Marinadın hazırlanması. Burada cəfəri, kərəviz və baş
soğan çöp şəklində doğranıb, 25-30 dəqiqə bitki yağında qı-
zardılır və içinə tomat-püre vurulub, qızardılması davam etdirilir.
Sonra bunun içinə sirkə, istiot, dəfnə yarpağı, duz, darçın, müxək
qatılıb 20 dəqiqə qaynadılır. Hazır marinad sous qabına tökülür,
soyudulur. Bu marinad soyuq halqa balıq xörəyi üçün sərf edilir.
Norma: 1 kq marinad üçün 440 q yerkökü, 70 q cəfəri, 75 q
kərəviz, 290 q baş soğan, 300 q tomat-püre, 100 q bitki yağ, 30 q
3% sirkə, 1q istiot, 20 q duz, dəfnə yarpağı, müxək götürülür.
3.9.5. Ətdən, ev və ov quşlarından hazırlanan soyuq xörəklər
Vetçina və digər ət məhsulları və qarnir
Burada su içində soyudulmuş vetçina paylıq tikələrə (hər
payda 2-3 yaxud 4 tikə) doğranır və buluda qoyulur, bunun
yanına gözəl gül dəstəsi şəklində olmaqla 3-4 növ tərəvəzdən
ibarət qarnir (yerkökü, qırmızı kələm, kartof, təzə yaxud duzlu
xiyar, kornişon, göy noxud, pomidor, göy kahı) və doğranmış jele
əlavə edilir. Bu xörək göy kahı yarpağı yaxud cəfəri göyərtisi ilə
bəzədilir. Ayrıca olaraq sous qabında süfrəyə soyuq qıtıqotu
sousu verilir. Dil, duzlu ət və suda bişirilmiş mal əti də bu
qaydada süfrəyə verilir.
Hər pay üçün burada 165 q mal əti, 170 q duzlu ət, yaxud
115 q dil (boğazsız), yaxud 100 q vetçina (dərisi üstündə), 150 q
hazır qarnir və 30 q hazır qıtıqotu sousu götürülr.
237
Ətdən hazırlanan assorti
Bu xörəyin tərkibinə ən azı üç növ ət məhsulu və quş əti
(rostbif, dana əti qızartması, ev quşu yaxud ov quşu qızartması,
vetçina) daxil olur. Burada məhsul isti emaldan keçirildikdən
sonra soyudulur və tikələrə doğranır; ev və ov quşlarının
cəmdəkləri qızardılaraq sümükləri ilə birlikdə doğranır, lakin
bunların təkcə yumşaq əti də götürülə bilər. Süfrəyə veriləndə ət
məhsulu (ən azı üç növ) müxtəlif şəkildə olaraq buludun ortasına
qoyulub yanına gül dəstəsinə bənzər qarnir (göy kahı, kornişon,
doğranmış jele), habelə marinadlaşdırılmış yaxud təzə pomidor,
qırmızı kələm, çiçək kələm, provansal kələm və doğranmış jele
əlavə edilir, sonra həmin xörək göy kahı yarpağı yaxud cəfəri
göyərtisi ilə bəzədilir.
Ayrıca olaraq bu xörəyin yanına sous qabında kornişonlu
mayonez sousu yaxud soyuq qıtıqotu sousu qoyulur.
Hər pay üçün burada 54 q rostbif əti, 59 q dana əti, 33 q
suda bişirilmiş vetçina (dərisi üstündə bud), 2 q yağ (qızartmaq
üçün), 125 q hazır qarnir və 40 q kornişonlu mayonez sousu
yaxud 30 q qıtıqotu sousu.
Ət həlməşiyi
Ət həlməşiyi mal ayaqlarından, dodaqlarından və qulaqla-
rından, habelə qoyun kəllə-paçasından hazırlanır.
Burada ayaqlar, dodaqlar, qulaqlar və qoyun kəlləsi ilk
emaldan keçirilib yuyulur, tikələrə doğranır və qaba salınaraq
üstünə soyuq su tökülür (1 kq subməhsul üçün 1,2-1,5 litr su
götürülür) və zəif qaynatmaq və üzünün kəfini almaq şərtilə 5-8
saat bişirilir.
Yumşaq ət sümükdən ayrıldığı zaman subməhsul kəfkir
vasitısilə çıxarılıb sümükdən təmizlənir.
238
Sümüklər bulyona salınıb baş soğan, yerkökü, cəfəri, dəfnə
yarpağı, duz, istiot əlavə edilərək 1-2 saat bişirilir, bundan sonra
bulyon süzülür.
Sümükdən ayrılmış yumşaq ət xırda doğranır yaxud ətçəkən
maşından keçirilir və süzülmüş bulyonun içinə salınıb qaynadılır,
sonra dərin tavalara yaxud digər qablara tökülüb soyudulur
(burada bulyonun içinə narın doğranmış sarımsaq və habelə suda
bişirilmiş baş soğan və cəfəri əlavə edilə bilər). Həlməşik
soyudularkən qarışdırılır və beləliklə də birnövlü kütlə şəklinə
gətirilir.
Bərkimiş həlməşik paylıq tikələrə doğranıb boşqaba yaxud
buluda qoyulur və duzlu yaxud təzə xiyar, kornişon yaxud da
cəfəri göyərtisi və kahı yarpağı ilə bəzədilir.
Ayrıca olaraq bunun yanına sous qabında sirkəli soyuq
qıtıqotu sousu qoyulur.
1 kq həlməşik üçün burada 800 q mal ayaqları, dodaqları
və qulaqları, 400 q ət qırıntısı yaxud 800 q mal kəlləsi, 40 q
yerkökü, 30 q cəfəri, 40 q baş soğan, 5 diş sarımsaq, 0,2 q dəfnə
yarpağı və 0,5 q istiot götürülür.
Kolbasa (bişmiş, yarımhisli, hisli)
Burada qılafdan azad edilmiş kolbasa nazık tikələrlə
paylara (hər payda 5-8 tikə) doğranır.
Kolbasa ya boşqabda, ya da paylıq buludlarda süfrəyə
verilir. Süfrəyə verilən zaman kolbasa cəfəri göyərtisi yaxud göy
kahı yarpağı ilə bəzədilir. Bişmiş kolbasa gözəl doğranmış duzlu
xiyarla yaxud kornişonla da bəzədilə bilər.
239
Hər pay üçün burada 60 q bişmiş kolbasa, yaxud 50 q
yarımhisli kolbasa yaxud 40 q hisli kolbasa və 100 q hazır qarnir
götürülür.
Qoyun ətindən soyutma
Qoyun ətini 1,0-0,5 kq tikələr halında suda bişirilir,
bulyondan çıxarıb soyudurlar. Süfrəyə verdikdə soyuq qoyun
ətini 2-3 sm qalınlıqda doğrayır, boşqaba qoyur, yanına
doğranmış xiyar, pomidor və çöp şəklində soğan düzür, üstünə
xama tökürlər. Soyutmanı bəzən iri sümüklü tikə şəklində süfrəyə
verirlər. Bu zaman xamadan istifadə edilmir.
Qoyun əti – 800 q, baş soğan – 120 q, pomidor – 400 q,
xiyar – 400 q, xama – 120 q, duz, istiot.
Kəlləpaça soyutması
Təmizlənmiş və yuyulmuş subməhsulların üzərinə 2-2,5 litr
soyuq su tökülüb 4-5 saat bişirir, vaxtaşırı kəfi və yağı yığılır.
Bişməyə 1 saat qalmış soğan, yerkökü və cəfəri kökü əlavə edilir.
Sonra kəlləpaçanın həlimi süzülür, sümükdən təmizlənmiş bişmiş
ət ətçəkən maşından keçirilib həlimə qatılır, duz və istiot vurulub
10 dəqiqə zəif qaynadılır. Axırda xırda doğranmış sarımsaq əlavə
edilir. İsti kəlləpaça qaynar su ilə yuyulmuş boşqaba və ya
formaya tökülür və bərkimək üçün soyuq yerə qoyulur. Süfrəyə
verdikdə forma qaynar su içərisinə salınır və çevrilərək boşqaba
qoyulur. İri qabda hazırlanan soyutma süfrəyə verildikdə kvadrat
və ya romb şəklində doğranır.
240
Dostları ilə paylaş: |