqiqot mavzusi bo‘yicha adabiyotlar sharhi. Mazkur magistrlik dissertatsiya mavzusi borasidagi adabiyotlar muallif tomonidan 3 guruhga bo‘lib o‘rganildi.
Birinchi guruhga mavzuning ilmiy-metodologik va meyoriy-huquqiy asoslarini tashkil etuvchi adabiyotlar kiritildi. Bular jumlasiga O‘zbekiston Respublikasi Birinchi Prezidenti I.Karimov² va Prezident Sh.Mirziyoyevning³ asarlari, shuningdek, O‘zbekiston Respublikasi Prezidenti farmon va qarorlarini⁴, O‘zbekiston Respublikasi Vazirlar Mahkamasining qarorlarini⁵ kiritish mumkin.
Ikkinchi guruhga xorijlik olimlardan N.N.Voplenko⁶, Y.A.Dmitriyev⁷, A.N.Golovistikova⁸ hamda K.T.Belskiy⁹ tadqiqot ishlarini kirita olamiz.
Uchinchi guruhga yoshlarning huquqiy ongini shakllantirish jarayonini va huquqiy ta’lim-tarbiya, huquqiy madaniyatni rivojlantirish bo‘yicha ilmiy-tadqiqot ishlarini olib borgan O‘zbekistonlik tadqiqotchi va mutaxassislar A.A.Azizxo‘jayev¹⁰, G.Achilova¹¹, Z.M.Islomov¹², O.A.Karimova¹³, X.Mamatov¹⁴, O.T.Nasiriddinova¹⁵, X.Odilqoriyev¹⁶, Y.S.Sadikova¹⁷, A.Saidov va U.Tadjixanov¹⁸ tadqiqot ishlarini kiritishimiz mumkin.