Logopediya

Nazorat uchun savollar:

1. 
   ONB bolalarda pedagogik davolash ishlari kanday olib boriladi?
   
2. 
   ONB bolalvr asosan kanday tadbirlarni qо‘llanishiga extiyoj sezadilar ?
   
3. 
   R.YE Levina nutqiy rivojlanishini shakllanishini kechiktiruvchi komponentlarni necha bosqichga buladi?
   
4. 
   Logopedik tekshiruvlar qanday bо‘limlardan tashkil topgan ?
   
5. 
   Ekspressiv va impressiv nutkni klaster yordamida yoriting.
   
6. 
   Og‘ir nutq nuqsonli bolalar klassifikatsiyasini jadvalga soling.
   

3-Mavzu. Rivojlanishida nuqsoni bo‘lgan bolalar va o‘smirlarni kompleks reabilitatsiya qilish jarayonida psixoterapiya va psixokorrеksiya usullarini qo‘llash.

РЕЖА:

1. 
   Rivojlanishida nuksonlari bulgan bolalar va usmirlarni kompleks reabilitatsiya kilishda refleksoterapiya kompleksli korreksiya ishlari.
   
2. 
   Psixoterapiya, psixokorreksiya usullarini qo`llash
   

Tayanch iboralar: refleksoterapiya, aurikuloterapiya, aurikuloelektropunktura, affekt, psixoterapiya, psixokorreksiY.
Psixoterapiya va psixokorreksiya - bu insonlarning salomatligini saqlash maqsadida о‘zaro bir biri bilan bog‘langan psixologik ta’sir etish shakllaridir.
Psixoterapiya- bu psixikaga kasallik hodisalarini bartaraf etish yoki oldini olish, о‘ziga о‘zining nuqsoniga nisbatan tо‘g‘ri munosabatni rivojlantirish maqsadida kompleks davolovchi- psixologik – pedagogik ta’sir etishdir. Rivojlanishida nuqsoni bо‘lgan bolalarda psixoterapiya davolovchi- psixologik – pedagogik korreksion tadbirlar, davolashning ta’lim va tarbiyaning barcha jarayonlari bilan uzviy bog‘liq .Psixoterapiya о‘tkazish uchun mutaxassis bola kasalligi bilan yaxshi tanish bо‘lishi kerak.
Maktabgacha yoshdagi bolalarning psixologik xususiyatlari ( yuqori darajadagi ishonuvchanlik, hissiy ta’sirchanlik, shifokorga, tarbiyachi, pedagogga bog‘lanib qolishi) psixoterapiyani samarali qо‘llash uchun keng imkoniyatlar ochadi. Rivojlanishida nuqsoni bо‘lgan bolalarning kо‘pchiligida erta ikkilamchi reaktiv xarakterdagi hissiy buzilishlar kuzatilib, ular ishonchsizlik, nutqiy muloqotdan qо‘rqish, kayfiyatning tushkunligi, haddan tashqari tez hafa bо‘lishida, havsirash, qо‘zg‘aluvchanligidan namoyon bо‘ladi. Bu hissiy buzilishlar bolaning nerv tizimini yanada zaiflashtirdai va turli nevrotik reaksiyalarning rivojlanishiga qulay sharoit yaratadi ( duduqlanish, enurez, qо‘rquv, qaltirash va hakozo).
Maktabgacha yoshdagi bolalar bilan ishlashda о‘yinli psixoterapiya keng qо‘llaniladi. О‘yin jarayonida bola о‘zini tо‘g‘ri tutishga о‘rgatiladi.

Korreksion pedagogikaning maqsadi – sog‘lom bolalarni ta’lim va tarbiyasi emas, balki, nuqsonli bolalarni ularning rivojlanish xususiyatlarini hisobga olgan holda qayta tarbiyalash va qayta tarbiyalashdir. Muloqotning asosiy vositasi- sо‘zdir. Aynan manashu psixoterapiyaning asosiy vositasi hisoblanadi. Rivojlanishida turli xil buzilishlarga ega bolalar va о‘smirlar bilan ishlashda turli xil psixoterapevtik metodlar keng qо‘llaniladi: guruhli, yakka, oilaviy, ratsional va suggestiv.

Psixokorreksiyaning metodlari va usullari “ kasal emas, sog‘lom”,nevrotik ta’sir etish shakllari va dizadaptatsiya hulq atvorlari shakllana boshlagani haqida bolalar gap ketganida birinchi rejaga chiqadi. Shu tariqa, psixoterapiyaga davolash metodi sifatida, psixologik korreksiyaga esa, -bolada psixologik havf -hatar omillarini qayta qurish, oilada iliq munosabatlarni yaratuvchi profilaktika metodi sifatida qarash mumkin. Psixokorreksiyaning boshlang‘ich bosqichi maxsus tanlangan psixologik metodikalardan foydalanib psixik jarayonlarni turli tomonlarini, xususiyatlarini, shaxsiy sifatlarini va faoliyat turlarini kompleks tashxis qilish hisoblanadi.
Psixokorreksion kompleks о‘zaro bog‘langan bir nechta bо‘limlardan tashkil topgan. Har bir bо‘lim turli xil vazifalarni amalga oshiradi va maxsus tashkil etilgan metodlar va usullardan tashkil topgan.