43
16) Uratlar - uraturiya purin mübadiləsinin pozulması nəticəsində
həddən artıq sidik turşusu və onun duzlarının – uratların toplanması və
böyrəklərlə xaric edilməsidir. Sidik turşusu purin mübadiləsinin son
məhsulu hesab olunur. Uşaq orqanizmində o, adenin, quanin, hipoksantin
və ksantinin oksidləşməsi nəticəsində yaranır. Sidik turşusunun digər
mənbəyi nuklein turşuları və zülallardır. Orqanizmdən sidik turşusu əsasən
böyrəklər və MBT vasitəsi ilə xaric olur. Uşaqlar arasında (1,3 - 7,6%) urat
nefropatiyası urolitiaza səbəb ola bilər.
17) Fosfatlar - fosfatlara çox zaman qarışıq daşların tərkib hissəsi
kimi, xüsusi ilə sidik sisteminin infeksiyaları, kalkulyoz pielonefrit zamanı
rast gəlmək olar. Birincili və ya həqiqi fosfaturiya fosfor və kalsium
mübadiləsi pozğunluğu ilə gedən xəstəliklərdə rast gəlinir. İkincili
fosfaturiyanın əsas səbəbi isə sidik sisteminin xroniki infeksiyalarıdır.
Sidiyin kəmiyyətə görə müayinəsi:
Neçiporenko sınağı – müayinə üçün sidiyin səhərki porsiyası
götürülür. Normada 1 ml sidikdə 1000-ə qədər eritrosit, 2000-4000 leykosit
və 20-ə qədər silindr olmalıdır.
Rengenoloji müayinə metodu:
Ekskretor uroqrafiya - (metodun imkanları – böyrək və sidikçıxarıcı
yolların anatomik və funksional vəziyyətinin qiymətləndirilməsi;
urodinamikanın qiymətləndirilməsi; pataloji prosesə dinamikada nəzarət)
Göstərişlər:
- sidikçıxarıcı yolların infeksiyaları;
- qarında şiş;
- qarında səbəbsiz ağrılar;
- hipertenziya;
- böyrək anomaliyaları ilə müştərək gedən anadangəlmə anomaliya-
lar;
- cinsiyyət üzvlərinin anomaliyaları;
- nefrolitiaz;
- qlomerulonefritli xəstələrin müalicəsinin qeyri-effektivliyi;
44
- USM müayinəsinin nəticələrinə görə sidik sisteminin anomaliya-
larına şübhə olarsa;
Əks göstərişlər:
- azotemiya ilə gedən ağır böyrək xəstəlikləri;
- böyrəyin qatılaşdırma qabiliyyətinin aşkar pozulması;
- qaraciyərin funksional çatmamazlığı ilə nəticələnən ağır zədələn-
mələri;
- yoda qarşı yüksək həssaslıq;
- kollaps, şok;
Radioizotop müayinə metodu: Radioizotop renoqrafiya (metodun
imkanları – böyrək qan dövranının, proksimal kanalcıqların sekretor
funksiyasının, yuxarı sidik yollarında urodinamikanın qiymətləndirilməsi)
Göstərişlər:
- böyrək funksiyalarının aydın müayinəsi;
- böyrək və sidikçıxarıcı sistemin pataloji dəyişikliklərin olub-
olmamasını aydınlaşdırmaq üçün skrininq müayinə;
- patoloji prosesə dinamikada nəzarət;
Ultrasəs müayinə (USM) – bu müayinə böyrəklərin ölçülərini,
onların yerləşməsini, formasını, strukturunu, funksional vəziyyətini
qiymətləndirməyə, həmçinin sidik kisəsini, qarın boşluğundakı ödemləri,
böyrəyin qan dövranını qiymətləndirməyə imkan verir. USM vasitəsi ilə bir
çox böyrək xəstəlikləri – pielonefrit, böyrəkdə şiş, vərəm, hematoma,
obstruktiv proseslərlə, irinli ocaqlar (abses, karbunkul) və s. arasında
diferensial diaqnoz aparmaq olar.
USM-nə göstərişlər:
- sidik sisteminin skrininq diaqnostikası;
- böyrəklərin anadangəlmə anomaliyasına şübhə - anomaliyanın
növünün aşkar edilməsi;
- hidronefroz,
uretrohidronefroz,
meqaureter
patalogiyalarına
şübhələndikdə, obstruksiyanın səviyyəsini, dərəcəsini, mərhələsini
müəyyənləşdirmək üçün;
45
- “lal böyrək” – böyrəyin olub-olmamasını aşkar etmək üçün;
- “xırda
böyrək”
–
böyrəyin
ikincili
büzüşməsi,
böyrək
hipoplaziyasının diferensial diaqnostikası;
- böyrəklərin diffuz xəstəlikləri;
- həcmli proseslərə şübhələndikdə;
- polikistoz;
- qarın boşluğunun və bel qurşağının küt travmaları;
- böyrəkdaşı xəstəliyinə şübhələndikdə;
- arterial hipertenziya;
- enurez – onun uroloji mənşəli olmasını inkar etmək üçün;
- sidik kisəsinin patologiyasına şübhələndikdə;
- patoloji hərəkətlilik, nefroptoz;
- böyrək, sidik axarları və sidik kisəsi müalicəsinin gedişinə və ya
cərrahi müalicəsindən sonrakı dövrə dinamikada nəzarət;
- nefrotik sindrom zamanı boşluq ödemlərini (assit, hidrotoraks,
hidroperikard) aşkar etmək üçün;
- böyrəklərin punksion biopsiyası zamanı optimal nahiyəni təyin etmək
üçün;
- sidik ifrazından sonra qalıq sidiyi müəyyən etmək üçün;
- exogenliyinə görə böyrəklərin funksional vəziyyətini aydınlaşdırmaq;
Əks göstərişlər – yoxdur.
Ultrasəs doppleroqrafiya (USD) – qan damarlarında qanın
hərəkətini öyrənməyə imkan verir ki, bunu da real zaman çərçivəsində həm
qrafiki, həm səsli, həm də kəmiyyətcə nümayiş etdirmək olur. Bu müayinə
metodu xəstələrdə qan damarlarında qanın hərəkətini öyrənmək üçün ən
təhlükəsiz metod sayılır.
Müxtəlif nefro-uroloji xəstəlikləri olan uşaqlarda böyrəyin
hemodinamikasını öyrənmək üçün USD vacib müayinə metodu sayılır. Bu
müayinə təkcə böyrək arteriyası kötüyündə deyil, həmçinin daha xırda
böyrək arteriyalarında – seqmentar, payarası, qövs və paycıqarası
arteriyalarda qan dövranını öyrənməyə imkan verir.
46
USD əsasən qlomerulonefrit, tubulointerstisial nefrit, həmçinin
böyrəyin polikistoz xəstəliyi və irsi nefritlərdə böyrək qan dövranını
müayinə etməyə imkan verir.
Punksion biopsiya – bu müayinə üsulu xəstəliyin morfoloji
diaqnozunu
dəqiqləşdirmək,
patogenetik
terapiyanın
tətbiqinin
mümkünlüyünü, xəstəliyin gedişini və proqnozunu qiymətləndirməyə
imkan verir.
Göstərişlər:
- naməlum etiologiyalı proteinuriya və hematuriya;
- naməlum mənşəli hipertenziya;
- hipetenziya və ya hematuriya ilə müştərək nefrotik sindrom; nefrotik
sindromun steroid terapiyanın qeyri-effektiv forma;
- nefropatiyanın torpid gedişi zamanı;
- böyrək toxumasının dizembriogenezinə şübhələndikdə;
- qlomerulonefritin istənilən variantında müalicənin qeyri-effektivliyi;
- böyrək amiloidozuna şübhələndikdə;
- nefrosklerozda – dərəcəsindən aslı olaraq proqnozun müəyyənləş-
dirilməsi;
Kompyuter tomoqrafiyası (KT) və nüvə-maqnit rezonansı
(NMR)-
Bu müayinə metodları USM-si vasitəsilə aşkar edilən dəyişiklikləri
dəqiqləşdirmək üçün aparılır. KT və NMR vasitəsi ilə sidik yollarının
obstuksiyasını (əgər o kliniki olaraq müəyyən olunmursa), böyrək
hidronefrozunu,
analgetik
nefropatiyalarda
böyrək
məməcikləri
kənarlarının kalsifikasiya əlamətlərini, residivləşən pielonefriti inkar etmək
və USM metodunun informativ olmadığı hallarda aparılır.
Dostları ilə paylaş: |