Hislənmiş kolbasalar çiy hislənmiş və bişirilib-hislənmiş
kolbasalar yarımqruplarına ayrılır. Birinci yarımqrupa daxil olan
hislənmiş kolbasalara bərk hislənmiş kolbasalar, ikinci
yarımqrupa daxil olanlara isə yay kolbasaları deyilir.
Hislənmiş kolbasalar tərkibində suyun az, zülalların və
piyin çox olması sayəsində digər kolbasa qruplarından yüksək
qidalılıq dəyəri, enerjiliyi, uzun müddət keyfiyyətli surətdə
saxlanma qabiliyyəti ilə fərqlənir.
Çiy hislənmiş kolbasalar qızardılmır və bişirilmir. Onlar
duzlama, çökdürmə, hisləmə və qurutma əməliyyatları zamanı
tərkibində baş verən fermentasiya prosesi nəticəsində yemək
üçün hazır vəziyyətə düşür.
Çiy hislənmiş kolbasaların istehsal prosesi 40-50 gün
davam edir. Kolbasa qiyməsinə müxtəlif süd turşusu kulturası
vurmaqla və hisləyici məhluldan istifadə etməklə çiy hislənmiş
kolbasaların istehsalı intensivləşdirilə və məhsulun keyfiyyəti
yüksəldilə bilər.
Çiy hislənmiş kolbasalar əla və birinci sorta ayrılır.
Əla sort çiy hislənmiş kolbasalara Polşa, paytaxt, servelat,
mal əti və s. kolbasalar aiddir.
Birinci sorta həvəskar, Rostov, qoyun əti kolbasası və s.
aiddir.
Əla sort servelat kolbasası qiyməsi bərabər miqdarda (25%)
götürülmüş əla sort mal əti və yağsız donuz ətindən, yağlı donuz
ətindən (50%) hazırlanır. Qiymə mal, qoyun bağırsaqlarına və
diametri 45-60 mm olan zülalı süni örtücü pərdələrə doldurulur.
Batonları düz və ya azacıq əyilmiş formalı, 15-50 sm uzunlu-
ğunda olub, bərabər məsafədə 4 dəfə sarınır. Qiymənin rəngi
qırmızımtıl, tamı xoşagələn azacıq şortəhərdir.
I sort qoyun əti kolbasası təmizlənmiş qoyun ətindən
(75%), qoyun quyruğundan (10%), əla (2%) və I sort (15%) mal
ətindən hazırlanır. Qiyməyə duz, nitrit, şəkər, ağ və qara istiot,
100 q təmizlənmiş təzə sarımsaq vurulur. Buna görə də bu
kolbasada sarımsağın qoxusu daha aydın hiss olunur. Qiymə
malın bağırsağına, qida borusuna, qoyun bağırsağına və zülalı
250
süni örtücü pərdələrə doldurulur. Düz batonları ortadan iki dəfə
sarınır.
Kolbasa məmulatının keyfiyyətinin qiymətləndirilməsi,
qablaşdırılması, daşınması və saxlanması. Kolbasa məmu-
latının keyfiyyətini təyin etmək üçün tədqiqat metodlarından –
orqanoleptiki, fiziki, kimyəvi və bakterioloji metodlardan istifadə
edilir. Orqanoleptiki göstəricilərdən kolbasanın xarici görünüşü,
qoxusu və tamı, en kəsiyinin görünüşü, konsistensiyası; fiziki
göstəricilərindən batonların, piy və döş tikəciklərinin ölçüsü,
örtücü pərdənin və vişin uzunluğu; kimyəvi göstəricilərindən
rütubətin, xörək duzunun, nitritin, nişastanın və fosforun miqdarı;
bakterioloji göstəricilərindən isə 1 q məhsul hesabı ilə kolbasada
olan mikroorqanizmlərin ümumi miqdarı, həmçinin çürüdücü
(E.coli, B.proteus vulgaris və başqaları) və xəstəliktörədici
Salmonella mikroorqanizmlərin olması təyin edilir.
Təzə kolbasa məmulatının örtücü pərdəsi quru, bütöv, möh-
kəm, elastiki, təmiz, yanıqsız, qurumsuz, kifsiz olub, qiyməyə
möhkəm sıxılmalıdır. Çiy hislənmiş kolbasaların xarici səthində
örtücü pərdədən qiyməyə keçməyən ağ quru kifin olmasına yol
verilir.
Qoxusu və tamı hər bir məmulatın adına və sortuna uyğun
olub, qaxsımış, turşumuş, kiflənmiş və hər hansı kənar qoxu və
tam verməməlidir. Bişmiş kolbasalar və liver kolbasaları,
həmçinin ət çörəkləri xarakterik ədviyyat qoxulu, azacıq şortəhər
dada malikdir; I, II sort bişmiş və yarımhislənmiş kolbasalar
sarımsaq qoxulu, yarımhislənmiş və hislənmiş kolbasalar bir
qədər kəskin hislənmiş qoxu və şorumtul tama malik olurlar.
Təzəliyi şübhəli olan kolbasaların örtücü pərdəsi azacıq
selikli, kifli, yaş və yapışqanlı olur. Örtücü pərdə ətrafında qiymə
bozumtul rəngli, piy bəzi yerlərdə saralmış olur. Qiymənin kon-
sistensiyası qeyri-elastiki olmaqla, qaxsımış, turşumuş, acıtəhər
tam verir. Yarımhislənmiş və hislənmiş kolbasalarda örtücü pər-
dənin həddindən artıq qaralması, kolbasa batonlarının uclarında
bağırsaq pərdəsinin və vişin uzunluğunun 2 sm-dən artıq olması,
qiymə daxilində iri “gözcüklərin”, əla sort və I, II və III sort
251
kolbasalarda saralmış piy tikəciklərinin olması və s. bu kimi
nöqsanlı kolbasaların satılmasına və qəbul edilməsinə icazə
verilmir.
Hazır kolbasa məmulatlarının qablaşdırılması üçün 50 kq
tutumlu, içəri tərəfdən alüminium və ya polad vərəqələrlə
örtülmüş taxta və ya metal yeşiklərdən, 20 kq-a qədər tutumlu
karton qutulardan, 200 kq tutumlu taxta çəlləklərdən istifadə
edilir. Axırıncı taraya uzaq məsafəyə göndəriləcək və ya uzun
müddət soyudulmayan anbarlarda saxlanılacaq yarımhislənmiş və
hislənmiş kolbasalar qablaşdırılır.
Kolbasa məmulatlarının qablaşdırılması üçün istifadə edilən
taraların hamısının divarlarında, oturacağında və qapağında
havanın yaxşı cərəyan etməsi üçün müəyyən ölçülü deşiklərin
qoyulması məqsədəuyğun hesab edilir. Çünki yeşiyə hava daxil
olmadıqda məmulatın rəngi dəyişilir, turş qoxu əmələ gəlir,
kolbasanın keyfiyyət göstəriciləri pisləşir.
Kolbasa məmulatı qablaşdırılmış tara markalanan zaman
aşağıdakı göstəricilər qeyd edilməlidir: müəssisənin və tabeliyin-
də olduğu nazirliyin adı, kolbasanın tipi, sortu və adı, taranın
kütləsi, məhsulun netto kütləsi və DÜİST-ün nömrəsi.
Təkrar üçün suallar
1. Soyuq xörəklər və qəlyanaltılar üçün məhsullar necə
hazırlanır və açıq, qapalı və xırda buterbrodlar necə hazırlanır?
2. Salat və vineqret hazırlanması üçün hansı ümumi
qaydalar tətbiq edilir?
3. “Yay” salatı, təzə xiyar salatı, “Paytaxt” salatı, “Azər-
baycan” salatı, “Xəzər” salatı necə hazırlanır və necə tərtibə
salınır?
4. Mayonez altında nərə balığı, ağ balıq, uzunburun yaxud
suf balığı, marinad altında balıq necə hazırlanır və necə tərtibə
salınır?
5. Vetçina və qarnir, rostbif, qızardılmış ev və ov quşu,
ətdən olan olan assorti, kəlləpaça soyutması, toyuq soyutması
necə hazırlanır və necə tərtibə salınır?
252
Dostları ilə paylaş: |