151
misaldır (MDM-in 0,2%-i). İxrac kreditlərinin və birbaşa kapital
qoyuluşlarının dövlət tərəfindən sığortalanmasının da mühüm əhəmiyyəti
vardır.
Dünya kapitallar bazarının institusional strukturunda dövlətlərarası
banklar və
valyuta fondları xüsusi yer tutur. Onların arasında 1930-cu ildə
yaradılmış və 55 ölkənin hökumətlərarası təşkilatı olan Beynəlxalq
Hesablaşmalar Bankı (BHB, Bazel, İsveçrə) onların sırasındadır. Bu bank
üzv ölkələrin mərkəzi banklarının bankıdır. Bank qarşılıqlı hesablaşmaları
həyata keçirir, avrobazarın vəziyyətinə nəzarət edir, bütün dünyada valyuta
və kredit münasibətlərinin tənzimlənməsinə yardım göstərir. Sadaladığımız
sonuncu funksiya BHB-ni ümumdünya xarakterli ən iri beynəlxalq valyuta-
kredit təşkilatları olan BVF-in və DB-nin mühüm köməkçi orqanı kimi
səciyyələndirir. BHB beynəlxalq bank əməliyyatlarına nəzarət etmək və
məsləhət verməklə yanaşı, bir çox hallarda mərkəzi bankların qısa müddətə
maliyyələşdirilməsini (bank uzunmüddətli maliyyələşdirilmə barədə
müqavilə bağladıqdan dərhal sonra qaytarılan "aralıq" borclar) təmin edir.
Demək olar ki, bütün ölkələrin iştirak etdiyi dünya maliyyə
təşkilatları (BVF, DB) ilə yanaşı bir sıra regionların və qitələrin höku-
mətlərarası bankları da mövcuddur: Aİ üzvlərinə və assosiasiya olunmuş
inkişaf etməkdə olan ölkələrə xidmət göstərən Avropa İnvestisiya Bankı
(AİB, 1958); Amerikaarası İnkişaf Bankı (AAİB, 1959); Afrika İnkişaf
Bankı (AFİB, 1964); Asiya İnkişaf Bankı (ASİB,1963); Avropa
Yenidənqurma və İnkişaf Bankı (AYİB, 1990).
Dünya maliyyə bazarı subyektlərinin beynəlxalq əməliyyatlarının
genişlənməsi dünyada sırf maliyyə əməliyyatlarının məcmu dövriyyəsinin
əsas yerə çıxması ilə nəticələndi. Onun dövriyyəsi malların və xidmətlərin
dünya dövriyyəsindən dəfələrlə tez sürətlə artmağa başladı. Artıq 1990-cı
illərin əvvəllərində ödənişlər üzrə dövriyyənin ümumi həcmində maliyyə
xarakterli əməliyyatların payı 1960-1970-ci illərdəki 40-50%-dən 90%-dək
yüksəldi.
Maliyyə əqdləri dünya maliyyə bazarında və onun ayrı-ayrı
mərkəzlərində konyunkturun dəyişməsindən asılı olaraq, kapitalın
yerdəyişməsindən əlavə mənfəət əldə etmək imkanı yaradır. Bununla da
onlar bazarın möhtəkirliyə yönəlməsinə, maliyyə əqdləri ilə real iqtisadi
əməliyyatlar arasında təhlükəli uzaqlaşmaya gətirib çıxarır. Dünya maliyyə
sistemində mövcud olan qaydalar maliyyə qurumları aparıcı mövqelər tutan
ölkələrin maraqlarına daha çox cavab verir və onlara zəif ölkələrə zərər
vurmaqla, faydalanmaq imkanı yaradır.
Son onilliklər ərzində dünya maliyyə sistemində alətlərin sayının
kəskin genişlənmiş (sekyuritizasiya), kapitalın təmərküzləşməsi və
mərkəzləşməsi baş vermiş, müxtəlif seqmentlər və qurumlar arasında
152
əlaqələr güclənmişdir. Aparıcı maliyyə qurumlarının miqyasının iriləşməsi
və fəaliyyət dairəsinin genişlənməsi ehtimal olunan riskləri artırmışdır. Ən
iri təşkilatların fəaliyyətinin əsas seqmentlərindən birində baş verən
uğursuzluq bütün maliyyə sistemində həlli çətin olan problemlər yarada,
ayrı-ayrı milli iqtisadiyyatların və dünya təsərrüfatının işinə mənfi təsir
göstərə bilər. Böhran sarsıntılarının baş verməsinin əsas səbəbləri dünyada
baş verən iqtisadi proseslər üzərində nəzarətin get-gedə TMK-nın və TMB-
in əlində cəmləşməsi, çox vaxt onların və ayrı-ayrı dövlətlərin maraqları
arasında təzadların yaranmasıdır.
Daha bir problem "pulların yuyulmasıdır". XX əsrin sonlarında
cinayətkarlıq yolu ilə əldə olunmuş kapitalın pul formasında dövriyyəsi və
qeyri-qanuni köçürülmələri ümumdünya miqyası almışdır. Hər il dünya
maliyyə sistemində dövr edən "çirkli" pulların məbləği BVF tədqiqatçıları
tərəfindən 2,1 trilyon dollar civarında (2005) qiymətləndirilir, bu isə, MDM-
in 2-5%-ə bərabərdir.
Pulların "yuyulmasının" miqyası milli təsərrüfatların açılması,
kapitalın hərəkətinin dünya miqyasında genişlənməsi, kredit əməliyyatları
üzərində nəzarətin zəiflədilməsi prosesləri ilə paralel artırdı. Bu, qeyri-
qanuni yolla əldə olunmuş pul vəsaitlərini bütün dünya üzrə səpələnmiş
kredit idarələri vasitəsilə köçürməklə gizlətmək imkanı yaradır. Bu
əməliyyatlar həm nüfuzlu, həm də ofşor banklar tərəfindən geniş miqyasda
aparılır. Məlumatlara görə, 60 müxtəlif yurisdiksiyaya tabe olan təqribən 60
min ofşor bank mövcuddur. Onların təqribən 44%-i Karib dənizi hövzəsində
və Latın Amerikasında, 28%-i Avropada yerləşir.
8.4. Kredit vəsaitlərinin dünya maliyyə sistemində yerləşdirilməsi
Beynəlxalq kapital bazarlarında vəziyyətin inkişafı orada bütün
seqmentləri əhatə edən struktur dəyişiklikləri proseslərinin daim getdiyini
göstərir. Ağırlıq mərkəzini bir borclanma növündən başqasının üzərinə
keçirməklə, ssuda-borc əməliyyatlarının mexanizminin şəkli dəyişdirilir.
Dünya maliyyə sisteminin dəyişməsi kreditorlar, vasitəçilər və borcalanlar
tərəfindən güclü stimullaşdırıcı təsirin göstərilməsi ilə izah olunur.
________________________________________
Borcalanlar və kreditorlar
Beynəlxalq kapital bazarlarındakı vəsaitlərin əsas hissəsi (60-90%)
İƏİT ölkələrinin borcalanları tərəfindən götürülür. Onların arasında ən
böyükləri ABŞ-ın (2000-ci illərdə kapitalın 43-70%-i), Britaniyanın (3-
4,5%), İspaniyanın, İtaliyanın, Fransanın korporasiyalarıdır.
İnkişaf etməkdə olan ölkələrin beynəlxalq kapital bazarlarındakı payı