31
Rəqəm tipli ayrılmış xətlərdə fiziki səviyyənin protokolu G.703 standartı ilə təyin
olunub.
Analoq və rəqəm tipli ayrılmış kanalların kanal səviyyəsində HDLG(High-level
Data Link Control –kanal səviyyəsində verilənlərin ötürülməsinin idarə edilməsi
protokolu) ailəsindən olan PPP(Point to Point Protokol) protokolundan istifadə
edilir.
Ayrılmış analoq tipli kanallar istifadəçiyə 4-naqilli və ya 2-naqilli çıxışlarla təqdim
olunur. 4-naqilli kanallarda dupleks əlaqənin təşkili daha sadə üsulla yerinə yetirilir.
Verilənlərin saniyədə bir neçə qiqabit analoq xətləri vasitəsilə ötürülməsi üçün
siqnalların analoq modulyasiyası metodu əsasında işləyən modemlərdən istifadə
olunur.
Kanalların kommutasiyası ilə işləyən qlobal şəbəkələr. Korperativ şəbəkədə
qlobal əlaqələrin qurulması üçün 2 növ xətlərdən – ənənəvi analoq tipli telefon
şəbəkələri və İSDN xidmətlərini yerinə yetirən rəqəm tipli şəbəkələrdən istifadə
etmək mümkündür. Kanalların kommutasiyası şəbəkələrinin üstünlüyü onların geniş
yayılmasıdır, bu da əsasən analoq telefon xətləri üçün xarakterikdir. Son zamanlar
İSDN şəbəkələrindən bir çox ölkələrdə korporativ istifadəçilərin də istifadə etməsi
mümkün olmuşdur. Analoq telefon şəbəkələrinin çatışmamazlığı tərkibindəki
kanalın aşağı keyfiyyətli olmasıdır.
Paket kommutasiyalı qlobal şəbəkələr. Bu şəbəkələr paketlərin kommutasiyası
şəbəkələrində siqnal və verilənlərin ötürülməsi protokolunu təyin edən X.25
standartı ilə işləyən şəbəkələrdir. Burada hər bir paket verilənləri ötürən və qəbul
edən kompüterlər haqqında informasiyanı özündə cəmləşdirir. Bu interfeys OSİ-nin
üç səviyyəsini- fiziki, kanal və şəbəkə səviyyələrini əhatə edir.
Paket şəbəkə vasitəsilə ötürülməzdən əvvəl şəbəkənin abonentləri – terminalları,
marşrutizatorları və ya komputerləri arasında virtual əlaqə qurmaq lazımdır.
Qlobal şəbəkələrdə məlumatın ötürülməsi zamanı onun çatacağı son ünvanın
əvvəlcədən məlum olması gərəkdir. Bu şəbəkənin mürəkkəb struktura malik olması
və çoxlü sayda ötürümə marşrutlasrının mövcudluğu ilə izah edilir. Bu səbəbdən də
32
qlobal şəbəkələrdə informasiya mübadiləsində informasiya paketlərinin ötürən
sistemdən, onun ünvanlandığı sonuncu sistemə qədərki marşrutunu izləyə biləcək
şəbəkə protokollarından istifadə edilməsi tələb olunur.
Şəbəkə səviyyəsi protokolu verilənləri nəqliyyat səviyyəsindən alaraq
deytaqramlara yığır və öz məxsusi başlığını oraya əlavə edir. Kanal səviyyəsi
protokolunun başlığında olduğu kimi şəbəkə səviyyəsi protokolunun başlığı da
özündə alıcı sisteminin ünvanını saxlayır, lakin bu ünvan informasiya paketinin
göndərildiyi son yeri identifikasiya edir. Şəbəkə səviyyəsi protokolları verilənlər
paketinin göndərildiyi son ünvanı göstərmək üçün müxtəlif tipli ünvanlar
sistemindən istifadə edir. Lakin şəbəkə protokolları içərisində ən çox istifadə ediləni
TCP/İP protokollar stekinə aid İP (İnternet Protocol- şəbəkələrarası protokol)
protokoludur. O, birində alıcı sistemi, digərində göndərən sistem yerləşən iki
şəbəkəni identifikasiya edən 32-dərəcəli ünvanlar fəzasını təmin edir.
Ayrıca şəbəkəni müəyyənləşdirməyə imkan verən və şəbəkə protokolunun
əsas funksiyasının yerinə yetirilməsi üçün vacib olan ünvan marşrutlaşdırma adlanır.
İnformasiya paketi qlobal şəbəkədə hərəkət edərkən, alıcı sistemə çatana gədər bir
marşrutlaşdırıcıdan digərinə ötürülür.
Etibarlılıq baxımından qlobal şəbəkələr elə qurulur ki, ünvanlanmış yerə
hərəkət üçün həmişə birdən artıq marşrut olsun. Hər bir marşrutlayıcı informasiya
paketinin təyin olunmuş yerə məqsədəuyğun olaraq çatmasını təmin edəcək növbəti
marşrutlaşdırıcını müəyyənləşdirir. Aydın olur ki, kanal səviyyəsi protokolu lokal
şəbəkə xaricində olan heç bir şeyi nəzərə almır və beləliklə də informasiya paketinin
keçəcəyi marşrut bütövlüklə şəbəkə protokolu tərəfindən müəyyənləşdirilir.
Şəbəkə səviyyəsi informasiya paketlərinin göndərilməsi prosesinə cəlb
edilmiş iki tip kompüterləri müəyyənləşdirir: aralıq sistemlər və sonuncu
sistemlər. Aralıq sistemlər iki və ya daha çox şəbəkəni birləşdirən paketləri təyinatı
üzrə istiqamətləndirən marşrutlayıcı və ya kommutatordur. Sonuncu sistem ya
paketi yaradan və göndərən, ya da paketi alan kompüterdir. Sonuncu sistemlərdə
protokollar stekinin bütün yeddi səviyyəsi paketlərin yaradılması və alınmasına cəlb
33
edilirlər. Aralıq sistemlər paketləri emal edərək, stek üzrə şəbəkə səviyyəsinə qədər
özündən yuxarıdakı səviyyələrə ötürürlər
Hazırki dövrdə ən geniş istifadə olunan və daha geniş istifadəçi kütləsinə malik olan
qlobal şəbəkə İnternet şəbəkəsidir.
15.
İNTERNETİN YARANMA TARİXİ
İnternet - əlaqələrin qlobal sistemi olub, şəbəkəyə qoşulmaq üçün proqram və
apatar vasitələrinə malik istifadəçilərin daxil ola biləcəkləri iri həcmli informasiyanı
özündə saxlayan çoxlu sayda yüksəksürətli kompüter şəbəkələrini birləşdirir.
İnternet birsincli sistem deyil, əksinə yer kürəsinin istənilən nöqtəsinə informasiya
axımlarını ötürmə imkanına malik olan müxtəlif şəbəkələr qrupudur. Bu səbəbdən
də İnterneti çox vaxt “şəbəkələr şəbəkəsi” adlandırırlar.
İnternet Standarts, RFC 1310.2 İnterneti avtonom, bir-biri ilə qarşılıqlı fəaliyyət
göstərən beynəlxalq informasiya əməkdaşlığı kimi müəyyənləşdirir. Bu əməkdaşlıq
aşıq protokol və prosedurlara könüllü riayət olunması əsasında maşınlararası
qarşılıqlı əlaqələri təmin edir.
İnternetin yaranması ABŞ-nın Perspektiv Planlaşdırma İdarəsi-ARPA
(Advanced Research Procejects Agency) tərəfindən paket komutasiyalı şəbəkə
vasitələrinin dözümlülüyünuün sınağı layihəsi kimi başlanmışdır. ARPA-nın fikrinə
görə bu sınaq şəbəkəsi komutasiya qovşaqları arasında icarəyə götürülmüş əlaqə
xətlərindən ibarət olmalı idi. Şəbəkə ARPANET adlandırılmış, onda olan
komutatorlar isə şəbəkələrarası məlumatlar prosessoru adını almışdır. Əvvəlcə
ARPANET-də dörd komutator olmuşdur: Los-Anceles və Santa-Barbaradakı
kaliforniya universitetlərində, Stenford elmi-tədqiqat institunda və Yuta ştatınındakı
universitetdə. Kommutator kimi Honeywell-316 mini kompüterləri istifadə edilirdi.
Dostları ilə paylaş: |