37
şəkərsiz diabet vaxtı (suykada 4-6 litr və daha çox) poliuriya qeyd
edilir.
d) oliqouriya – sağlam insanda oliqouriya (<500-300ml) maye
qəbulunun məhdudlaşması, çoxlu tərləmə, fiziki yüklənmə və s.
zamanı fizioloji hal kimi olur. Bir çox xəstəliklər –
qlomerulonefrit, xroniki böyrək çatmamazlığı, pielonefrit, nefrotik
sindrom, bəzən isə sistem qırmızı qurdeşənəyi, DDL-sindrom,
infeksion xəstəliklər (vəba, dizenteriya, qarın yatalağı, malyariya),
ağır travma, dətmanların təsirindən qurğuşun, süleymani, arsen
(mışyak), skipidarla zəhərlənmə vaxtı oliqouriya müşahidə edilir.
e) anuriya – sidik ifrazının tam kəsilməsidir – böyrəyin ağır
zədələnmələri (kəskin nefrit, uyğun olmayan qanın köçürülməsi,
kəskin böyrək çatışmazlığı), qarın nahiyyəsinin travmaları, kəskin
peritonit, böyrək koliki, sidik axarının kateterizasiyası, şok və s.
hallarda rast gəlinir.
f) işuriya – sərbəst sidikifrazının pozulması nəticəsində sidiyin sidik
kisəsində ləngiməsidir. Səbəbləri – kişilərdə prostat vəzinin
xəstəlikləri (iltihabı, adenoma, xərçəng), uretranın strikturası
(daralması), sidik kisəsinin yığılma funksiyasının pozulması. Gecə
diurezinin artması – nikturya adlanır.
2) Sidiyin şəffaflığı – normada sidik tam şəffaf olur.
patoloji variantlar:
a) bulanlıq olması – pielonefrit, aşağı sidik yolların infeksiyaları,
duzların ifrazı;
b) sidikdə sap və lopaların olması - pielonefrit, aşağı sidik yollarının
infeksiyaları
c) sidiyin duruldulma zamanı bulanması - normanın bir variantı.
3) Sidiyin reaksiyası normada - turş reaksiyalı olur.
patoloji variantlar:
a) neytral reaksiya – normanın bir variantıdır.
38
b) qələvi reaksiya - sidikçıxarıcı yolların infeksiyası, çoxlu sayda
qusma, qələvi terapiyası, ət xörəklərinin azaldılması ilə gedən
pəhriz
4) Sidiyin rəngi normada samanı sarı olur.
patoloji variantlar:
a) narıncı-qırmızı (pivə rəngi) – bilirubinemiya (hemolitik
vəziyyətlər, hepatit, sirroz, xolestaz)
b) ət suyu rəngi – makrohematuriya (pielonefrit, daşların düşməsi,
böyrəklərin vərəmi, böyrək xərçəngi, qlomerulonefrit)
c) qəhvəyi rəng – zülalların parçalanması (uzun müddət sıxılma
sindromu, hemoliz)
d) qara rəng – hemoqlobinuriya (hemoliz).
e) açıq sarı – dərman qəbulu zamanı.
f) şəffaf, açıq sarı – böyrəyin qatılaşdırmaq funksiyasının pozulması,
çoxlu su qəbulu, pielonefrit, sidikqovucuların qəbulu, böyrək
çatışmazlığı.
5) Sidiyin nisbi sıxlığı (xüsusi çəkisi) – nisbi sıxlıq (xüsusi çəki)
sidikdə həll olan maddələrin qatılığı ilə müəyyən edilir (sidik cövhəri, sidik
turşusu, kreatinin, müxtəlif duzlar). Nisbi sıxlıq orqanizmdən sidiklə xaric
olan mayenin ümumi miqdarından aslıdır – sutkalıq xaric olan sidiyin
miqdarı nə qədər çox olarsa, nisbi sıxlıq bir o qədər aşağı olur.
Normal sidiyin nisbi sıxlığı 1.010 – 1.030 arasında dəyişir. Müəyyən
edilib ki, səhər götürülən sidiyinin nisbi sıxlığı 1.018-ə bərabər və ya
ondan yuxarıdırsa, onda böyrəyin qatılaşdırıcı funksiyası pozulmamışdır.
Sidikdə zülal və əsasən qlükozanın olması onun nisbi sıxlığını artırır.
Sidiyin xüsusi çəkisinin artması xaric olan sidiyin miqdarının az
olması zamanı, ödemlərin çoxalması, qusma, ishal zamanı; azalması isə
xaric
olan
sidiyin
miqdarının
artması
(ödemlərin
çəkilməsi,
sidikqovucuların təyini, şəkərsiz diabet xəstələri) zamanı müşahidə edilir.
Sidikdə həll olan bütün bərk maddələrin ¾ -nü təşkil edən sidik cövhəri və
39
NaCl-un xaric olmasının pozulması ilə gedən böyrək xəstəlikləri zamanı
sidiyin xüsusi çəkisi azalır.
Sidiyin xüsusi çəkisi onun qatılaşdırma funksiyasını xarakterizə edir.
Xroniki böyrək çatmamazlılığı zamanı onun osmotik qatılaşdırma
qabiliyyəti tədricən azalır. Bu hal hipostenuriya adlanır və sidiyin xüsusi
çəkisi < 1.018 olur. Osmotik qatılaşdırma qabiliyyətinin tam itməsi isə
izostenuriya adlanır, bu zaman sidiyin və qanın osmotik təzyiqləri
bərabərləşir = 1.010.
Nisbi sıxlıqın 1.025-dən yüksək olması hiperstenuriya adlanır.
Böyrəyin qatılaşdırma funksiyasının müayinəsi üçün Zimnitski sınağı
aparılır: Sutka ərzində hər üç saatdan bir cəmi 8 porsiya sidik toplanır,
sonra hər porsiyanın həcmi və xüsusi çəkisi müəyyənləşdirilir.
Sidiyin biokimyəvi müayinəsi
6) Sidikdə zülal - normada praktiki olaraq sidikdə zülal olmur.
Sutkada fizioloji olaraq sidiklə zülalın ekskresiyası 30-50 mq/sut-dan artıq
olmur, bunun da 1/3-ni albuminlər təşkil edir. Sidiyin birdəfəlik
porsiyasında isə onun miqdarı – 0.033q/l olur. Sağlam şəxslərin sidiyində
bir çox hallarda, zülalla zəngin qidaların qəbulu, soyuqlama, emosional
stress, uzun müddət fiziki yüklənmə zamanı zülal bir qədər arta bilər.
Böyrəklərin
funksiyalarındakı
pozulmaların
erkən
əlaməti
mikroalbuminuriya – sidiklə sutkada 100-300mq albuminin xaric olması
hesab olunur.
Proteinuriya – sidiklə çoxlu miqdarda zülalın xaric olması, böyrəyin
bir çox patologiyaları (kəskin və xroniki qlomerulonefrit, pielonefrit,
hamiləlik nefropatiyası və s.), sidikçıxarıcı yolların xəstəlikləri (sidik
kisəsinin, sidik axarlarının, prostat vəzinin iltihabı) zamanı rast gəlir.
Proteinuriya üzvi (yumaqcıq, kanalcıq mənşəli) və funksional
(qızdırma proteinuriyası, yeniyetmələrdə ortostatik proteinuriya, südəmər
uşaqların fizioloji normadan artıq qidalandırılması, yenidoğulmuşlarda)
olmaqla iki formada olur. Xəstələrdə sutka ərzində xaric olan zülalın
Dostları ilə paylaş: |