Logopediya

Rivojlanishida mujassam nuqsonga ega bо‘lgan bolalarga pedagogik yordam kо‘rsatish - amaliy pedagogika sohasida, bolani ijtimoiy bilimdonligini, shuningdek, murakkab nuqsonli bolalarning ta’lim va tarbiyasini oshirishga qaratilib, bu ijtimoiy hulq –atvor kо‘nikma va malakalarini shakllantirishga yо‘naltirilgan, ijtimoiy ta’sir meyorlaridan foydalanib, yagona pedagogik jarayonda amalga oshiriladi. Xususan, O.Shpek chuqur aqli zaif bolalarga pedagogik yordamga shunday qaraydi “bu maqsadga qaratilgan ish emas, balki, birgalikda kundalik hayotga kirishga tо‘g‘ridan –tо‘g‘ri aralashuvdir. Bu bolalarda, gap nafaqat ularga yordam orqali erishilgan natijalar haqida , eng avvalo, yaratilgan shariotda bexavotir yashash imkoniyati haqida boradi”.²
Keltirilgan ma’lumotlardan biz bir qancha umumiylikni, rivojlanishida mujassam nuqsonga ega bо‘lgan bolalarga pedagogik yordam kо‘rsatishning bosh maqsadi- bu hayot talablariga kо‘ra yondoshuvda pedagog va о‘quvchining hamkorlikdagi faoliyati birligini kо‘ramiz.
Pedagogik yordam predmeti о‘z ichiga kompleks nuqsonga ega bо‘lgan insonlarning ta’lim va tarbiyasini о‘ziga xosligini,uni shaxs bо‘lib shakllanishi va ijtimoiylashuvi xususiyatlarini о‘rganish; psixik yoki jismoniy nuqsonlarini korreksiyalash mumkin bо‘lgan shart-sharoit, usul, vositalarni, samarador yо‘llarni aniqlash,buzilgan organlarni komensatsiyalash va shaxsni shakllantirish maqsadida jamiyatga tо‘liq moslashtirishni ta’minlovchi maxsus ta’lim amaliyoti va nazariyasini tashkil etadi.
Mujassam nuqsonga ega bо‘lgan bolalarga pedagogik yordam kо‘rsatish maqsadi - ta’lim va tarbiya jarayonida bolaga asosiy malakalarni о‘zlashtirish yoki muammolarini bartaraf etish uchun shart-sharoit yaratish va uni ijtimoiy muhitga moslashtirishdan iborat.
Murakkab nuqsonga ega bо‘lgan bolalar bilan shunday maqsadga erishish haqida ishonch bilan gapirish mumkinmi? Ehtimol, bu haqiqatdan yiroqdir.Bu eng avvalo, murakkab , chuqur va og‘ir nuqsonli bolalarning fenomenologik sifatlari, ularning ikoniyatlari va kо‘pgina turli xil salbiy omillarning mavjudligi bilan tushuntiriladi. Pedagogning vazifasi – yordam kо‘rsatishning mos usulini tanlash , bu bolani qо‘yilgan maqsadga yaqinlashtirish uchun о‘z faoliyatini tо‘g‘ri tashkil etish va amalga oshirish, aynan - hayotga tayyorlash, unda kundalik hayotini yо‘lga qо‘yish, о‘ziga mos qandaydir kasb egallashlari uchun kо‘nikma va malakalarni shakllantirish va hakozolardan iborat.
Inson shaxsini shakllanishida bir sifat holatidan boshqa ancha mukammallashgan sifat holatiga о‘tkazish , о‘zgartirish qonuniyati jarayoni mavjud. Ma’lumki, insonni rivojlanishiga tashqi ( ekologik, ijtimoiy,madaniy) va ichki (fiziologik, genetik, psixik) omillar, ularning murakkab va takrorlanmas birligi ta’sir etadi. Rivojlanishida mujassam nuqsonga ega bо‘lgan bolalarda ham sog‘lom bolalarga xos psixik rivojlanish bosqichlari kuzatiladi. Bunda harakatlantiruvchi kuch- ehtiyojlar va ularni qoniqtirish vositalari о‘rtasidagi qarama-qarshilik hisoblanadi. Bu qarama –qarshilik ehtiyojlarni qondirishning mukammal vositalarini talab etadi, bu о‘z navbatida individda ancha mukammal ehtiyojlarni paydo bо‘lishiga olib keladi. ”Psixik rivojlanish qonuniyatlari о‘zgarmagan, ammo, metodlar, pedagogik ta’sir texnologiyalari boshqacha bо‘ladi. Ular eng avvalo, bolani meyorda rivojlanishiga tо‘sqinlik qiluvchi va mujassam nuqsonlarni keltirib chiqaruvchi sabablarni bartaraf etishga, bolada psixik rivojlanishning umuminsoniy qonuniyatlarini amalga oshirish imkonini berishga yо‘naltirilgan ”.³
Pedagogik yordam rivojlanishida mujassam nuqsonga ega bо‘lgan bolaning muammosidan kelib chiqadi va “alohida yordamga muhtoj shaxslarni turli yosh bosqichlarida, jamiyatning turli sohalarida va ijtimoiy institutlar va ijtimoiy yordam va tarbiyalashning barcha subyektlari ishtirokida shaxs rivojlanishining о‘ziga xosligini hisobga olgan holda, ijtimoiy tarbiyani maqsadli tashkil etilgan ajralmas jarayoni ” sifatida belgilangan ijtimoiy –pedagogik faoliyat sifatida amalga oshiriladi.⁴
Kо‘r-kar bolalarga nisbatan korreksion-pedagoik ishlar bо‘yicha anchagina malakalar tо‘plangan. Aniq, ilmiy asoslangan va eksperemental tekshirilgan kо‘r-kar bolalarni о‘qitish texnologiyasi bolalarning kompensator imkoniyatlarini ilk yosh bosqichlaridanoq ochish imkonini beradi. Ammo , hozirgi vaqtda bu toifa bolalar xususiyatlarining xilma-xilligi bilan farq qiladi, bu esa, murakkab nuqsonga ega bо‘lgan bolalarning har bir guruhiga ta’lim va tarbiya uchun asoslangan dastur va ishlanmalarni talab etadi.
Rivojlanishida mujassam nuqsonga ega bо‘lgan bolalar turli maxsus muassasalarga tushib qolishadi, bu pedagogik ishlar mazmunini belgilash bilan bog‘liq katta muammolarni paydo bо‘lishiga olib keladi. Bunday bolalarni о‘qitishda yetakchi nuqsonnigina hisobga olish, har tomonlama yetarli va tо‘liq ta’limni ta’minlay olmaydi.
Umumta’lim Davlat standartlariga (1999) kо‘ra, imkoniyati cheklangan mujassam (murakkab) nuqsonga ega bо‘lgan bolalar ta’limi farqli (differensial) amalga oshiriladi.Unda eshitmaydigan bolalar ichida, kar bolalarga mо‘ljallangan dastur asosida о‘qiyotgan bolalar ichida psixofizik rivojlanishida qо‘shimcha nuqsonlarga ega bо‘lgan (birlamchi nuqsonlar bilan birga harakat, kо‘rish nuqsonlarini birga kelishi, ruhiy rivojlanishning orqada qolishi, aqli zaiflik va boshqalar) bolalar bо‘lmasligi kо‘rsatilgan. Amaldagi qonunlarga kо‘ra, murakkab nuqsonli bolalar uchun yordamchi sinflar, ruhiy rivojlanishi sustlashgan bolalar sinflari, kar-kо‘r bolalar va boshqalar uchun sinflar tashkil etilgan. Ta’lim kam sonli bolalar bilan, maxsus dastur asosida olib boriladi va alohida yakka yondoshuvni talab etadi. Asosiy guruhlarga ikkita birlamchi nuqsonlar qо‘shilib kelgan eshitishida nuqsoni bо‘lgan bolalar ajratiladi: karlik va aqli zaiflik, karlik va ruhiy rivojlanishning sustlashganligi. Tibbiy tashxis va pedagogik xulosalar mos kelganda, aqli zaif, zaif eshituvchi bolalar zaif eshituvchi bolalar uchun mо‘ljallangan bolalar maktabidagi yordamchi sinflarga qabul qilinishi mumkin. Kо‘r va zaif kо‘ruvchi aqli zaif, ruhiy rivojlanishi sustlashgan bolalar maxsus sinflarda о‘qitilishi mumkin. Sinflar tibbiy – pedagogik - psixologik kommisiya (TPPK) xulosasiga kо‘ra komplektlanadi.
Turli darajadaga aqli zaiflikka ega serebral falajli (BSF) bolalar turli shaklda tashkil etiladigan ta’lim shakli va turli darajadagi dasturlarni ishlab chiqilishini talab etadi. Asosiy e’tibor korreksion tizim fanlariga qaratilishi kerak. Eshitishi va kо‘rishi turli darajada buzilgan BSF bolalar tо‘g‘ri tashkil etilgan ta’lim shakllari, maxsus о‘quv rejalari va dasturlarini talab etadi ( maxsus bо‘limlar, sinflar, maktab, internat qoshidagi guruhlar).
Murakkab nuqsonga ega bolalar, masalan,zaif eshituvchi yoki zaif kо‘ruvchilikka ruhiy rivojlanishi sustlashganlik, aqli zaiflik qо‘shilib kelganda, tayanch-harakat apparati buzilishi bilan birga alaliya, afaziya, rinolaliya, og‘ir darajadagi dizartriya bilan aziyat chekayotgan bolalar mutahassislar bilan ta’minlangan, texnik sharoit yaratilganda, tibbiy xulosalarga kо‘ra, yakka dasturlar asosida tо‘liq yoki qisman ta’limda о‘quvchilar jamoasiga qо‘shilishi mumkin. Integratsiya darajasi, uning shakli va davomiyligi shifokor, psixolog, о‘qituvchi-logoped, defektolog va maktab uslubchilari maslahatlariga kо‘ra belgilanadi.
Yuqorida aytilganlarni hisobga olib, rivojlanishida murakkab nuqsonga ega bо‘lgan bolalarni metodologik о‘rganish turli ilmiy sohalar bilan bog‘lqlikda kechadi: psixologiya, pedagogika, tibbiy sohadagi qator fanlar, ijtimoiy pedagogika. Bolalarga ta’limiy va tarbiyaviy yordam yagona pedagogik jarayonning tarkibiy qismi hisoblanib, ta’lim va tarbiya metodlari, shakllari, vazifalari va maqsadini belgilovchi umumiy pedagogika bilan uzviy bog‘liq. Shu bilan birga, umumiy pedagogikadagi ilmiy asoslarni rivojlanishida mujassam nuqsonga ega bо‘lgan bolalarga pedagogik yordam kо‘rsatish jarayonida qо‘llash aniq metodikalar, ta’lim texnologiyalari va mazmuni nuqson tabiatini hisobga olgan holda, qayta tuziladi, maxsus pedagogikaning turli sohalarida – tiflopedagogika, surdopedagogika, logopediya va olgofrenopedagogikada mavjud metodikalar va korreksion ta’sir metodlari takomillashtiriladi, yangi usullar ishlab chiqiladi.
Umumiy va maxsus psixologiyadan asosiy bilimlar nuqson tabiatini, bolani ruhiy rivojlanishi qonuniyatarini ochib berishga,mujassam nuqsonga ega bо‘lgan bolalarni individual tarbiyasi va farqlangan ta’limini tashkil etishga yordam beradi.
Mujassam nuqson asosida markaziy nerv tizimining (MNS) jarohatlanishi, sensor sohalarning buzilishi, shuningdek, turli genetik omillar yotar ekan, ularni tushunish va hisobga olish uchun tibbiyotning turli sohalari - nevropatologiya, bolalar anatomiyasi va fiziologiyasi, psixopatologiya, psixiatriya, odam genetikasi, oftalmologiya, foniatriya, otoriolaringologiya, surdodlogiya, pediatriya, ortopediya va boshqa sohalari bо‘yicha ma’lum bilimlar talab etiladi.
Ijtimoiy fanlar bilan ham uzviy aloqa kuzatilib, u butun hayotiy hodisalarni kechishi darajasini va insonni rivojlanishini tо‘liq qamrab oladi.Umumiy maxsus ta’lim tizimiga nisbatan rivojlanishida mujassam nuqsonga ega bо‘lgan bolalarning korreksion –pedagogik ta’lim va tarbiyasi qator sifatlarga ega integrallashgan kichik tizim hisoblanadi: uni tashkil qiluvchi elementlarni birligi va tо‘liqligi, kо‘p modullilik, ma’lum о‘zgaruvchanligi.
Hozirgi vaqtda rivojlanishida mujassam nuqsonlarga ega bо‘lgan bolalarga yordam kо‘rsatish rivojlanish bosqichida. Ammo u, maxsus korreksion muassasalarda, turli dasturlar, turli ta’lim boshqaruv organlari boshchiligida va metodik, meyoriy materiallarga tayanib amalga oshirilmoqda.
Rivojlanishida mujassam nuqsonlarga ega bо‘lgan bolalarni о‘qitish sohasi yо‘nalishidagi ilmiy vazifalar quyidagi asosiy muammolarni qayta ishlash hisoblanadi:
- rivojlanishida mujassam nuqsonlargan ega bо‘lgan shaxslarni xar tomonlama psixologo-pedagogik va klinik о‘rganish;
- rivojlanishdagi jismoniy, psixik buzilishlarni va analizatorlar faoliyatidagi nuqsonlar xususiyatlarini aniqlash va belgilash;
- mujassam nuqsonlarga ega bolalarning ta’lim va tarbiyasidagi obyektiv qonuniyatlarni о‘rganish;
- maxsus tashkil etilgan ta’lim va tarbiya jarayonining kompleks tizimini ishlab chiqish va ilmiy asoslash;*
- ta’dim mazmunining ilmiy asoslarini ( о‘quv dasturi, uquv reja) ishlab chiqish, uning metodlari va tamoyillarini belgilash.
Asosiy e’tibor rivojlanishida kompleks nuqsonga ega bо‘lgan bolalarning kompensator imkoniyatlarini kengaytirishga mо‘ljallangan maxsus texnik vositalarni yaratilishiga qaratilishi kerak.
Murakkab nuqsonlarning о‘ziga xosligi, kо‘rish, eshitish, intellektual yetishmovchilik, tayanch-harakat apparati tizimining buzilishi, nutqiy nuqsonlarni qо‘shilib kelishi butun differensal ta’lim va tarbiya jarayonida chuqur ilmiy asoslanishni talab etadi.
Bunday bolalarning rivojlanishini har tomonlama о‘rganish bolalarni turli toifalarga , bolalarni alohida guruhlar va sinflarga ajratish tamoyillarini , shuningdek, korreksion –pedagogik ishlarning ancha mahsuldor yо‘llarini aniqlaydi.