28
IP – qovluqlarda yerləşdirilən xüsusi hazırlanmış komputerlər İnternet
vasitəsilə informasiyanı hərəkət etdirmək üçün IP-dən (İnternet Protocol –
İnternet Protokolu) istifadə edirlər. Bu zaman kiçik informasiya paketlərində
komputerlərin IP ünvanları göstərilir ki, bunun da köməyi ilə informasiya
müəyyən olunmuş ünvana çatdırılır. IP ünvanı bir-biri il nöqtələrlə ayrılmış
dörd nömrədən ibarətdir. Məsələn, Macintosh firmasının fərdi komputerləri
198.70.150.9 IP ünvanına malikdir.
TCP (Ötürmənin idarə olunması protokolu) İnternet vasitəsilə göndəriləcək
informasiyanın kiçik paketlərə hansı şəkildə bölünməsini təyin edir. Daha
doğrusu, müxtəlif vaxtlarda göndərilmiş müəyyən sayda kiçik paketlərdən
ibarət informasoyaların eyni zamanda istifadəçiyə çatdırılmasını təhlil edərək
tənzim edir.
Qeyd edildiyi kimi, İnternet informasiya mübadiləsi üçün istifadə edilən
komputerlərin İP ünvanları vardır. Sözsüz ki, nömrələrdən ibarət olan ünvanları
yadda saxlamaq qeyri-mümkündür. Belə çətinliyi qismən də olsa aradan qaldırmaq
məqsədilə İnternetdə istifadəçi üçün əlverişli olan ünvanlar sistemindən istifadə
edilir ki, burada ünvan domenin adı ilə göstərilir (domenin adı İnternetdə konkret
komputerə verilən unikal addır). Məsələn, Microsoftun domeni microsoft.com kimi.
Aydındır ki, insan üçün müxtəlif qrup rəqəmlərdən ibarət ünvanı yadda
saxlamaq domenin adını yadda saxlamaqdan çətindir. Bu komputer üçün əlverişli
olduğundan xüsusi serverlərin köməyi ilə domenlərin adları IP ünvanlara çevrilir.
TCP/IP-nin iş prinsipi İnternetə qoşulmuş istifadəçinin məlumatını,
sənədlərini və fayllarını kiçik informasiya paketləri vasitəsilə uzaq məsafədə
yerləşən nöqtələrə göndərməkdir. Kiçik paketlərə bölünmüş informasiya İnternet
xətlərində bir-birindən asılı olmadan göndərilir. Bundan başqa, paketlərdə verilənlər
nişanlanırlar ki, bunun köməyi ilə qəbul olunma ardıcıllığı pozulsa belə, nəticədə
komputer nişanlara uyğun informasiyanı qəbul edir. Əgər göndərilən informasiya
müəyyən olmayan səbəbdən xətdə itərsə, komputer həmin informasiyanı nişanın
29
köməyi ilə təkrarən sorğulayır və göndərilən informasiyaya uyğun olan məlumatı və
ya faylı bərpa edir.
Komputer qovşaqları dünyanın bütün ölkələrində vardır və onların sayının
dəyişməsi onu göstərir ki, İnternet qlobal varlıqdır və ona qoşulanların sayı getdikcə
artmaqdadır. Komputer qovşağı İnternetdə özünəməxsus ünvana malikdir. Ünvanın
funksiyası analoji olaraq ev və ya iş ünvanına uyğundur. Əsas məqsəd bir nöqtədən
digərinə informasiya göndərərkən informasiyanın ünvana çatdırılmasıdır.
İnternetdə komputerləri ünvanlamaq üçün DNS (Domain Name System) adlı
domen sistemindən istifadə edilir. Ünvanlar rəqəmlər və adlar ardıcıllığı kimi təqdim
oluna bilər. İnternetdə komputerlər verilənləri göndərmək üçün rəqəmli
ünvanlardan, insanlar isə adlarla olan ünvanlardan istifadə edirlər.
DNS adlı domen sisteminin meydana çıxması hökumət orqanları tərəfindən
şəbəkənin inkişafı üzərində nəzarətin itirilmasinə gətirib çıxarmışdır. Elə bu
zamandan etibarən öz-özünə inkişaf edən, qeyri-mərkəzləşdirilmiş ierarxik struktur
olan İnternet anlayışı meydana gəlmişdir.
14.
QLOBAL ŞƏBƏKƏLƏR
Müasir dövrdə müəssisələrin genişlənməsi onların biznes proseslərinin
informasiya təminatını və avtomatlaşdırılmasını yerinə yetirən kompüter
şəbəkələrinin genişlənməsi baş verir. Bunun nəticəsində də müxtəlif kompüterlərin
daxil olduğu lokal şəbəkələrin müəssisə, rayon, şəhər, ölkə, region, dünya
miqyasında müxtəlif əlaqə kanalları vasitəsilə birləşdirilməsi tələbatı yaranır.
Beləliklə, qlobal şəbəkə - böyük məsafələrə paylanmış və müxtəlif nöqtələrdə
birləşdirilmiş ayrı-ayrı kompüterlər və lokal şəbəkələr toplusudur. Tipik qlobal
şəbəkə özündə telefon xətti və ya uzaqlaşdırılmış əlaqə vasitələri ilə birləşdirilmiş
hər iki tərəfindən marşrutlayıcıya malik lokal şəbəkədir.
30
Əlaqə kanallarının uzunluğunun böyük olmasına görə qlobal şəbəkələrin
qurulması böyük xərclər tələb edir, buraya kabellərin və onların çəkilmə işlərinin
qiyməti, kommutasiya avadanlıqlarının və kanalın lazımi keçirmə zolağını təmin
edən aralıq gücləndirici qurğuların xərcləri, həmçinin böyük ərazilərdə yayılmış
şəbəkə qurğularının işçi vəziyyətdə saxlanması və istismarı xərcləri də daxildir.
Qlobal şəbəkələr adətən böyük telekommunikasiya şirkətləri tərəfindən abonentlərə
pullu xidmət etmək üçün yaradılır.
Qlobal şəbəkələrin qiymətinin baha olmasını nəzərə alaraq istənilən tip verilənləri:
kompüter verilənlərini, telefon danışıqları, fakslar, teleqramlar, televiziya görün-
tüləri, teletekst (iki terminal arasında verilənlərin ötürülməsi), videotekst (şəbəkədə
saxlanılan verilənlərin öz terminalına götürmək) və s. verilənləri ötürə bilən vahid
qlobal şəbəkənin yaradılma tendensiyası meydana gəlmişdir. ISDN- telekom-
munikasiya xidmətinin inteqrasiyası üçün ilk texnoloqiya 70-ci illərin əvəllərindən
inkişaf etməyə başlayıb. Hansı komponentlərin arendaya götürülməsindən asılı
olaraq korporativ şəbəkələrdə aşağıdakı əlaqə növlərindən istifadə olunur:
-ayrılmış kanallar;
-kanalların kommutasiyası;
-paketlərin kommutasiyası.
Ayrılmış kanallar. Ayrılmış əlaqə xəttlərindən iki üsulla istifadə etmək olar.
Birincisi, arendaya götürülmüş ayrılmış xətlər müəyyən ərazidə paylanmış aralıq
paket kommutatorlarının birləşdirilməsinə xidmət edir, məsələn, Frame Relay
şəbəkəsində olduğu kimi.
İkincisi, ayrılmış xətlərlə ancaq lokal şəbəkələrin və ya başqa növ abonentlərin,
məsələn, tranzit paket kommutarları qurmadan qlobal şəbəkə texnologiyası ilə
işləyən meynfreymlərin birləşdiilməsidir, ayrılmış kanallar abonentlərin daimi
kommutasiyası üçün hansı tip kommutasiya qurğusundan- FDM(Frequency
Divizion Multiplexing-tezliyə görə sıxma) və ya TDM(Time Divizion
Multiplexing- vaxta görə sıxma)-dən istifadə edilməsindən asılı olaraq analoq və
rəqəm tipinə bölünür.
Dostları ilə paylaş: |