10
9 sm bayır tərəfdədir. Paxla şəklindədirlər, çəkiləri 120-150 qr, uzunluğu
11-12 sm-dir (şəkil 1, 2).
Şəkil 2. Yenidoğulmuş və erkən yaşlı uşaqların böyrəkləri.
Yenidoğulmuş və erkən yaşlı uşaqlarda böyrəklərin anatoma-fizioloji
xüsusiyyətlərinə aşağıdakılar aiddir:
Yenidoğulmuşlarda və südəmər uşaqlarda böyrəklərin səthi qabarıqlı,
xarici səthləri paylara bölünmüş, böyrək ləyəni enli və ampula şək-
lindədir.
Sidik axarları ilk uşaqlıq dövründə nisbətən geniş və qıvrımdır.
Sidik kisəsi silindrəbənzər və qasıq bitişməsindən yuxarıda yerləşir,
dibi olmur
Yenidoğulmuşlarda böyrəklərə plazma axını və yumaqcıq filtrasiyası
böyüklərə nisbətən bir neçə dəfə zəif olur (şəkil 2).
Hər bir böyrəyin en kəsiyində 2 qat ayırd edilir: xarici qabıq maddə
və daxili beyin maddə (şəkil 3). Beyin maddə qabıq maddəyə nisbətən sıx
və açıq rəngdədir, düz borucuqlardan təşkil olunduğu üçün zolaqlıdır.
Beyin maddəni təşkil edən kütlə 15-35-ə qədər konusa bənzər böyrək
piramidlərindən ibarətdir. Bunlar bir neçə sıraya düzülərək əsasları qabıq
maddəyə və zirvələri böyrək cibinə çevrilmişdir. Bir neçə piramid zirvəsi
11
bir yerdə toplaşaraq böyrək cibində məməcik – papilla renalis əmələ
gətirir. Hər məməciyin zirvəsində ductus papillaris adlanan axacaqlar fo-
ramina papillaria vasitəsilə böyrəyin kiçik kasalarına calix renalis
minores açılır. Bu dəliklərin tutduqları səth xəlbirli meydan adlanır. Qabıq
maddə - piramidlərin əsasları qabıq maddəyə doğru şüayabənzər çıxıntılar
procesus medullaris buraxır. Bunların rəngi qabıq maddədən açıqdır və
düz borucuqlardan ibarətdir. Ona görə buraya şüalı hissə - pars radiata və
qıvrım borucuqlardan əmələ gələn hissəyə isə qıvrım hissə - pars
convoluta deyilir (şəkil 3)
Qabıq maddə dənəli və tutqun rəngli paycıqlardan ibarətdir. Paycıqlar
isə qıvrım borucuqlardan və böyrək cisimciklərindən əmələ gəlib beyin
maddəni əhatə etmişdir. Böyrək qabığı təxminən 5-7 mm qalınlığında olub,
piramidlərin arasına columnae renalis çıxıntıları verir, bunlar da böyrək
piramidlərini bir birindən ayırır. İnsan orqanizmində böyrəklər bir sıra
homeostatik funksiyaları yerinə yetirir. Böyrəklərin funksiyalarına
aşağıdakılar aiddir:
1) qanın hüceyrə və hüceyrəarası mayesinin tənzimində iştirak edir
(volyumotənzim);
2) qan və orqanizmdəki digər mühitlərdə osmotik fəal mayelərin
tənzimində iştirak edir (osmotik tənzim);
3) qanın plazmasındakı ionların tərkibini və orqanizmin ion balansını
tənzim edir (ion balansının tənzimi);
4) turşu-qələvi tənzimində iştirak edir (qanın pH-nı sabit saxlayır);
5) arterial qan təzyiqinin tənzimində, eritropoezdə, qanın laxtalan-
masında iştirak edən bioloji fəal maddələrin əmələ gəlməsində və
qana ifraz edərək hormonal modulyasida iştirak edir (inkretor
funksiya);
6) zülal, yağ və karbohidrat mübadiləsində iştirak edir (metabolik
funksiya);
7) orqanizmdəki azot mübadiləsinin son məhsulları və yad maddələr,
üzvi maddələrin artığını (qlükoza, amin turşular və s.), qida ilə
12
orqanizmə daxil olmuş və ya metabolizm nəticəsində əmələ gəlmiş
maddələri xaric edir (ekskretor funksiya).
Şəkil 3. Böyrəyin anatomik quruluşu.
Beləliklə, böyrəklərin orqanizmdəki rolu yalnız mübadilə nəticəsin-
də əmələ gəlmiş məhsulları, üzvi və qeyri-üzvi maddələrin artığını
orqanizmdən xaric etməklə bitmir.
Böyrəklər homeostatik orqan olub, sirkulyator homeostazda, daxili
mühit mayesində əsas fiziki-kimyəvi konstantaların sabit saxlanmasında,
müxtəlif üzvi maddələr mübadiləsinin sabitliyində iştirak edir. Böyrəklərin
fəaliyyətini öyrənərkən iki anlayışı bilmək vacibdir:
1) böyrək funksiyalarını: yumaqcıqlarda qanın süzülməsi (filtrasiya),
kanalcıqlardan reabsorbsiya və bəzi maddələrin ifraz olunması
(sekresiya, ekskresiya),
2) bu funksiyaları tənzim edən prosesləri; yeni birləşmələrin sintez
olunması və o cümlədən, bioloji fəal maddələrin sintezi.
Ədəbiyyatlarda böyrəklərin fəaliyyəti haqda yazarkən, “sekresiya”
məfhumu işlədilir ki, bunun da bir çox mənası var. Bir mənada bu məfhum
aşağıdakı prosesləri göstərir:
kapsula
xırda kasacıqlar
qan damarları
böyrək cibləri
iri kasacıqlar
böyrək ləyəni
böyrək ciblərində piy
xırda kasacıqlar
Sidik axarı
qabıq maddə
beyin maddə
piramida
piramid məməciyi
böyrək sütunları
Medulyar şüalar
13
a) maddələrin qandan nefron hüceyrələri ilə kanalcıq boşluğuna
dəyişilməmiş şəkildə daşınması;
b) bu maddələrin böyrəklər vasitəsi ilə ekskresiya (xaric) edilməsi.
Başqa bir mənada “sekresiya” termini, bioloji fəal maddələrin böyrək
hüceyrələrində sintez və ifraz olunmasını (məsələn, renin, prostoqlandin və
s.) və onların qana keçməsini göstərir. Nəhayət, kanalcıq hüceyrələrində
maddələrin sintez prosesi, onların kanalcıq boşluğuna keçərək sidiklə xaric
olması da “sekresiya” termini kimi göstərilir.
İnsanın hər böyrəyində onun funksional vahidi olan nefronların sayı
2 milyona qədərdir. Sidiyin yaranması prosesi nefronlarda icra olunur.
Müasir fiziologiya diqqəti yalnız nefronların ayrı-ayrı kanalcıqlarına deyil,
həm də bu kanalcıqların böyrəyin hansı yerində - qabıq, yaxud beyin
maddəsinə yerləşməsinə böyük əhəmiyyət verir.
Hər bir nefron ikidivarlı kapsula ilə başlayır (şəkil 4). Böyrək
yumaqcığı
kapsulası
(Şumlyanski–Boumen
kapsulası)
içərisində
kapillyarlardan ibarət yumaqcıq yerləşir (böyrək və ya malpigi cisimciyi).
Kapsulanın daxili səthi yastı epitelial hüceyrələrlə örtülüb. Burada yaranan
boşluq proksimal kanalcıqların mənfəzinə keçir. Kanalcıq epiteli
hüceyrələri fırçalı haşiyələrlə fərqlənirlər – onlar çoxlu sayda kanalcıq
mənfəzinə yönəlmiş mikroxovlardan ibarətdir. Nefronun bundan sonrakı
şöbəsi nefron ilgəyinin nazik enən hissəsidir (Henli ilgəyi). Burada ilgəyin
divarı alçaq yastı epitel hüceyrələrindən ibarətdir. Kanalcıq dərinə enərək
beyin maddəsinə daxil olur, 180º dönərək ilgək əmələ gətirir və geriyə
qabıq maddəsinə qayıdaraq nefron ilgəyinin qalxan hissəsini yaradır.
Qalxan şöbə öz nefronunun yumaqcığına qədər uzanır. Burada distal qıvrım
kanalcıq başlayır. Kanalcığın bu hissəsi mütləq yumaqcığa toxunur
(toxunma gətirici və aparıcı arteriolaların səviyyəsində olur).
Nefron ilgəyinin qalxan şöbəsinin və distal qıvrım kanalcıqların
hüceyrələri (fırçalı haşiyələrdən mərhum) nefronun son şöbəsinə - qısa
əlaqələndirici kanalcıqlara keçir. Bunlar da öz növbəsində toplayıcı
borulara keçir (şəkil 4).
Dostları ilə paylaş: |