612
kimi vəhdətinin yaradılmasını nəzərdə tutan inteqrasiyaya əsaslanmır. MDB
çərçivəsində ticarət və başqa iqtisadi əlaqələr yalnız ikitərəfli əsasda qurulur
və hər bir cütlüyün əməkdaşlıq şərtləri başqalarından əhəmiyyətli dərəcədə
fərqlənir. Buna görə də MDB-də iqtisadi əməkdaşlıq barədə göstəricilər bir
çox başqa qruplaşmaların, xüsusilə də inkişaf etmiş ölkələrin regional
birliklərinin göstəricilərindən geridə qalır. MDB-də xarici ticarətin ümumi
həcmində qarşılıqlı ticarət dövriyyəsinin payı azalır və təqribən 20% təşkil
edir (buna bənzər proses MERKOSUR-da baş verirdi).
Təsərrüfatların birləşməsinin qarşısındakı maneələrin obyektiv və
subyektiv səbəbləri vardır. Bunlar istehsal aparatının yeni mülkiyyətçilərinin
klan maraqları, bu maraqları təmsil edən və ölkələrinin ağır vəziyyətdə
olmasına baxmayaraq, beynəlxalq miqyasda özünütəsdiqə çalışan liderlərin
siyasi təkəbbürləridir. Yeni dövlətlərin iqtisadi inkişafının qeyri-
bərabərliyinin güclənməsi, onların çoxunun təsərrüfatının xammal yönümlü
olması birləşmə qarşısında maneədir. Qiymət siyasəti də prosesə ləngidici
təsir göstərir. Bu siyasətin nəticəsində MDB-dən olan tərəfdaşlar üçün
nəzərdə tutulan daxili qiymətlər eyni malların uzaq xarici ölkələrə
göndərilməsi zamanı tətbiq olunan qiymətlərdən yüksək olur. Qərb
dövlətlərinin siyasəti də bu ölkələrin bir-birindən uzaqlaşmasına təsir
göstərir. Qərb dövlətlərinin iqtisadi yardımı bir sıra hallarda istehsal
kooperasiyasına mane olur, ödəniş qabiliyyətli müəssisələr arasında qalan
əlaqələri pozur.
İqtisadi ittifaqın zahiriliyinə, reallıqda xarici iqtisadi fəaliyyətin,
vergi siyasətinin əlaqələndirilməməsinə, götürülən öhdəliklərin yerinə
yetirilməsinə görə məsuliyyət mexanizminin yoxluğuna MDB-nin müxtəlif
subregional qruplaşmalara parçalanması əlavə olunur. Bunlar Avrasiya
İqtisadi Birliyi (RF, Belarus, Qazaxıstan, Qırğızıstan, Tacikistan), GUAM
(Gürcüstan, Ukrayna, Azərbaycan Moldova), 2 dövlətin müstəqilliyinin
saxlanmasına əsaslanan Rusiya və Belarus İttifaqı, RF-in, Belarusun və
Qazaxıstanın gömrük ittifaqıdır. Milli xüsusiyyətlərdən, dini gərginlikdən,
geosiyasi səmtləşmədən, sosial-iqtisadi vəziyyətdən ölkələri bir-birindən
ayıran məqamlar kimi istifadə olunur.
İqtisadiyyatların müstəqilliyi, sahibkarlıq fəaliyyətinin klan xarakteri,
təsərrüfat subyektləri səviyyəsində kooperasiyanı, yaxud mikrosəviyyədə
inteqrasiyanı ləngidir. Qanunvericilikdə mövcud olan əksliklər də maneə
kimi çıxış edir.
MDB ölkələrinin çoxu öz əlaqələrini RF-dən başqa xarici ölkələrə
yönəltmişdir və onların ixracının 4/5 hissəsi, idxalının 2/3 hissəsi onların
payına düşür. RF, Ermənistan, Gürcüstan və Özbəkistanın xarici iqtisadi
fəaliyyəti əsasən üçüncü ölkələrə istiqamətlənmişdir və yalnız Belarus,
Moldova və Türkmənistanın ixracının əsas hissəsi Birlik ölkələrinə gedir.
613
Bütün bunlar qarşılıqlı ticarətin inkişafına imkan vermir, istehsal
əlaqələrinin bağlılığı və bir-birini tamamlaması isə get-gedə zəifləyir.
_____________________________________________________
RF-nın MDB ölkələri ilə münasibətləri
RF-in MDB iştirakçısı olan ölkələrlə münasibətləri rəsmi surətdə
hədəf xarakteri daşıyanlara aid edilir. Amma bu ölkələrlə ticarətin həcmi
aşağı düşmüşdür. 1991-2008-ci illərdə Rusiyanın ticarət dövriyyəsində
MDB iştirakçısı olan ölkələrin payı 54,6%-dən 15%-ə enmişdir. Keyfiyyət
dəyişiklikləri baş vermişdir. 1990-cı illərin əvvəlində kooperasiya
münasibətləri saxlanılırdısa, onilliyin sonunda sadəcə olaraq əmtəə
mübadiləsi üstünlük təşkil edirdi.
Birinci mərhələdə RF-in hakim dairələri MDB-yə artıq yük kimi
yanaşaraq, mərkəzdənqaçma meyillərini dəstəkləyirdi. Qərb bazarlarına
istiqamətlənmə emal sənayesinin ixracının kəskin azalması ilə nəticə-
lənmişdir və onun bərpası çox çətin ola bilər. Son vaxtlaradək xarici iqtisadi
əlaqələrdən bir çox hallarda xarici siyasi təzyiq aləti kimi istifadə edilirdi.
MDB ölkələri ilə xarici iqtisadi əlaqələrin coğrafi yönümündə
dəyişikliklər baş vermişdir. Onlar öz təzahürünü Cənubi Qafqaz və Mərkəzi
Asiya ölkələrinin iqtisadi əlaqələrdə xüsusi çəkisinin aşağı düşməsində
tapmışdır. Bu regionların bəzi ölkələri ilə iqtisadi münasibətlər ən aşağı
səviyyədədir.
2000-ci illərdə RF-in MDB çərçivəsində ticarət dövriyyəsinin 70%-i
Ukrayna və Belarusun payına (müvafiq olaraq 35% və 38%) düşürdü.
Rusiya ixracının əsas hissəsi Belarusa gedir və bu ölkə Rusiyanın idxalının
əsas hissəsini təmin edir. Belarus və Ukraynadan sonra böyük geriliklə
Qazaxıstan gəlir. Amma bu ölkələr əmtəə dövriyyəsinin həcminə görə AFR-
dən geridə qalır.
RF-in MDB ölkələrinə ixracında mineral məhsullar, kimya malları
və metallar üstünlük təşkil edir (58-61%). Qeyd etməliyik ki, maşınqayırma
məhsullarının ixracı azalır və böyük enib-qalxmalarla onun 16-18%-ni təşkil
edir. Ticarət saldosu RF-in xeyrinə müsbət saldo ilə yekunlaşır.
Kapitalın RF ilə başqa MDB ölkələri arasında birbaşa investisiyalar
formasında hərəkəti cüzidir. MDB-nin başqa ölkələrinin Rusiya təsərrüfatına
birbaşa kapital qoyuluşları XBKQ-nin ümumi həcminin yalnız 1,5%-ni
təşkil edir. Onların arasında ən iri investor Ukraynadır.
Ümumilikdə isə, siyasi iradənin olmaması, kapitalın Rusiyadan
Qərbə çıxarılması, iqtisadi potensialın zəifləməsi RF-in iqtisadi
münasibətlərində MDB ölkələrinin ikinci dərəcəli mövqelərə keçməsi ilə
nəticələnmişdir.