153
1980-ci illərdə bir qədər aşağı düşdükdən sonra 10%-ə çatmışdır. Ən böyük
həcmdə kapital alan ölkələr Səudiyyə Ərəbistanı, Türkiyə və Meksika
olmuşdur.
Beynəlxalq kapital bazarlarında əsas kreditorların tərkibində
dəyişikliklər baş vermişdir. Əvvəllər bu qisimdə inkişaf etmiş ölkələrin
sahibkarlıq subyektləri çıxış edirdi. 2000-ci illərdə onlara bir sıra inkişaf
etməkdə olan ölkələr: ÇXR, Səudiyyə Ərəbistanı, Rusiya Federasiyası da
qoşulmuşdur. ÇXR ən iri kreditora çevrilmişdir: 2008-ci ildə xalis kapital
ixracının 23,4%-i onun payına düşmüş və ölkə bu göstəriciyə görə Almaniya
və Yaponiyanı xeyli geridə qoymuşdur. 1990-cı illərdə inkişaf etmiş
ölkələrin tədiyyə balanslarının cari maddələri üzrə müsbət saldosu 170
milyard dollardan çox olmuş və bu, onların xalis kreditorlar kimi çıxış
etməsinə imkan vermişdir. İnkişaf etməkdə olan ölkələr cari əməliyyatları
25-121 milyard dollar məbləğində böyük kəsirlə başa vururdu. 2000-ci
illərdə inkişaf etməkdə olan ölkələrin cari əməliyyatlar üzrə saldosu müsbət,
inkişaf etmiş ölkələrdə isə mənfi olmuşdur.
Kreditorlar kreditlərin və borcların verilməsinin mümkünlüyünü
böyük ehtiyatla təhlil edirlər. Ödəniş qabiliyyəti maliyyə vəsaitlərinin
verilməsinin ən ciddi məhdudlaşdırıcı amilidir. Bu, inkişaf etməkdə olan
ölkələrə xalis kapital axınının azalması ilə nəticələnir.
________________________________________________
Faiz dərəcələri
Beynəlxalq kapital bazarlarında vəsaitlər müəyyən şərtlərlə alınır.
Beynəlxalq kapital bazarlarında kreditlərin verilməsi şərtləri müxtəlif
göstəricilərin mürəkkəb kompleksindən ibarətdir. Amma onlardan ən
əsasları "qiymət", müddətlər və hesablaşma valyutasıdır. Kreditin "qiyməti"
faiz dərəcəsi əsasında əmələ gəlir.
Vəsait qoyuluşlarının harada - öz ölkəsində, yaxud xaricdə həyata
keçirilməsi barədə qərar qəbul edərkən, ölkə daxilindəki faiz dərəcəsi xaricə
investisiya qoyuluşundan əldə edilməsi gözlənilən gəlirlə müqayisə olunur:
burada:
r
d
- ölkə daxilində faiz dərəcəsi;
r
f
- başqa ölkədə faiz dərəcəsi;
E
t
- t anında milli valyutanın mübadilə məzənnəsi;
E
t+1
- gələcəkdə t+1 anında xarici valyutanın mübadilə məzənnəsi;
U - gözlənilən gəlirdir.
154
Fərq müsbətdirsə, vəsaitləri ölkə daxilində qoymaq daha münasibdir.
Fərqin mənfi olması xaricə qoyulan vəsaitin daha çox gəlir gətirəcəyini
göstərir.
Faiz dərəcələrinin strukturu və hərəkəti beynəlxalq ssuda kapitalları
bazarlarının inkişafının əsas qanunauyğunluqlarını əks etdirir. Dünya
təsərrüfatında konyunkturun cüzi dəyişməsinə tez bir zamanda reaksiya
verməklə, faiz dərəcəsi daxili və xarici kredit bazarlarında yaranmış
vəziyyəti obyektiv qiymətləndirməyə və onların yaxın perspektivdə inkişafı
barədə nəticə çıxarmağa imkan yaradır. Faiz dərəcəsindən müəyyən
səmərəliliklə makro və mikro iqtisadi proseslərə təsir göstərilməsinin aləti
kimi istifadə oluna bilər.
Kapitallar bazarlarının beynəlmiləlləşməsinin güclənməsi orta
hesabla götürülmüş vahiddən, yəni sintetik qlobal faiz dərəcəsindən istifadə
olunmasını nəzərdə tutur. Həm qısamüddətli, həm də uzunmüddətli qlobal
faiz dərəcələri 1980-1990-cı illərdə əvvəlki onilliklərlə müqayisədə kifayət
qədər yüksək olmuşdur.
Dünya üzrə uzunmüddətli real faiz dərəcələri orta hesabla 1960-cı
illərdə 3% olmuş, 1970-ci illərdə 0,5%-dək aşağı düşmüş, sonra yenidən
yüksəlmişdir. 1990-cı illərdə bu dərəcə 3,5%, 1999-2006-cı illərdə 2,3%-ə
bərabər olmuşdur.
Qısamüddətli real faiz dərəcələri 1960-cı illərdə 1,25%, 1973-1980-
ci illərdə mənfi 1,25%-dək aşağı düşmüşdür. 1990-cı illərin sonunda
qısamüddətli real faiz dərəcələri 2,5%, 1999-2006-cı illərdə 1,3% olmuşdur.
Real faiz dərəcələrinin səviyyəsinin aşağı düşməsi dövlət borcunun
artması ilə müşayiət olunurdu. Belə ki, 1990-cı illərdə inkişaf etmiş ölkələrin
dövlət borcu onların ÜDM-nin 70%-i, 2000-2005-ci illərdə 72,5%-i, 2006-
2010-cu illərdə 82,5%-i həcmində olmuşdur. Faiz dərəcələrinə orta hesabla
artan mənfəət güclü təsir göstərmişdir.
Real faiz dərəcələrinin aşağı düşməsi isə, inkişaf etmiş ölkələrin bir
çoxunda beynəlxalq borclar üzrə yükün yüngülləşdiyi, tədiyyə balansının
cari əməliyyatları üzrə müsbət saldonun yarandığı dövrə təsadüf edir.
8.5. Maliyyə böhranları
Dünyada valyuta-kredit münasibətlərinin inkişafı maliyyə böhran-
larının baş verməsi ilə müşayiət olunur. Dünya təsərrüfatı yarananadək
maliyyə sarsıntıları ayrı-ayrı ölkələrin milli sistemlərini əhatə edirdi. Ötən
əsrdə bu böhranlar beynəlxalq xarakter almağa başladı. Maliyyə
böhranlarının beynəlxalq xarakteri bazar iqtisadiyyatının inkişafının uzun
müddət sürən dalğasının aşağı fazasına aid olan 1930-cu və 1990-cı illərdə
155
özünü daha parlaq şəkildə göstərdi. Maliyyə böhranları əhəmiyyətli
dərəcədə dünya təsərrüfatı sistemində baş verən struktur dəyişikliklərinin
inikası olmuşdur. Uzun sürən tarixi dövr ərzində onların dərinliyi və miqyası
dəyişmişdir.
Maliyyə böhranlarının mümkünlüyü kapitalın hərəkətinin, bazarın
fəaliyyətinin xarakterindən irəli gəlir. Kapitallar bazarlarında bağlanılan
əqdlər gələcəkdə yaradılmalı olan dəyərin maliyyələşdirilməsi deməkdir.
Buna görə də pul axınları mövcud olan (avanslaşdırılmış) və gələcək dəyər
(mənfəət) arasındakı real vaxt fərqi ərzində gəlirlərin əldə olunması barədə
"ümidlərə" xidmət edir. Bu ona görə baş verir ki, maliyyə bazarında maliyyə
aktivlərinə (alətlərinə) dair mülkiyyət tələbləri gəlir verməyə qadir olan
mülkiyyətin meydana çıxmasından xeyli əvvəl sənədlərlə rəsmiləşdirilir. Bir
sıra hallarda tələblər eyni zamanda müxtəlif əməliyyatlarda iştirak edən
çoxsaylı bazar iştirakçıları arasında rəsmiləşdirilir. Gələcək gəlirlər və
likvidliyin axtarılması arasındakı vaxt fərqi vəsaitlərin kreditora
qaytarılmaması riskini yaradır. Risklərin sığortalanmasının mövcud sistemi
təkmillikdən çox uzaq olduğuna görə, bir həlqənin qırılması başqa əqdlərin
pozulmasına, çox zaman isə, milli və beynəlxalq bazarlarda böhran
yaranmasına gətirib çıxarır.
Beynəlxalq maliyyə böhranı dedikdə, bir sıra ölkələrdə maliyyə-
kredit sistemində baş verən dərin pozuntular nəticəsində beynəlxalq valyuta-
kredit sistemlərində kəskin qeyri-mütənasibliklər in və fəaliyyətində
fasilələrin yaranması başa düşülür. Bu böhranlar dünya maliyyə sisteminin
müxtəlif sahələrini, adətən, eyni vaxtda bürüyür. Maliyyə böhranlarının
mərkəzi pul kapitalı, onların birbaşa təzahür etdiyi sahələr isə kredit
idarələri, dövlət maliyyəsidir.
Dalğavari və xüsusi beynəlxalq maliyyə böhranları fərqləndirilir.
Birincisi istehsalda baş verəcək iqtisadi böhranın nişanəsidir, ikincisi isə
dalğanın hərəkətindən asılı olmayaraq, xüsusi səbəblər üzündən yaransa da,
əks olunma yolu ilə təsərrüfata və xarici iqtisadi əlaqələrə təsir göstərir.
_____________________________________________________
Maliyyə böhranlarının təzahürünün formaları
Maliyyə böhranının nişanələri aşağıdakılardır: (1) valyuta
məzənnələrinin kəskin surətdə aşağı düşməsi və faiz dərəcələrinin sürətlə
artması; (2) bankların başqa kredit idarələrində olan depozitlərini kütləvi
qaydada geri götürməsi, öz hesablarından nağd pulun verilməsinin
məhdudlaşdırılması, yaxud dayandırılması (bank böhranı); (3) şirkətlər
arasında maliyyə alətləri vasitəsilə hesablaşmalar sisteminin normal
fəaliyyətinin pozulması (hesablaşmaların böhranı); (4) pul tədavülünün
böhranı; (5) borc böhranı.
Dostları ilə paylaş: |