28
Üzvü əsasların (məsələn, xolin) sekresiyası da üzvü turşular kimi
nefronun proksimal şöbəsində icra olunur. Üzvü turşu və əsasların
sekresiya sistemi bir-birindən asılı olmayaraq fəaliyyət göstərirlər; üzvü
turşuların sekresiyası kəskin zəiflədiyi şəraitdə əsasların sekresiyası
pozulmur.
Nefronlarda kaliumun transportu natriumun transportundan onunla
fərqlənir ki, K
+
ionları yalnız reabsorbsiyaya məruz qalmayıb, həm də
sekresiya olunurlar və bu proses nefronların son şöbələrinin və toplayıcı
boruların hüceyrələrində icra olunur. K
+
ionlarının sekresiya prosesi bir
neçə etapdan ibarətdir. Kalium kanalcıq hüceyrələrinə Na
+
K
+
ATF-azanın
iştirakı ilə hüceyrəarası mayedən keçir. Bu ferment K
+
ionların Na
+
ionları
ilə mübadilədə transport etdirir (kalium sitoplazmaya dazil olur, natrium
isə eyni zamanda hüceyrədən də xaric olur). Beləliklə, kaliumun
hüceyrədaxili konsentrasiyası yüksək səviyyədə saxlanılır.
Kaliumun hüceyrələrdən kanalcıq boşluğuna sekresiya amildən
asılıdır; hər şeydən əvvəl hüceyrənin apikal membranının kalium üçün
keçiriciliyinin artmasından. Apikal membranda «kanallar» açılır və kalium
konsentrasiya qradiyentinə görə hüceyrədən xaric olur. Kalium
sekresiyasının sürəti hüceyrənin apikal membranının elektrokimyəvi
qradiyent potensialından da asılıdır: elektroneqativlik yüksək olduqca
kaliumun da sekresiya səviyyəsi yüksək olur. Ona görə də, orqanizmə, zəif
reabsorbsiya olunan anionlar, məsələn; sulfatlar yeritdikdə kaliumun
sekresiyası onun hüceyrədaxili konsentrasiyasından, apikal membranın
kalium üçün keçiriciliyindən və o membranın elektrokimyəvi qradiyent
potensialından asılıdır. Onu da qeyd etmək lazımdır ki, orqanizmdə kalium
defisiti mövcud olduqda həmin nefron hüceyrələri kaliumun sekresiyasını
dayandırır və yalnız onu kanalcıq mayesindən reabsorbsiya etməyə
başlayırlar. Belə halda K
+
-ionları kanalcıq boşluğundan apikal plazmatik
membrandan hüceyrə daxilinə keçir, sitoplazma ilə irəliləyib bazal
membrana çatır və diffuziya yolu ilə hüceyrəarası mayeyə və qana keçir.
29
Bu deyilənlər onu sübut edir ki, kanalcıqların bu şöbəsinin
hüceyrələri yüksək plastik xüsusiyyətə malik olub, tənzimedici amillərin
təsiri ilə öz fəaliyyətini dəyişdirməyə, daşınmasının istiqamətini dəyişməyə
malik olub ya sekresiya, ya da reabsorbsiya prosesinə qoşulurlar.
Böyrəklərin homeostatik fəaliyyəti:
Orqanizmin daxili mühitinin, hər şeydən əvvəl böyrəklər vasitəsi ilə
qanın həcmi və tərkibinin sabitliyini saxlamaq üçün xüsusi reseptorlardan,
afferent yollardan və informasiyanı qavrayan sinir mərkəzlərindən təşkil
olunmuş spesifik reflektor tənzim sistemi mövcuddur. Böyrəklərə impulslar
efferent sinirlərlə, yaxud humoral yolla daxil olur. Ümumiyyətlə
böyrəklərin işinin dəyişdirilməsi, onun daima dəyişilən şəraitlə
uyğunlaşması, əsasən qlomerulyar və kanalcıqlar aparatına müxtəlif
hormonların – ADH, aldestoron, parathormon və bir çox digər hormonların
təsiri ilə müəyyənləşdirilir.
Böyrəklərin osmo – və volyumotənzimdə rolu:
Böyrəklər əsas osmotənzimedici üzvlərdirlər. Onlar orqanizmdən
suyun artıq hissəsinin hipotonik sidik və su artıqlığı (hiperhidratasiya) ilə
qovulmasını və ya suyun qənaət edilməsini, qan plazmasına nisbətən
hipertonik sidik (orqanizmin susuzlaşmış vəziyyətində - dehidratasiya)
qovulmasını təmin edirlər. Bədəndə su artıq olduqda qanda həll olunan
osmotik fəal maddələrin konsentrasiyası azalır və qanın osmotik təzyiqi də
azalır.
Bu
halda
mərkəzi
osmorepestorların
fəallığı
zəifləyir.
Hipotalamusun supraoptik sahəsində yerləşən mərkəzi osmoreseptorlarla
birlikdə qaraciyərdə, böyrəklərdə, dalaqda və bir sıra digər üzvlərdəki
periferik reseptorların da fəallığı zəifləyir. Nəticədə ADH-nun ifrazı azalır
və böyrəklərdən suyun xaric olunması güclənir.
Orqanizm susuzlaşan zaman yaxud damar daxilinə natrium xlorun
hipertonik məhlulunu yeritdikdə qan plazmasında osmotik fəal maddələrin
konsentrasiyası artır, reseptorlar oyanır, ADH-nın neyrohipofizdən qana
ifrazı güclənir, suyun fakultətiv reabsorbsiyası yüksəlir, sidik qovulması
azalır və yüksək osmotik konsentrasiyalı sidik xaric edilir. Heyvanlar
30
üzərində
aparılan
eksperimentlərlə
göstərilmişdir
ki,
ADH-nın
sekresiyasının yüksəlməsində təkcə osmoreseptorların qıcıqlanması deyil,
həm də spesifik natrioreseptorların qıcıqlanmasının rolu vardır. Ona
görədir ki, baş beynin III mədəciyi nahiyəsinə natrium xlorun hipertonik
məhlulunu yeritdikdə antidiurez qeyd edildiyi halda, həmin nahiyəyə
şəkərin hipertonik məhlulunu yeritdikdə sidik ekskresiyasının azalması
qeyd edilmir.
Qanın plazmasında osmotik fəal maddələrin konsentrasiya
dəyişikliklərinə osmoreseptorlar çox cəld reaksiya verirlər. Qan
plazmasında osmopolyarlıq 1% artdıqda ADH-nin konsentrasiyası 1 pq/ml
(pq-pikoqram mikroqramın milyonda 1-nə bərabərdir) artır. Sidiyin
maksimal osmotik konsentrasiyalı olması üçün qanda ADH-nin miqdarının
cəmi 10 dəfə artması tələb olunur.
ADH-nin
sekresiya
səviyyəsi
osmoreseptorlardan
və
natrioreseptorlardan alınan informasiyadan əlavə, damardaxili və
hüceyrədaxili
mayenin
həcminin
dəyişilməsinə
reaksiya
verən
volyumoreseptorların fəallığından da asılıdır. ADH-nin sekresiyasının
tənzimində aşağı təzyiq sahəsindəki damarların gərginliyindən qıcıqlanan
volyumoreseptorların böyük əhəmiyyəti vardır. Belələrindən, ilk növbədə
sol qulaqcıqdakı reseptorları göstərmək lazımdır. Bu reseptorlardan
impulslar MSS-ə azan sinirin hissi lifləri ilə aparılır. Damardaxili mayenin
həcminin artmasından qıcıqlanan volyumoreseptorlar natrium duzlarının və
suyun ekskresiyasını artırırlar. Volyumoreseptorların və osmoreseptorların
eyni vaxtda fəallaşması isə əsasən suyun qovulmasını gücləndirir, onun
reabsorbsiyasını zəiflədir.
Böyrəklərin qanın ion tərkibinin tənzimində rolu:
İon homeostazı sistemində böyrəklər ən mühüm effektor üzvdür. Yeni
tədqiqatların nəticələri göstərir ki, orqanizmdə hər bir ionun balansını
tənzim edən sistem mövcuddur. O, ionlardan bəzilərinin spesifik
reseptorlarının olduğu (məs.: natrioreseptorlar) məlumdur. Son zamanlar
digər ionların balansının reflektor tənzimi haqda dəlillər dərc olunur.
Dostları ilə paylaş: |