41
mərkəzində onun sahibi Samçi oturur. Onun eynən insanlarda olan
evə bənzr evi, arvadı və uşaqları var (Хлопина, 1978, с. 70). Gö-
yün elə həmin qatında Ülgenin ağ-boz rəngli, “Ağbozat” adlı atının
qamçısı – şimşək yerləşir. Ülgen atını qamçlayanda şimşək çaxır
(Хлопина, 1978, с. 71-73). Göyün ikinci və beşinci qatlarında göy
qurşağının ayrı-ayrı hissələri – göy, qırmzı, boz və mavi qurşaqları
yerləşir. Altıncı qat “Qırmızı göy” adlanırdı. Orada qırmzı rəngli
qadınlar yaşayır, fəqət onlar haqqında bir şey məlum deyil.
Yeddinci göydə ay və ulduzlar, səkkizinci göydə isə günəş
yerləşir. Ülgen doqquzuncu qatda oturur. Ora daim işıqlı və isti-
dir. Oradakı otlar heç vaxt qurumur, gül və çiçəklər solmur.
Heyvanların isə sayı-hasabı yoxdur. Ülgenə yönələn ovsun-dua-
larda onda rifah və bolluq istənilir. O da istədiyin bunları göy-
dən endirir (Хлопина, 1978, с. 71-73).
Şorların inanclarına görə, şamanları Ülgenin özü seçir. Onları
nişanlayır və onlara əlamətlər verir. Bu əlamətlər “artıq sümük”, əl
və ya ayağın barmağında böyük düyüncük, qulağın aşağı hissəsində
deşik və çuxurcuq və s. ola bilər (Хлопина, 1978, с. 77). Ülgenin
icazəsi olmadan şaman təbilə sahib ola bilməz. Bu barədə icazəsini
o, Puqas dağının ruhu vasitəsilə çatdırır (Хлопина, 1978, с. 81).
Ülgenin yanına səyahət edən şaman öncə doqquz dağ aşma-
lı və onların hər birinin ruhuna qurbanlar verməlidir. Həmin
dağlar bunlardır: Mras-su, Üst Kobıray, Azır, Kiçik Gelen-Tay-
qe, Uluq göllü, Sarıq-taype, Şaüçak və s. Şamanın yolu Altın
göldən və Altın Mergen dağ silsiləsindən keçir. O. Göyə Şakçak
dağından yüksəlir. Bu Ülgenin xanlığına aparan yolun üzərində-
ki son dağdır (Хлопина, 1978, с. 85, 87).
A.Anoxinin yazdığına görə, şorlar Ülgen və Erliyin eyni
gücə, qüdrətə və hakimiyyətə sahib olduqlarına inanmışlar
(АИЭ АН СССР (ЛО), ф. 11, д.101, л. 4). İ. Xlopin isə bildirir
ki, şorların Ülgenə qurban verməsi eynən altaylıların mərasimlə-
rini xatırladır (Хлопина, 1978, с. 89).
İnama görə, Ülgen onun yanına merac edən şamanlara bəzi
mənbələrdə “Bura”, digər mənbələrdə isə “Büraq” adlandırılan
doqquz mifik at göndərirdi. Bu atlarla yalnız Ülgenin yanına get-
42
mək mümkün idi. Daha doğrusu, onlar yalnız bu məqsəd üçün
nəzərdə tutulurdu. A.Anoxin, eyni zamanda, yuxarı dünyanın
digər sakinlərinin də adlarını qeydə almışdır. Bunlar Damqıraktu
Dajızı kan, Sarı Çalıq Töös, Tooçi xan və Kanım töös idilər
(АИЭ АН СССР (ЛО), ф. 11, д.101, л. 22, 41-42). Bunlardan bi-
rincisinə aşağı kumandı soyları da sitayiş edir, onu Ülgenin oğul-
larından biri hesab edirdilər ki, bu barədə yuxarıda məlumat ver-
mişik. Sarı Çalıq töös kumandılarda “Şalıq” adı altında yad edilir
və ovçuluq tanrıçası kimi qəbul edilir. Kumandılar Kanım töösü
isə meşənin sahibi hesab etmişlər (Сатлаев, 1974, с. 147-148).
Şorlar Ülgenin oğlunu “Şor Teqri” (Şorların Tanrısı) adlan-
dırırdılar. O, şor şamanlarının əsas köməkçisi hesab edilirdi
(АИЭ АН СССР (ЛО), ф. 11, д.101, л. 43-44). Bəzi şaman ov-
sun-dualarından isə belə məlum olur ki, şamanların göyün hər
bir qatnda bir köməkçisi varmış. Bunlardan aşağı qatlarda olan-
lar zəif, yuxarı qatlarda olanlar isə güclü köməkçilər hesab edi-
lirdilər. N. P. Dırenkovanın topladığı materiallardan belə aydın
olur ki, Ülgen şamanlara təkcə təbil verməklə yetinməmiş, eyni
zamanda, hansı şamanın neçə təbilə sahib olmalı olduğunu, on-
lardan neçə müddət istifadə edə biləcəyini də müəyyənləşdirmiş-
dir (АИЭ АН СССР (ЛО), ф. 11, д.101, л. 8, 16).
N.Katanovun tıvalılardan topladığı variantlarda göylərin sayı
fərqlidir. Onun məlumatlandırıcılarından (informator) biri bu sayı
33, digəri isə 99 kimi göstərmişdir (Катанов, 1907, с. 16, 31).
Tuva türklərinin inanclarına görə, yuxarı dünyada Burxan (Tanrı)
yaşayr. O hər şeyin yaradıcısı və sahibidir. İnsanların övladları və
mal-dövləti ondan qaynaqlanır (Катанов, 1907, с. 47).
Tıva türkləri ölən yaxşı adamım ruhunun 49 günə Burxanın
dərgahına yüksəldiyinə inanırdılar. Orada o yenidən doğulmalı-
dırsa, yerdə yeni doğulan bir uşağın bədəninə göndərilir, ölməli-
dirsə, ölür (Катанов, 1907, с. 15). Burxan orta dünyanı daim nə-
zarəti altında saxlayır və insanları onlara pislik etmək üçün aşağı
dünyanın yer üzünə qalxmış bədxah ruhlardan ildırım və şimşək
çaxdırmaqla qoruyur (Катанов, 1907, с. 31).
43
Q.Potanin qeydlərindən isə tıvalıların göylərdə yaşayan ildı-
rımlar və şimşəklər tanrıçasına da sitayiş etdikləri məlum olur.
Onun topladığı materiallarda bu mifik varlıq Kuday-Kayrakan və ya
Ulu Kayrakan adlanır (Потанин, 1883, с. 186). Buradakı “Kuday”
termini Altay-xakas miflərində yuxarı dünyanın başçısı kimi çıxış
edən Kudayın adının eynisidir. Maraqlıdır ki, tıvalılar şimşəyin
mənşəyini təkcə yuxarı dünyanın başçısı ilə bağlamamışlar. Eyni
zamanda hesab etmişlər ki, uçan və uçarkən quyruğunu bərk- bərk
yelləyən əjdaha da ildırım saçır. Göy gurultusu onun qışqırığından
yaranır. Bu əjdaha saçdığı şimşəklə insanları və heyvanları öldürür.
Amma o insan və heyvanları öldürür ki, onlar ona göydə lazım-
dırlar. Onun oxu insan ürəyinə bənzəyir (Катанов, 1907, с. 31, 82).
Əjdaha haqqında məlumatlara V. Dyakonovanın da qeydlə-
rində rast gəlinir. Onun topladığı materiallarda tıvalılar həmin
əjdahaya “Luu” deyirdilər (Дьяконова, 1976, с. 287).
Tıvalıların inanclarna görə, qüdrət sahibi olan şamanlar öz
vergilərini göydən alır. Şaman “xəstəliyinə” isə üzərlərinə göy
qurşağı düşdükdə tutulurlar (Кон, 1934, с. 24; Дьяконова, 1981
б, с. 133). Bu isə o zaman baş verir ki, insan Oran əəzi (kainatın
sahibi) ilə təmasda olur (Дьяконова, 1981 б, с. 133). Tuva şa-
manları iddia edirdilər ki, onlara yuxarı dünyaya qalxmağa göy
qurşağının sahibləri yardımçı olurlar (Дьяконова, 1981 б, с. 147).
Şamanların kömkçilərindən biri də Ak Əərən (ağ ərən) idi.
Şamanlar bu mifik varlığa böyük hörmətlə yanaşır və yuxarı
dünya sakinləri ilə onun vasitəsilə əlaqə saxlayırdılar. Onun rəs-
mi Tıva və Altay şamanlarının əsas simvollarından biri hesab
edilirdi (Дьяконова,1981 a, с. 143). N. Alekseyevin fikrincə,
Ak Əərən altaylıların Dayıkı ilə eyni şey olmuşdur (Алексеев,
1984, с. 45). V. Dyakonovanın topladığ materiallardan şamanla-
rın daha bir köməkçisinin də adı məlum olur. Bu, Kırqız Ərəndir
(Дьяконова, 1981 б, с. 147).
Teleutların da inanclarna görə, aşağı dünyanın sahibi Erlik-
dir. Onlar bu mifik varlığı “Adam” (mənim atam) da adlandrır
və ona böyük hörmətlə yanaşırdılar. Onun “çin der”də (gerçək
yer), “tenqer tezi”nin (göyün yerə dirəndiyi məkan) arxasında
Dostları ilə paylaş: |