149
çatmadıqda, yaxud əkinlərin susuzluqdan yanmaq qorxusu olduqda həmin kəndə su (baĢqa
kəndlərin su payı hesabına) növbədən kənar verilərdi. Buna "gavar", "dəhnə bir" və ya
"girdab" deyilərdi. "Dəhnə bir" iki-üç gündən artıq çəkməzdi [184].
Suvarma suyu növbəsinin özünün də müddəti, yəni vaxt ölçüsü mövcud olmuĢ-
dur. Suyun növbə vaxtı isə Ģəraitdən və baĢqa səbəblərdən asılı olaraq müxtəlif idi.
Lakin növbənin vaxt ölçüsü elə müəyyənləĢdirilirdi ki, həmin müddətdə verilən su ilə
əkini, bağı və bostanı və ya da həyətyanı sahəni suvarmaq mümkün olurdu.
Suyun vaxt ölçüsü müddətinin təyinində də müxtəlif üsullardan istifadə edil-
miĢdir. Suvarmada ən geniĢ yayılmıĢ ölçü müddəti birgünlük su, ikigünlük su idi.
Birgünlük su dedikdə isə bir gecə-gündüzlü vaxt nəzərdə tutulur. Suvarmanın vaxtı
günəĢin, ayın, ulduzların çıxması və batması ilə müəyyənləĢdirilmiĢ, kölgə ilə ölçül-
müĢdür. Bütün bunlardan əlavə su və qum saatları da mövcud olmuĢdur. Su və qum
saatından əsasən Naxçıvan ərazisində istifadə edilmiĢdir. Bunun üçün oturacağında
kiçicik deĢiyi (gözü) olan mis və ya saxsı qabın içərisinə su, qum, və ya darı tökülərək əkin
sahəsinin kənarında ağacdan asılardı. Qabdakı su və ya qum qurtardıqda, bir növbə vaxt
bitmiĢ hesab olunardı. Beləliklə də arxın növbəsi dəyiĢdirilərdi. Ya da oturacağında
gözcük olan boĢ mis və ya saxsı kasanı gölməçədəki suya qoyardılar, qab dolub suya batdıqda
bir növbə bitərdi. Suvarma vaxtını kölgə ilə müəyyənləĢdirmək üçün suçunun və ya
sahədə basdırılmıĢ ağac payanın kölgəsi gün çıxanda ayaqla ölçülüb niĢanlanar və gün
əyiləndə yenə də ölçülərdi. Belə ki, səkkiz ayaq tamamında növbə dəyiĢdirilərdi. Kəhriz
suyu ilə suvarmada vaxt ölçüsü arpalıq adlanardı. Arpalıq, kəhriz suyunun gündüzlər üç
saatı, gecələr isə iki saatı demək idi. Gecələr suvarma vaxtı ayın və bəzi ulduzların
çıxıb batması ilə müəyyənləĢdirilərdi.
Suvarma suyunun təsərrüfatlar arasında növbələĢdirilməsinə və ölçüsünə, ümumiy-
yətlə, suvarma suyuna nəzarət suyun azaldığı vaxtlarda, yay aylarında daha da artırdı.
Azərbaycanda XIX əsrin ikinci yarısından etibarən əkinçiliyin inkiĢafı xüsusilə
pambıq və çəltik əkini sahələrinin geniĢləndirilməsi suya olan tələbatı daha da
artırırdı. Belə bir Ģəraitdə suvarma suyunun düzgün bölüĢdürülməsi və növbələĢ-
dirilməsi əsas və həlledici əhəmiyyət kəsb edirdi. Bunun üçün həmin dövrdən etibarən
su bölgüsünə, növbələĢməyə və ondan düzgün istifadə etmək məsələlərinə mirab,
cuvar, abyar və bəndivançıların nəzarəti xeyli güclənmiĢdi.
Mirablar, suyun çaylardan kanal və ana arxlara düzgün paylanmasına, suvarma
Ģəbəkələrinin qaydaya salınması iĢlərinə baxırdılar. Əkinlərin, bağ və bostanların
suvarılmasına lazım olan suyun çay və ya baĢqa suvarma mənbələrindən götürülməsi
iĢinə, həmçinin də suyun ölçüsünə baĢ cuvar-qaracuvar və cuvarlar nəzarət edirdilər.
Suvarma suyunun nəzarətçisi olan mirab və cuvarlardan əlavə suyu ayrı-ayrı təsərrüfatlar
arasında bölmək üçün abyar, ara cuvar və bəndivançılar da olurdu. Abyar və cuvarlar
əkinçilikdə öz zəngin təcrübəsi və biliyi ilə fərqlənən adamlardan seçilirdi. Mirab və
cuvarlar bənd və dəhnələrdən ana arxlar və qol arxlara ayrılan suyun artıb azalmasını
müəyyənləĢdirmək üçün, xüsusi möhrlərdən, niĢanlanmıĢ - gəz edilmiĢ ağac və s.-dən
istifadə edirdilər.
150
Mirablar dövlətdən əmək haqqı alırdılar. Əslində isə onların gəliri və dolanacağı
kəndlilərin hesabına idi. Abyar və cuvarların əmək haqqı il müddətinə razılaĢma ilə
müəyyənləĢdirilərdi. Onların zəhmət haqqı bir qayda olaraq natura ilə (buğda, arpa, çəltik
və s.) ödənilirdi. Əmək haqqının miqdarı isə əkin sahəsinə görə hesablanırdı.
Mirab, abyar və cuvarlar həmin vəzifələri seçki ilə tuturdular.
Mirablar üç ildən bir seçildikləri halda, abyar və cuvarlar hər il
seçilirdilər "...Suvarma Ģəbəkəsinin, kanalların, kəhrizlərin və s. sahibləri
vəziyyətin ağası olurdular. Suyu öz vəzifələrinə gəlir mənbəyi kimi baxan mirablar
bölürdülər. Onlar peĢkəĢ verən kəndlilərə su verir, peĢkəĢ verməyə imkanı olmayan
və seçkilər zamanı onların əleyhinə səs vermiĢ kəndliləri isə sudan məhrum
edirdilər" [185].
GeniĢ hüquqa malik olan mirab vəzifəsini əsasən bəy və mülkədarların
nümayəndələri tuturdu. Onlar vəzifəyə keçmək üçün hər cür vasitələrə əl atırdılar,
formal xarakter daĢıyan mirab seçkiləri həmiĢə varlıların xeyrinə nəticələnirdi.
Mirab seçilmiĢ Ģəxs bu vəzifədə o qədər varlanırdı ki, daha onun yerini tutmaq
müĢkül bir iĢ olurdu. Böyük çoxluq təĢkil edən yoxsul kəndlilər isə demək olar ki,
heç vaxt öz nümayəndələrini bu vəzifəyə seçə bilmirdilər. Mirabların
ədalətsizliyinə qarĢı kəndlilərin dövlət idarələrinə etdikləri çoxlu Ģikayətlər həmiĢə
nəticəsiz qalırdı. Bir Ģikayət məktubunda deyilirdi: "Su bölgüsü hökmdar mirabın
əlindədir, onun Ģıltaqlığının həddi-hüdudu yoxdur. Onu ancaq rüĢvətlə razı salmaq
151
olur" [186]. Çar məmurları mirabların özbaĢınalığına qarĢı heç bir təsirli tədbir
görmürdülər.
Suvarma suyundan istifadə etmək üçün mövcud olan adət və qaydalar
varlı kəndlilər tərəfindən tez-tez pozulurdu. Onlar heç bir növbə gözləmədən
istədikləri vaxt suyu zorla yoxsul kəndlilərin əlindən alırdılar. Belə bir zorakılıqlar
yay aylarında çaylarda su azaldıqda daha geniĢ Ģəkil alırdı. Bəzən elə olurdu ki,
kəndin su növbəsi çatdıqda bütün kiĢilər ana arxın və ya qol arxların dəhnəsindən
tutmuĢ, əkinlərə qədər arx boyu gözətçi olardılar. Bəzən də öz növbəti su payı üçün
dəhnəyə gedən kəndlinin əlindəki beldən savayı, belində də xəncər olardı [187].
Yay aylarında çaylarda su azalan vaxtlarda bəzən suyun qabağı tamamilə
kəsilərdi, belə halda su çatıĢmazlığından çayların aĢağı axarında yerləĢən kəndlərin
əkinləri daha çox zərər çəkirdi. Bu da böyük narazılığa səbəb olaraq qonĢu kəndlər
arasında çəkiĢmə və münaqiĢə ilə nəticələnirdi.
Su bölgüsündə mirabların özbaĢınalığına, iri torpaq sahiblərinin
zorakılığına məruz qalan yoxsul kəndlilər su uğrunda ciddi mübarizə aparmalı
olurdular. "Mülkədar və baĢqa iri torpaq sahibləri öz təsərrüfatlarını su ilə təchiz
etmək üçün suvarma Ģəbəkələri yaratmaq əvəzinə kəndli təsərrüfatlarına gedən
suyu öz əllərinə keçirməyə daha çox səy göstərirdilər" [188].
Azərbaycan kəndində XX əsrin əvvəllərində su uğrunda mübarizə
yaĢamaq uğrunda mübarizə idi. "Torpaq" və "su" məfhumu kəndlinin güzəranı
üçün eyni bir məna daĢıyaraq, ayrılmaz bir vəhdət təĢkil etmiĢdir.
Su uğrunda gedən mübarizə, mübahisə və narazılıqlar bəzən elə kəskin
Ģəkil alırdı ki, iĢ adamlar arasında dava-savaĢa səbəb olurdu. Nəticədə
yaralananlar, hətta ölənlər də olurdu. Suvarma üçün suyun çatıĢmazlığından ən çox
əziyyət çəkəni isə kəndlilərin yoxsul təbəqəsi idi. Azərbaycanda su bölgüsü
məsələsində möhkəm bir qayda-qanun olmadığından hər hansı bir mübahisə
həmiĢə güclülərin xeyrinə həll olunurdu[189].
XX əsrin əvvəllərində Azərbaycanda suvarılan torpaqların sahəsi səkkiz
yüz min desyatindən artıq olsa da [190] ölkənin daxilində iqtisadi və siyasi
vəziyyətin çətin və mürəkkəbliyi kənd təsərrüfatının bütün sahələrinə zərər
vurduğu kimi, suvarma təsərrüfatının da yararsız hala düĢməsinə səbəb olmuĢdur.
Belə ki, suvarma kanal və arxlarını lil və qamıĢ basmıĢ, su bəndləri uçub dağılmıĢ,
su çarxları sıradan çıxmıĢ, kəhriz və su anbarları yararsız hala düĢmüĢdü. XX əsrin
əvvəllərində ölkədə iki milyon desyatindən çox torpaq sahəsinin suvarmaya
ehtiyacı var idi. Məhz ona görə də Azərbaycanda kənd təsərrüfatının inkiĢafı
baxımından süni suvarma məsələsi baĢlıca bir problem olaraq öz həllini gözləyən
əsas və mühüm bir vəzifə kimi yenə də qarĢıda dururdu.
Azərbaycanda süni suvarmanın müxtəlif mənbə və vasitələri mövcud
olmuĢdur. Xalqımız suvarma məsələsinə böyük qiymət verərək ona qayğı
göstərmiĢ və suvarmanı həmiĢə əkinçiliyin əsası hesab etmiĢdir. Azərbaycan
əkinçiləri çoxəsrlik təcrübənin nəticəsi olaraq bu sahədə bir sıra suvarma sistemi,