Qoyun ayaqları, başı və qarnı – 1000-1500 q, baş soğan –
1 ədəd, yerkökü – 1 ədəd, cəfəri kökü – 2 ədəd, sarımsaq – 2-3
diş, duz, istiot.
Toyuq ətindən soyutma
Toyuq əti iri tikə şəklində az bulyon içərisində duz əlavə
edilməklə bişirilir. Ətin səthinə isti ikən zəfəran şirəsi sürtülür,
boşqaba qoyulub yanına girdə doğranmış duzlu xiyar və pomidor
düzülür, üstünə doğranmış göyərti səpilir.
Toyuq əti – 400 q, duzlu xiyar – 100 q, pomidor – 200 q,
göy soğan – 60 q, şüyüd – 20 q, duz, zəfəran.
3.10. KOLBASA MƏMULATININ HAZIRLANMA
TEXNOLOGİYASI
Kobasa məmulatı yüksək qidalılıq dəyərliyi ilə səciyyələ-
nən və ən geniş yayılan ət məhsullarından biridir.
Kolbasa – tərkibinə duz, piy, ədviyyat və digər yardımçı
xammal qatılmış ət qiyməsinin təbii bağırsaqlara, süni ötürücü
pərdələrə və ya qəliblərə doldurulub istehlak üçün hazır vəziyyətə
çatana kimi termiki emaldan keçirilməsi nəticəsində alınan ət
məhsuludur.
Kolbasa məmulatının qidalılıq dəyəri, orqanizmdə həzmi və
mənimsənilməsi, habelə enerjiliyi əsas xammalınkından (ətdən)
yüksəkdir. Bu onunla izah edilir ki, kolbasa istehsalına sərf edilən
ət qidalılıq dəyəri aşağı olan tərkib hissələrindən (sümük, qığır-
241
daq, damarlar, pərdə, qaba birləşdirici toxuma və s.) təmizlənib
qiymə halına salınır. Eyni zamanda orqanizmdə çətin və pis mə-
nimsənilən mal və qoyun yağ toxuması nisbətən asan və yaxşı
mənimsənilən donuz yağ toxuması ilə əvəz olunur. Bundan əlavə,
kolbasa qiyməsinə ədviyyat və müxtəlif qatqılar da vurulur ki, bu
da kolbasa məmulatına xoşagələn tam, iy və rəng verərək həzmini
və mənimsənilməsini yaxşılaşdırır.
Kolbasa məmulatının ayrı-ayrı qruplarının tərkibində ümu-
mi zülalların və mineral maddələrin miqdarı nisbətən sabitdirsə,
əksinə, su və yağın miqdarı geniş interval daxilində dəyişir.
3.10.1. Kolbasa istehsalında işlədilən xammalın
xarakteristikası
Kolbasa məmulatı istehsalında işlədilən xammalı 2 qrupa -
əsas və yardımçı xammala ayırırlar. Ət, subməhsulları, yumurta
və yumurta məhsulları, süd və süd məhsulları və s. əsas
xammaldır. Kolbasanın qidalılıq dəyərini artırmaq, qoxusunu,
tamını yüksəltmək və yaxşı konservləşdirilməsinə nail olmaq
üçün işlədilən məhsullar – xörək duzu, nitrit-şəkər, fosfatlar,
askorbinatlar, ədviyyat, qatqılar isə yardımçı xammal sayılır.
Keyfiyyətli kolbasa məmulatının alınmasına imkan verən sarğı
materialları, təbii bağırsaqlar, süni örtücü pərdələr, yanacaq da
kolbasa istehsalında yardımçı xammal sırasına daxildir.
Xammalından və emal üsullarından asılı olaraq, aşağıda
sadalanan çeşidlərdə kolbasa məmulatları istehsal edilir: bişmiş,
yarımhisə verilmiş, qiymələnmiş kolbasalar, qan kolbasaları,
sosislər və sardelkalar, zelslər (bişmiş ət, kəlləpaça və dildən
hazırlanan kolbasalar) və həlməşiklər, içalat kolbasaları, ət
çörəkləri, paştetlər, pəhriz və müalicə kolbasaları. Yuxarıda qeyd
edildiyi kimi, ət sənayesində kolbasa məmulatlarının çox hissəsi
mal, donuz və qoyun ətlərindən, ənənəvi olmayan xammallardan
isə at, dəvə, maral, quş və dovşan ətlərindən hazırlanır.
Sərf ediləcək ət isti-buğlu, soyumuş, soyudulmuş, dondu-
rulmuş və duzlanmış halda ola bilər. Ət cəmdəklərinin üzərində
242
daxili orqanların və dəri qalığının, qan laxtalarının, hər hansı
çirklənmənin, dondurulmuş ətdə isə qeyd edilən nöqsanlardan
başqa buz və qarın olmasına icazə verilmir. Mal əti qiymənin əsas
bərkidici materialı olub, kolbasanın rənginə, dadına, tamına və
konsistensiyasına kəskin təsir edir. Kolbasa qiyməsinin hazırlan-
masında arıq və II kateqoriya mal ətlərindən istifadə edilməsi
məqsədəuyğundur. Belə ki, II kateqoriya və arıq mal ətindən
istifadə edilməsi bir tərəfdən alınan kolbasanın keyfiyyətli
olmasına və hazır məhsul çıxarının artmasına, digər tərəfdən isə
onun maya dəyərinin aşağı düşməsinə səbəb olur. Kolbasa mə-
mulatı istehsalı üçün nəzərdə tutulan mal ətinin keyfiyyətinin
qiymətləndirilməsində onun rəngi də xüsusi əhəmiyyət kəsb edir.
Mal ətinin rəngi tərkibində olan piqmentlərin kəmiyyət və
keyfiyyətindən asılı olaraq açıq çəhrayı-qırmızıdan tünd çəhrayı-
qırmızıyadək olur.
Bir neçə kolbasa növü istisna olmaq şərtilə əksər kolbasalar
mal və donuz ətlərinin qarışığından hazırlanır. Donuz əti daha
zərif olub, yağının ərimə dərəcəsi mal və qoyun yağlarına nisbə-
tən aşağıdır. Deməli, orqanizmdə daha tez və asan mənimsənilir.
Kolbasa istehsalında müəyyən miqdarda donuz piyindən,
quyruq yağından və duzsuz inək yağından istifadə edilir. Bunlar
qiymənin plastikliyini artırır, qidalılıq dəyərini və kaloriliyini
yüksəldir. Donuz piyi bir qayda olaraq xırdalanmış tikəciklər
şəklində istifadə olunur. Yüksək keyfiyyətli kolbasaların qidalılıq
dəyərini artırmaq məqsədilə onların istehsalı üçün nəzərdə tutulan
mal və qoyun cəmdəklərinin səthinin bu və ya digər nahiyələrin-
də toplanan artıq yağ toxuması kəsilib ayrılır və onun yerinə
donuz piyi əlavə edilir. Quyruq yağı tikəcikləri öz formasını
kolbasa istehsalı zamanı itirmədiyindən və hazır məhsula kənar
dad və iy vermədiyindən, hətta yüksək keyfiyyətli kolbasaların
istehsalında bərk donuz piyini əvəz edə bilir.
Ət qiyməsinin rəngini, yapışqanlığını, sututma qabiliyyətini
yaxşılaşdırmaq, habelə hazır məhsulun qidalılıq dəyərini, mənim-
sənilməsini, zərifliyini və plastikliyini yüksəltmək məqsədilə bə-
zən qiyməyə bir sıra heyvanat və bitki mənşəli məhsullar – kartof
243