164
dan belə məlum olur ki, iskit qəbilələrindən biri özlərinin qadın
hökmdarı Zarına (Sarıana) üçün geniş özül üzərində qurulan kur-
qanda onun böyük heykəlini qoymuşdular (Массон, 1953, s. 27).
Bənzər hal Abşeron ərazisində yerləşən, e.ə. III-II minilliyə
aid edilən kurqanlar üçün də xarakterikdir. Əsasını kromlex təş-
kil edən Dübəndi kurqanının kromlexinin daş hörməsində qur-
ban kamerası tikilmişdir ki, onun da bir tərəfi antropomorf stela
görkəmindədir.
Abşeron ərazisində də e.ə. III-II minilliyə aid bir neçə kur-
qan aşkar edilib. Bu kurqanlardan biri “Dübəndi kurqanı”dır.
Həmin kurqanın əsasını kromlex təşkil edir. Dəfn kamerası kur-
qanın mərkəzindədir. O cənub-qərb - şimal-şərq xətti üzrə istiqa-
mətlənib, dörd həcmli daş piltədən təşkil olunub.. Qurbangahın
özündə saxsı qablar, qoyun sümükləri, daş alətlər və kül aşkar
olunmuşdur. Burada dəfn mərasimindən sonra xüsusi ayin icra
olunmuşdur. Kurqanın konstruksiyasında antropomorf stelanın
çoxluğu qədim Abşeron sakinlərinin dini təsəvvürlərinin möv-
cudluğunu sübuta yetirir (Rüstəmov C., 1994).
Türkan kurqanında da daş heykələ rast gəlinib. E.ə. III minil-
liyin I yarısına aid edilən Abşeron kurqanları yalnız dəfn abidələri
deyil, eləcə də qədim Azərbaycan tayfalarının maddi və mənəvi
mədəniyyətlərinin öyrənilməsi üçün zəngin mənbədir. Bu cür
kurqanlardan biri də “Türkan kurqanı”dır. Kurqanın hündürlüyü 60
sm, diametri 9 metrdir. Təpə qumlu və daşlıdır, əsas konstruksiya
bir cərgədə halqaşəkilli daş hörmədən ibarətdir. Mərkəzdə dörd daş
piltədən ibarət və tində quraşdırılmış kamera yerləşir (şaquli).
Antropomorf heykəlin hündürlüyü 240 sm, əsası düzbucaqlıdır, eni
80 sm, üz tərəfi qərbə istiqamətlənib. Başı, boynu və sinəsi seçilir.
Həmçinin bel nahiyəsində dördkünc formalı deşik vardır. Kurqan
e.ə. III minilliyə aid edilir (Rüstəmov C., 1994).
Boz rəngli məsaməli tuf daşından hazırlanmış balbal (daş-
baba) qalığına Həsənsu kurqanında da rast gəlinmişdir (Müse-
yibli N., Ağalarzadə A., 2013, s. 5).
N.İ.Veselovski 1915-ci ildə qələmə aldığı «Daşbabalar və
ya balballar sorununun çağdaş durumu» adlı yazısında bildirir
165
ki, daşbabaların mənasını və yaranma səbəbini tapmağa cəhd
edən ayrı-ayrı sahə mütəxəssislərinin saysız araşdırmaları olsa
da, rus arxeologiyasında daşbabalar (kamennıe babı) problemi
qədər qaranlıq və dolaşıq bir məsələyə çətin ki rast gəlmək olar
(Веселовский, 1915, s. 3).
Bir çox arxeoloqlar Avrasiyanın geniş çöllərinə yayılan,
e.ə. III minillikdən XII-XIII əsrlərə qədər uzanan bir dövrü əhatə
edən kurqanlarda rast gəlinən daş heykəllərin, yəni daşbabaların
daha qədim olanlarını irandillilərə, sonrakı dövrlərə aid olanları-
nı isə türklərə aid edirlər. Şərqdəki daşbaba ənənəsini monqol-
larla bağlamağa cəhd edənlər də tapılır. Halbuki, L. R. Kızlaso-
vun özünün «İnsanları əks etdirən qədim türk daş heykəllərinin
təyinatı barədə» adlı məqaləsində haqlı olaraq yazdığı kimi,
monqollarda qəbirüstü abidələrə daş heykəl qoyulması barədə
heç bir sənəd-sübut yoxdur (Кызласов, 1964, s. 32).
Menhir ənənəsi hələ kurqanların tarix səhnəsinə çıxmamış-
dan daha qədim zamanlardan dünyanın bir çox bölgəsində, o
cümlədən Ön Asiya, Qafqaz, İspaniya, Fransa, Böyük Britaniya,
Quzey Afrika, Amerika və Sibirin cənub-qərb bölgələrinə yayıl-
mışdır. Arxeoloqların Mesopatamiyanın şimal-qərbində aşkar
etdikləri Göbəklitəpə məbədinin məşhur Stounhenc abidəsindən
7 min il öncə qurulduğu bildirilir (Schmidt K. 2006).
Cənubi Qafqazda ən qədim menhirlərdən biri Zəngəzurda
tapılan və xalq arasında «qoşundaş» adlandırılan məbəddir. Qo-
şundaş məbədinin yaşı əvvəllər e.ə. V minilliyə aid edilsə də,
son dönəmlərdə karbon analizlərinə görə onun tarixi e.ə. 7500-ə
qədər qədimə çəkilmişdir. Bu tarixsə həmin bölgədə yaranan
Kür-Araz mədəniyyətindən 4 min il daha qədimdir. Xakaslar
xalq arasında daşa çevrilmiş döyüşçülər mifinə köklənən «qo-
şundaş» tipli mengirlərə «savaş daşı» anlamında «çaatas» deyir-
lər (Кызласов, 1980, s. 108).
XIII yüzildə Plano Karpini və Vilhelm de Rubruk kimi bəlli
səyyahlar da türk ellərində gördükləri daşbaba gələnəyindən
bəhs etmişlər. Roma papasının 1253-də doğuya elçi kimi gön-
dərdiyi V. Rubruk qıpçaq yurdlarında gördüklərini yazaraq qeyd
166
edir ki, kumanlar (qıpçaqlar) ölülərinin məzarına ət və qımız qo-
yur, məzarın üstündə ev sayılan bir təpə qurub üzərinə də üzü
doğuya olan və əlindəki kasanı göbəyi üzərində tutmuş bir insan
heykəli dikəldirlər, zənginlərin məzarında belə təpələr böyük pi-
ramidanı xatırladır. Eyni durumu təsvir edən P. Karpini də vur-
ğulayır ki, hər dəfə bir heyvan kəsəndə bu heykəllərin payını gə-
tirib onun qarşısına qoyurlar (Ağasıoğlu, s. 2013, 10).
F.Ağasıoğlunun yazdığına görə, daşbabaların toplanıb siya-
hıya alınması XIX əsrdən başlansa da, onların sistemli şəkildə
tədqiqi XX əsrin əvvəllərindən başlanır və bugünəcən davam edir.
Təkcə Don ilə Dnepr cayları arasında 330-dan artıq daşbaba və
başqa dikilidaşlar qeydə alınmışdır (Ağasıoğlu, s. 2013, 11).
Tədqiqatçıların bir çoxu ilk daşbabaların tarix səhnəsinə
çıxmasını menhirlərlə bağlayırlar. Tunc dövrü abidələrindən söz
açan sənətşünas alim N. Rzayev yazır ki, dağ və dağətəyi zona-
larda rast gəlinən, hündürlüyü təqribən 1 metr və daha çox olan
və şaquli şəkildə yerə basdırılan bu abidələrə ancaq qəbiristan-
lıqlarda təsadüf edilir. «Arxeoloqlar müəyyən etmişlər ki, men-
hirlər Tunc dövründən sonra öz əhəmiyyətini itirmişdir. Qədim
qəbristanlıqlarda cərgələrlə düzülmüş bu şaquli, yonulmamış
daşlar ölülər kultu ilə əlaqədar olmuşdur. Belə güman edilir ki,
hər daş ölən adamı təmsil edərək onu bu dünyada əbədi yaşada-
caqmış. Göründüyü kimi, menhirlər ilk insan heykəlləridir, xati-
rə səciyyəvi abidələrdir. Maraqlıdır ki, tədqiqatçılar belə daşlar
arasında, ibtidai şəkildə olsa da, kişi və qadın heykəllərinə rast
gəlmişlər» (Azərbaycan incəsənəti, 1977, s. 12).
Üzərində baş heykəlləri olan daşlar ilk baş daşlarıdır və daş-
babalar, eləcədə dilimizdəki “başdaşı” ifadəsi həmin daşlarla bağ-
lıdır. Bu daşlardan və ümumiyyətlə ölənin qəbri üzərinə daş hey-
kəl qoyulması ənənəsindən bəhs edən ilk yazılı mənbə şumerlərin
Uruk hökmdarı Bilqamısa həsr etdikləri eyniadlı dastandır:
Misgərlər, dəmirçilər, daşyonanlar gəlirdi,
Heykəltaraşlar gəlir, daş qoyanlar gəlirdi.
- Dostum, sənə mən elə başdaşı düzəldəcəm,
Beləsini heç kəs dostuna düzəltməyib.
Dostları ilə paylaş: |